រាជធានីភ្នំពេញ ៖ បុរសម្នាក់ត្រូវបានសមត្ថកិច្ចអះអាងថា ប្រើប្រាស់ថ្នាំញៀនអស់រយៈពេលជិត១០ឆ្នាំមកហើយ លុះដល់ពេលថ្នាំរើឡើងក៏អុកឡុកក្នុងផ្ទះ រួចទិញសាំងចំនួនកន្លះលីត្របំរុងនឹងធ្វើសកម្មភាពដុតផ្ទះខ្លួនឯងចោលទៀត ទើបបង្កអោយមានការភ្ញាក់ផ្អើលដល់សមត្ថកិច្ចមូលដ្ឋានវាយខ្នោះយកទៅសួរនាំតែម្តង ។ ហេតុការណ៍ខាងលើនេះបានកើតឡើងកាលពីវេលាម៉ោង១០និង៣០នាទីយប់ថ្ងៃទី២២ ខែធ្នូ…
រាជធានីភ្នំពេញ ៖ បុរសម្នាក់ត្រូវបានសមត្ថកិច្ចអះអាងថា ប្រើប្រាស់ថ្នាំញៀនអស់រយៈពេលជិត១០ឆ្នាំមកហើយ លុះដល់ពេលថ្នាំរើឡើងក៏អុកឡុកក្នុងផ្ទះ រួចទិញសាំងចំនួនកន្លះលីត្របំរុងនឹងធ្វើសកម្មភាពដុតផ្ទះខ្លួនឯងចោលទៀត ទើបបង្កអោយមានការភ្ញាក់ផ្អើលដល់សមត្ថកិច្ចមូលដ្ឋានវាយខ្នោះយកទៅសួរនាំតែម្តង ។
ហេតុការណ៍ខាងលើនេះបានកើតឡើងកាលពីវេលាម៉ោង១០និង៣០នាទីយប់ថ្ងៃទី២២ ខែធ្នូ ឆ្នាំ២០១៩ តាមបណ្តោយផ្លូវ១៣ នៅចំណុចអ្នកតាចិន ស្ថិតក្នុងសង្កាត់ផ្សារចាស់ ខណ្ឌដូនពេញ ។
ជនបង្កខាងលើឈ្មោះហួរ ភេទប្រុស អាយុ២៦ឆ្នាំ ស្នាក់នៅបច្ចុប្បន្នក្នុងសង្កាត់ផ្សារចាស់ ខណ្ឌដូនពេញ ។
តាមប្រភពព័ត៌មានពីសមត្ថកកិច្ចមូលដ្ឋានបានអោយដឹងថា មុនពេលកើតហេតុ គឺបុរសដែលបែកថ្នាំ និងបង្កការអុកឡុកខាងលើបានប្រើប្រាស់ថ្នាំញៀនតាំងពីរៀនថ្នាក់ទី៩ រហូតមកដល់បច្ចុប្បន្ននេះមានរយៈពេលជិត១០ឆ្នាំមកហើយ និងមិនមែនជាលើកទីមួយនោះទេ គឺច្រើនលើកច្រើនសារមកហើយដែលបុរសខាងលើបានបង្កការអុកឡុកពេលដែលថ្នាំរើឡើងម្តងៗ ។
តាមប្រភពដដែលបានបន្តថា នៅថ្ងៃកើតហេតុ ជនបង្កបានគំរាមយកសាំងដុតផ្ទះខ្លួនឯងនិងគំរាមដល់អ្នកភូមិ ឬសមត្ថកិច្ចឱ្យតែហ៊ានឡើងទៅចាប់ ខ្លួននឹងយកកាំបិតចាក់ផ្តាច់ជីវិតទាំងអស់ ក៏បង្កអោយផ្អើលអស់មួយភូមិនាំគ្នាភ័យខ្លាច ទើបសមត្ថកិច្ចមូលដ្ឋានប៉ុស្តិ៍ផ្សារចាស់បានហៅកម្លាំងមកថែមដើម្បីចូលទៅឃាត់ខ្លួនជនបង្កយកមកប៉ុស្តិ៍នគរបាលធ្វើការសួរនាំ ក្រោយមកជនបង្កត្រូវបានសមត្ថកិច្ចឃុំខ្លួនជាបណ្តោះអាសន្ននៅឯប៉ុស្តិ៍រដ្ឋបាលនគរបាលផ្សារចាស់ដើម្បីកសាងសំណុំរឿងជាបន្តទៅទៀត ។
ក្រោយពេលកើតហេតុ ជនបង្កខាងលើនេះត្រូវបានសមត្ថកិច្ចកសាងសំណុំរឿងបញ្ជូនបន្តទៅកាន់អធិការដ្ឋាននគរបាលខណ្ឌដូនពេញដើម្បីចាត់ការតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ