ប្រទេសចិន-ជប៉ុន-កួរ៉េខាងត្បូង ៖ យោងតាមYONHAPថាអ្នកទទួលខុសត្រូវជាន់ខ្ពស់ខាងពាណិជ្ជកម្ម របស់កូរ៉េខាងត្បូង ចិននិងជប៉ុនបានព្រមព្រៀងគ្នាកាលពីថ្ងៃទី២២ធ្នូ ជម្រុញការចរចាត្រីភាគីសំដៅបង្កើតកិច្ចព្រមព្រៀងផ្លាស់ប្ដូរសេរី ALE និងបង្កើនការខិតខំប្រឹងប្រែងរបស់ពួកគេ ដើម្បីចុះហត្ថលេខាលើកិច្ចព្រមព្រៀងពាណិជ្ជកម្មធំអាស៊ី-ប៉ាស៊ីហ្វិកមួយ។ រដ្ឋមន្ត្រីពាណិជ្ជកម្ម…
ប្រទេសចិន-ជប៉ុន-កួរ៉េខាងត្បូង ៖ យោងតាមYONHAPថាអ្នកទទួលខុសត្រូវជាន់ខ្ពស់ខាងពាណិជ្ជកម្ម របស់កូរ៉េខាងត្បូង ចិននិងជប៉ុនបានព្រមព្រៀងគ្នាកាលពីថ្ងៃទី២២ធ្នូ ជម្រុញការចរចាត្រីភាគីសំដៅបង្កើតកិច្ចព្រមព្រៀងផ្លាស់ប្ដូរសេរី ALE និងបង្កើនការខិតខំប្រឹងប្រែងរបស់ពួកគេ ដើម្បីចុះហត្ថលេខាលើកិច្ចព្រមព្រៀងពាណិជ្ជកម្មធំអាស៊ី-ប៉ាស៊ីហ្វិកមួយ។
រដ្ឋមន្ត្រីពាណិជ្ជកម្ម ឧស្សាហកម្មនិងថាមពលកូរ៉េខាងត្បូងលោក YUNG YUN MO បានជួបជាមួយរដ្ឋមន្ត្រីពាណិជ្ជកម្មចិន លោកZHONG SHAN និងរដ្ឋមន្ត្រីសេដ្ឋកិច្ចនិងពាណិជ្ជកម្មជប៉ុនលោកហ៊ីរ៉ូកាជីយ៉ាម៉ា ក្នុងការជួបពិភាក្សាគ្នាលើបណ្ដាមធ្យោបាយជម្រុញការចរចា សម្រាប់ការផ្លាស់ប្ដូរសេរីតំបន់នៅក្រុងប៉េកាំងកាលពីថ្ងៃទី២២ធ្នូ។
ការព្រមព្រៀងគ្នារបស់ប្រទេសទាំង៣ កើតមានខណៈចិនកំពុងមានជម្លោះពាណិជ្ជកម្ម ជាមួយសហរដ្ឋអាមេរិកចាប់តាំងពី១ឆ្នាំមកហើយ។ កិច្ចប្រជុំនោះក៏កំណត់ផងដែរពីការជួបគ្នាដំបូង របស់រដ្ឋមន្ត្រីទាំង៣រូបនៃប្រទេសអាស៊ីនៅជាប់ជិតខាងគ្នាទាំង៣ ចាប់តាំងពីក្រុងតូក្យូបង្កើតការរិតត្បិតខ្លាំងពុំធ្លាប់មានពីមុនមក លើការនាំចេញបណ្ដាសម្ភារឧស្សាហកម្មគន្លឹះទាំងឡាយមកកាន់កូរ៉េខាងត្បូងចាប់ពីខែកក្កដាមក។
ការជួបគ្នានាថ្ងៃទី២២ ធ្នូ នោះធ្វើឡើងមុនការជួបគ្នាកំពូលរបស់ប្រទេសទាំង៣ ដែលគ្រោងធ្វើនាសប្ដាហ៍នេះ នៅទីក្រុង CHENGDUភ ាគនិរតីប្រទេសចិន។ ក្នុងឧកាសនៃកិច្ចប្រជុំនេះ ក្រុងសេអ៊ូល ក្រុងប៉េកាំងនិងក្រុងតូក្យូគ្រោងជម្រុញការចរចារបស់ពួកគេ ដើម្បីចុះហត្ថលេខាលើកិច្ចព្រមព្រៀងALEពេញលេញនិងកម្រិតខ្ពស់មួយ នាឆ្នាំខាងមុខដើម្បីបង្កើនទំនាក់ទំនងសេដ្ឋកិច្ចឲ្យកាន់តែជិតស្និទ្ធ។ ការចរចាផ្លូវការដំបូងនានាស្ដីពីALEត្រីភាគីចាប់ផ្ដើមពីឆ្នាំ២០១៣មក៕ (កែសម្រួលដោយ ៖ បុប្ផា)
ចែករំលែកព័តមាននេះ