ខេត្តកំពង់ចាម ៖ ការប្រកួតកីឡា ហែលទឹកជ្រើសរើសជើងឯកថ្នាក់ជាតិពានរង្វាន់តេជោសែន លើកទី៥ ឆ្នាំ២០១៩ ដែលបានរៀបចំធ្វើតាំងពីថ្ងៃទី២០ ធ្នូ នៅអាងហែលទឹកខេត្តកំពង់ចាមបានបិទបញ្ចប់ការប្រកួតជាផ្លូវការហើយកាលពីថ្ងៃទី២២ ធ្នូ…
ខេត្តកំពង់ចាម ៖ ការប្រកួតកីឡា ហែលទឹកជ្រើសរើសជើងឯកថ្នាក់ជាតិពានរង្វាន់តេជោសែន លើកទី៥ ឆ្នាំ២០១៩ ដែលបានរៀបចំធ្វើតាំងពីថ្ងៃទី២០ ធ្នូ នៅអាងហែលទឹកខេត្តកំពង់ចាមបានបិទបញ្ចប់ការប្រកួតជាផ្លូវការហើយកាលពីថ្ងៃទី២២ ធ្នូ ។
លោក ហែម គីរី អគ្គលេខាធិការសហព័ន្ធកីឡាហែលទឹកកម្ពុជា បានឱ្យដឹងថា ការប្រកួតនេះជាផែនការប្រចាំឆ្នាំរបស់ក្រសួងអប់រំ យុវជន និងកីឡា ។ ចំណែកវិញ្ញាសាប្រកួតចែកចេញជា៣ប្រភេទ គឺប្រកួតហែលធម្មតានិងប្រកួតកីឡាបាល់ទឹក ។ ការប្រកួតហែលធម្មតាមានផ្នែកបុរសអាយុ១២ឆ្នាំឡើង និងផ្នែកនារីចាប់ពីអាយុ១០ឆ្នាំឡើង។ រីឯការប្រកួតសម្រាប់ជនពិការវិញគឺកីឡាករដែលមានកម្រិតS3-S10។
ឆ្លងកាត់ការប្រកួតយ៉ាងស្វិតស្វាញជាលទ្ធផលបច្ចេកទេស ក្លិបក្រសួងសាធារណការ និងដឹកជញ្ចូនដណ្ដើមបានមេដាយច្រើនជាងគេ រហូតដល់ទៅ១៨គ្រឿង ក្នុងនោះមេដាយមាស១១គ្រឿង មេដាយប្រាក់៥គ្រឿង និងមេដាយសំរឹទ្ធ២គ្រឿង ។ ក្លិបក្រសួងមហាផ្ទៃឈរនៅលេខរៀងទី២ ដោយដណ្ដើមបានមេដាយចំនួន១៣គ្រឿង មេដាយមាស៦គ្រឿង មេដាយប្រាក់៥គ្រឿង និងមេដាយសំរឹទ្ធ២គ្រឿង ។ ក្លិបក្រសួងសេដ្ឋកិច្ចនិងហិរញ្ញវត្ថុ ដណ្ដើមបានមេដាយចំនួន១៧គ្រឿង មេដាយមាស១គ្រឿង មេដាយប្រាក់៦គ្រឿង និងមេដាយសំរឹទ្ធ១០គ្រឿង ។
ចំណែកលទ្ធផលប្រកួតរបស់ជនពិការវិញ គឺក្លិបកីឡាប៉ារ៉ាឡាំពិកកម្ពុជាដណ្ដើមបានមេដាយចំនួន៦គ្រឿង មេដាយមាស២គ្រឿង មេដាយប្រាក់២គ្រឿង និងមេដាយសំរឹទ្ធ២គ្រឿង ។ ក្លិបខេត្តកំពង់ចាមដណ្ដើមបានមេដាយចំនួន៦គ្រឿង មេដាយប្រាក់២គ្រឿងនិងមេដាយសំរឹទ្ធ៤គ្រឿង ៕ (កែសម្រួលដោយ ៖ បុប្ផា)
ចែករំលែកព័តមាននេះ