រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានជំរុញដល់មន្ត្រីដែលកំពុងធ្វើការបម្រើរាជរដ្ឋាភិបាលត្រូវយកចិត្តទុកដាក់ចំពោះប្រជាពលរដ្ឋក្នុងការផ្តល់សេវាសាធារណៈជូនពួកគាត់ និងទទួលយកសំណើរនានាពីពួកគាត់ ដើម្បីបង្កើនជំនឿជាក់ និងបង្កភាពកក់ក្តៅ ។
យោងតាមបណ្តាញសង្គមហ្វេសប៊ុកសម្តេចតេជោ ហ៊ុនសែន ចេញផ្សាយនៅថ្ងៃទី២៣ ខែធ្នូ បានឲ្យដឹងនៅក្នុងពិធីបិទសន្និបាតគណចលនាមហាជននៃគណៈកម្មាធិការកណ្តាល គណបក្សប្រជាជនកម្ពុជា កាលពីល្ងាចថ្ងៃទី២២ ខែធ្នូ នៅកោះពេជ្រ សម្តេចតេជោ ហ៊ុន សែន ប្រធានគណបក្សប្រជាជនកម្ពុជាបានថ្លែងអំណរគុណយ៉ាងជ្រាលជ្រៅបំផុតដល់សមាជិកសមាជិកាគណបក្សប្រជាជនកម្ពុជាទូទាំងប្រទេស ព្រមសមាជិកសមាជិកា ចលនាមហាជននៃគណៈកម្មាធិការកណ្តាល គណបក្សប្រជាជន មហាជនដែលបានចូលរួមសម្រេចបាននូវជោគជ័យធំៗជាច្រើនសម្រាប់ជាតិមាតុភូមិ ។
លោកបន្តថា ច្បាស់ណាស់ គឺគ្រប់កាលៈទេសៈទាំងអស់ គណបក្សប្រជាជនកម្ពុជាតែងតែនៅជិតប្រជាពលរដ្ឋ ហើយខិតខំពង្រឹងនូវសាមគ្គីភាព និងប្រមូលនូវគ្រប់ធនធានទាំងឡាយ ដើម្បីជំរុញការកសាងអភិវឌ្ឍន៍ និងការពារមាតុភូមិឲ្យកាន់តែរីកចម្រើនទៅមុខ ។
ទន្ទឹមនឹងនោះ គឺយើងត្រូវបន្តចូលរួមថែរក្សាការពារសន្តិភាព និងស្ថិរភាពនយោបាយសង្គម អោយបានរឹងមាំ ដើម្បីកម្ពុជាកាន់តែមានឱកាសអភិវឌ្ឍប្រទេសជាតិ ។ សម្តេចតេជោ ហ៊ុន សែន បានបញ្ជាក់ផងដែរថា ដោយសារគណបក្សមានមាគា៍ដឹកនាំត្រឹមត្រូវ និងផ្តល់សិទ្ធិសេរីភាពពេញលេញដល់ប្រជាពលរដ្ឋមកទល់ពេលនេះ ។ នៅក្នុងឱកាសនោះដែរ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានរំលឹកដល់មន្ត្រីគណបក្ស ជាពិសេសមន្ត្រីដែលមានតួនាទីដែលកំពុងបម្រើរាជរដ្ធាភិបាល បន្តយកចិត្តទុកដាក់បម្រើប្រជាពលរដ្ឋឲ្យទទួលបាននូវសេវាសាធារណៈក្នុងនោះ គឺមានទាំងសេវាតម្រូវការ និងសេវាចាំបាច់នានា ព្រមទាំងទទួលយកនូវសំណូមពរនានាពីប្រជាពលរដ្ឋ ដើម្បីបង្កើននូវជំនឿ និងភាពកក់កក្តៅកាន់តែខ្លាំងដល់ប្រជាពលរដ្ឋ ។
ជាមួយគ្នានោះដែរ សម្តេចតេជោ ហ៊ុន សែន ក៏បានរំលឹកផងដែរដល់មន្ត្រី គឺហាមដាច់ខាតកុំយកតួនាទីទៅវាតទីយកទ្រព្យសម្បត្តិរដ្ឋធ្វើជារបស់ខ្លួនដូចជា ការលុបដីសមុទ្រនៅខេត្តកោះកុង យកធ្វើជាទ្រព្យសម្បត្តិផ្ទាល់ខ្លួនជាដើម ៕
ចែករំលែកព័តមាននេះ