រាជធានីភ្នំពេញ ៖ រដ្ឋសភាបានអនុម័តសេចក្តីព្រាងច្បាប់ស្តីពីការអនុម័តយល់ព្រមលើការទូទាត់របស់រាជ រដ្ឋាភិបាល ឲ្យក្រុមហ៊ុនចំនួន៤ផ្សេងគ្នាធ្វើការសាងសង់ស្ថានីយផលិតអគ្គិសនីដើរដោយពន្លឺព្រះអាទិត្យ នៅក្នុងខេត្តចំនួន៤ផ្សេងគ្នាជាស្ថាពរ ។
ការអនុម័តសេចក្តីព្រាងច្បាប់នេះ ធ្វើឡើងក្នុងសម័យប្រជុំពេញអង្គលើកទី៣ នីតិកាលទី៦ នៅវិមានរដ្ឋសភា ក្រោមអធិបតីភាពសម្តេចពញាចក្រី ហេង សំរិន ប្រធានរដ្ឋសភា កាលពីព្រឹកថ្ងៃទី២៣ ខែធ្នូ ឆ្នាំ២០១៩ ដោយមានសមាជិកសមាជិការដ្ឋសភាចូលរួមប្រជុំចំនួន១១០រូប ។ លោក ស៊ុយ សែម រដ្ឋ មន្ត្រីក្រសួងរ៉ែនិងថាមពល បានលើកឡើងក្នុងសម័យប្រជុំពេញ អង្គរដ្ឋសភាថា កម្ពុជាមានប្រភពអគ្គិសនីដែលត្រូវពឹងផ្អែកលើទឹកភ្លៀង ។ ស្ថានីយវារីអគ្គិសនីផលិតថាមពលអគ្គិសនីពេញសមត្ថភាពនៅរដូវវស្សា ដែលមានភ្លៀងធ្លាក់ច្រើន ។
ផ្ទុយទៅវិញ នៅរដូវប្រាំងការផលិតថាមពលអគ្គិស នីត្រូវធ្លាក់ចុះមកត្រឹម៣០%នៃសមត្ថភាពធម្មតា
ឬករណីខ្លះអាចធ្លាក់ចុះទាបជាងនេះទៀត ។ ហេតុនេះ ប្រភពថាមពលដទៃទៀតដូចជាថាមពលដើរដោយពន្លឺព្រះអាទិត្យដែលមិនពឹងផ្អែកលើទឹកភ្លៀង គឺជាជម្រើសដ៏ចាំបាច់ដែលត្រូវប្រកាន់យក ដើម្បីបំពេញ បន្ថែមនៅរដូវវប្រាំង ។ លោករដ្ឋមន្ត្រីបន្តថា កម្ពុជាមានសក្តានុពលខ្ពស់ក្នុងការផលិតអគ្គិសនីដើរដោយពន្លឺព្រះអាទិត្យទាំងក្នុងរដូវប្រាំង និងរដូវស្សា ។
លោកបញ្ជាក់ថា ៖ «ដើម្បីបំពេញឲ្យបានតាមកំណើនតម្រូវការអគ្គិសនីចំពោះមុខ និងទៅពេលអនាគត
រាជរដ្ឋាភិបាលបានអនុម័តគម្រោងសាងសង់ស្ថានីយផលិតថាមពលអគ្គិសនីដើរដោយពន្លឺព្រះអាទិត្យ មានអានុភាពសរុប១៤០មេហ្គាវ៉ាត់ដោយចែកចេញជា៤គម្រោង និងផ្តល់សម្បទានជូនក្រុមហ៊ុនចំនួន៤ មានទីតាំងក្នុងខេត្តចំនួន៤រួមមាន ខេត្តបាត់ដំបងអានុភាព៦០មេហ្គាវ៉ាត់ខេត្តពោធិ៍សាត់អានុភាព៣០មេហ្គាវ៉ាត់ ខេត្តបន្ទាយមានជ័យអានុភាព៣០មេហ្គាវ៉ាត់ និង ខេត្តស្វាយរៀងអានុភាព២០មេហ្គាវ៉ាត់» ។
លោករដ្ឋមន្ត្រីបន្ថែមថា ចំពោះគម្រោងទាំងនេះត្រូវបានរាជរដ្ឋាភិបាលផ្តល់ការធានា២ប្រភេទដល់ក្រុមហ៊ុនគឺ ៖ទី១-ការធានាលើការទូទាត់ថ្លៃទិញថាមពលអគ្គិសនី ក្នុងករណីអគ្គិសនីកម្ពុជាមិនធ្វើការទូ
ទាត់ និងទី២-ការធានាលើការទូទាត់ថ្លៃទិញហេដ្ឋារចនាសម្ព័ន្ធគម្រោង ក្នុងករណីដែលក្រុមហ៊ុនមិនអនុវត្តគម្រោងបាន ដែលបណ្តាលមកពីព្រឹត្តិការណ៍ប្រធានស័ក្គិផ្នែកនយោបាយ ។
លោករដ្ឋមន្ត្រីបានឲ្យដឹងថា ក្រុមហ៊ុនទាំង៤ដែលរាជរដ្ឋាភិបាលបានអនុញ្ញាតឲ្យសាងសង់ស្ថានីយអគ្គិសនីដើរដោយពន្លឺព្រះអាទិត្យមាន ៖១-ក្រុមហ៊ុនរ៉ាយសិន អេនើជី(ខេមបូឌា)បាត់ដំបង ឯ.ក សម្រាប់គម្រោងសាងសង់ស្ថានីយផលិតអគ្គិសនីដើរដោយពន្លឺព្រះអាទិត្យអានុភាព៦០មេហ្គាវ៉ាត់ នៅខេត្តបាត់ដំបង សាង
សង់លើផ្ទៃដីប្រមាណ៨០ហិកតាស្ថិតនៅក្នុងភូមិសូភី ឃុំអន្លង់រុន ស្រុកថ្មគោល ខេត្តបាត់ដំបង ដោយទំហំវិនិយោគសរុប៥៧.២១៥.៥២០ដុល្លារអាមេរិក ។
២-ក្រុមហ៊ុនស្នេថេក អុីនហ្វីនីត ឯ.ក សម្រាប់គម្រោងសាងសង់ស្ថានីយផលិតអគ្គិសនី ដើរដោយពន្លឺព្រះ អាទិត្យ អានុភាព៣០មេហ្គាវ៉ាត់នៅខេត្តពោធិ៍សាត់ លើទំហំផ្ទៃដីប្រមាណ៤០ហិកតា ស្ថិតនៅចន្លោះផ្លូវជាតិលេខ៥ និងផ្លូវជាតិលេខ៥៣B ក្នុងភូមិអន្សារក្តាម ឃុំស្នាអន្សារ ស្រុកក្រគរ ខេត្តពោធិ៍សាត់ ចំណាយទុនវិនិយោគសរុប២៩.១១២.៦៦០ដុល្លារអាមេរិក ។
៣-ក្រុមហ៊ុនរ៉ាយផៅវ័រ សឹបផ្លាយ ឯ.ក សម្រាប់គម្រោងសាងសង់ស្ថាននីយផលិតអគ្គិសនីដើរដោយពន្លឺព្រះអាទិត្យ អានុភាព៣០មេហ្គាវ៉ាត់ នៅខេត្តបន្ទាយមានជ័យ លើទំហំផ្ទៃដីប្រមាណ៤១ហិកតា ស្ថិតនៅតាមផ្លូវជាតិលេខ៥៦ ក្នុងក្រុងសិរីសោភ័ណ ខេត្តបន្ទាយមានជ័យ ដោយធ្វើការវិនិយោគក្នុងថវិកាសរុបចំនួន២៨.៨០០.០០០ដុល្លារអាមេរិក ។
៤-ក្រុមហ៊ុនហ្គ្រីនសីស្ពែនណែប៊ល វេនឈ័រ(ខេមបូឌា) ឯ.ក សម្រាប់គម្រោងសាងសង់ស្ថានីយផលិតអគ្គិសនីដើរដោយពន្លឺព្រះអាទិត្យអានុភាព២០មេហ្គាវ៉ាត់ នៅខេត្តស្វាយរៀង លើផ្ទៃដីទំហំប្រមាណ៣០ហិកតា ស្ថិតក្នុងភូមិច្រកម្ទេស ឃុំជីភូ ក្រុងបាវិត ខេត្តស្វាយរៀងដោយវិយោគទុនសរុប១៧.៥៥៩.៣៦០ដុល្លារអាមេរិក ។
លោករដ្ឋមន្ត្រី ស៊ុយ សែម បានឲ្យដឹងទៀតថា សម្រាប់គម្រោងសាងសង់ស្ថានីយផលិតអគ្គិសនីដើរដោយពន្លឺព្រះអាទិត្យខាងលើនេះ នឹងដាក់ឲ្យដំណើរនៅក្នុងឆ្នាំ២០២០ខាងមុខនេះ ។ សូមជម្រាបថា ក្នុងសម័យ ប្រជុំពេញអង្គរដ្ឋសភានាព្រឹកថ្ងៃទី២៣ ខែធ្នូ ឆ្នាំ២០១៩ សមាជិកសមាជិការដ្ឋសភា ក៏បានអនុម័តសេចក្តីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជា ឲ្យក្រុមហ៊ុនធីអេសប៊ីភី សេកុង ផៅវ័រអ៊ែន មីនើវ៉ល ខមភេនី លីមីតធីត នៃសាធារណរដ្ឋប្រជា ធិបតេយ្យប្រជាមានិតឡាវ
និងសេចក្តីព្រាងព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិ បាលនៃព្រះរាជាណាចក្រកម្ពុជា ឲ្យក្រុមហ៊ុន សេងកុង សឺមម័ល ផៅវ័រ ផ្លេន ខមភេនី លីមីតធីត នៃសាធារណរដ្ឋប្រជា ធិប តេយ្យប្រជាមានិតឡាវ ទាក់ទងនឹងការទិញ-លក់អគ្គិសនីដោយផ្ទាល់ ដោយទិញពីក្រុមហ៊ុន ធីអេសប៊ីភី សេកុង ផៅវ័រ អ៊ែន មីនើវ៉ល ខមភេនី លីមីតធីត មានទំហំ៦០០មេហ្គាវ៉ាត់ និងក្រុមហ៊ុន សេងកុង សឺមម័ល ផៅវ័រ ផ្លេន ខមភេនី លីមីតធីតមានទំហំ១៨០០មេហ្គាវ៉ាត់ ក្នុងតម្លៃលក់៧,៧សេនអាមេរិកក្នុង១គីឡូ វ៉ាត់ម៉ោងសម្រាប់រយៈពេល៣០ឆ្នាំ ។
ក្រុមហ៊ុនទាំង២ខាងលើ មានកាតព្វកិច្ចត្រូវសាងសង់និងដំណើរការរោងចក្រអគ្គិសនីដុតធ្យូងថ្ម អនុស្ថានីយ និងខ្សែបញ្ជូនអគ្គិសនីតង់ស្យុង៥០០គីឡូវ៉ុល ប្រវែង៣០០គីឡូម៉ែត្រ ពីរោងចក្រផលិតអគ្គិសនីមកដល់ព្រំដែនកម្ពុជា -ឡាវនៃខេត្តព្រះវិហារ ៕
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ