ខេត្តកំពង់ឆ្នាំង ៖ កសិដ្ឋានចិញ្ចឹមមាន់និងបណ្ដុះផ្សិតជាលក្ខណៈគ្រួសារមួយកន្លែង បានអភិវឌ្ឍមុខរបររបស់ខ្លួន ក្លាយជាក្រុមហ៊ុនបណ្ដុះផ្សិតលក់ចេញក្នុងមួយថ្ងៃប្រមាណពី១តោន ទៅ២តោន ។ នេះជាជោគជ័យរបស់ម្ចាស់ក្រុមហ៊ុន ដែលមានទីតាំងភូមិអូររោង ឃុំជ្រៃបាក់ស្រុករលាប្អៀរ…
ខេត្តកំពង់ឆ្នាំង ៖ កសិដ្ឋានចិញ្ចឹមមាន់និងបណ្ដុះផ្សិតជាលក្ខណៈគ្រួសារមួយកន្លែង បានអភិវឌ្ឍមុខរបររបស់ខ្លួន ក្លាយជាក្រុមហ៊ុនបណ្ដុះផ្សិតលក់ចេញក្នុងមួយថ្ងៃប្រមាណពី១តោន ទៅ២តោន ។ នេះជាជោគជ័យរបស់ម្ចាស់ក្រុមហ៊ុន ដែលមានទីតាំងភូមិអូររោង ឃុំជ្រៃបាក់ស្រុករលាប្អៀរ ។
លោក ជួប តុងអេង ប្រធានគ្រប់គ្រងផលិតកម្មនៃក្រុមហ៊ុនគង់សម្បត្តិកសិដ្ឋានខ្មែរខាងលើនេះ បានបញ្ជាក់ប្រាប់ភ្នាក់ងារយើង នៅព្រឹកថ្ងៃទី២៤ធ្នូ នេះថា នាយិកាក្រុមហ៊ុន គឺលោកស្រី គង់ ធីតា ចំណែកលោក គង់ សមត្តិ គឺជាឪពុករបស់លោកស្រី ។
ប្រធានគ្រប់គ្រងផលិតកម្មក្រុមហ៊ុនបានរំលឹកប្រវត្តិនៃការកកើតក្រុមហ៊ុនថា ៖ ពីដំបូងឡើងម្ចាស់ក្រុមហ៊ុន គ្រាន់តែជាអ្នកប្រកបមុខរបរចិញ្ចឹម មាន់និងដាំផ្សិតធម្មតា ជាលក្ខណៈគ្រួសារតែប៉ុណ្ណោះ ។ ប៉ុន្តែដោយសារតែមុខរបរបណ្ដុះផ្សិតចេះតែកាក់កប ពីមួយថ្ងៃទៅមួយថ្ងៃ ធ្វើឲ្យម្ចាស់កសិដ្ឋានខាងលើបានបង្រីកមុខរបររបស់ខ្លួនកាន់តែធំទៅ ៗ ហើយបានទម្លាក់មុខរបរចិញ្ជឹមមាន់ និងចាប់យកមុខរបរបណ្តុះផ្សិត
វិញ ។
បច្ចុប្បន្ន ម្ចាស់កសិដ្ឋានខាងលើ បានក្លាយទៅជាក្រុមហ៊ុនផលិតផ្សិតអំបោះ សម្រាប់លក់ចេញចន្លោះពី១,៥តោនទៅ២តោនក្នុងមួយថ្ងៃ ដែលតាមតម្លៃបោះដុំ មានតម្លៃទាបន្តិច គឺពី១ ទៅ១,៥ដុល្លារឬស្មើនិង៤ទៅ៦ពាន់រៀលក្នុង១គីឡូក្រាម ។
ចែករំលែកព័តមាននេះ