ខេត្តបន្ទាយមានជ័យ ៖ នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិចំនួន២ នៅជាយដែនខ្មែរថៃ និងខ្មែរវៀតណាម ត្រូវបានផ្ទេរភារកិច្ច ។ នេះបើយោងតាមចំណារបស់សម្តេចក្រឡាហោមស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ…
ខេត្តបន្ទាយមានជ័យ ៖ នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិចំនួន២ នៅជាយដែនខ្មែរថៃ និងខ្មែរវៀតណាម ត្រូវបានផ្ទេរភារកិច្ច ។ នេះបើយោងតាមចំណារបស់សម្តេចក្រឡាហោមស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ចុះថ្ងៃទី៧ ធ្នូ ២០១៩ ។
ពិធីផ្ទេរភារកិច្ចនិងចូលកាន់មុខតំណែងខាងលើ ធ្វើឡើងនៅក្នុងបរិវេណប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត ក្រោមអធិបតីភាពលោកឃុនសំបូរអគ្គនាយករងនៃអគ្គនាយដ្ឋាននគរបាលអន្តោប្រវេសន៌តំណាងដ៌ខ្ពង់ខ្ពស់, លោកគាត ច័ន្ទថារិទ្ធ អគ្គនាយកនៃអគ្គនាយកដ្ឋាននគរបាលអន្តោប្រវេសន៌ក្រសួងមហាផ្ទៃ, លោកង៉ោម៉េងជ្រួនអភិបាលរងខេត្ត, លោកមាស ចន្ទពិសិដ្ឋ ព្រះរាជអាជ្ញាអមសាលាដំបូងខេត្តប្រធាន អនុប្រធាននាយកដ្ឋានច្រកទ្វារទី១ និងតំណាងអង្គភាពពាក់ព័ន្ធនៅក្រុងប៉ោយប៉ែតខេត្តបន្ទាយមានជ័យចូលរួមជាច្រើននាក់ ។ ពិធីនេះក៏មានការអញ្ជើញចូលរួមពីតំណាងមន្ត្រីសមត្ថកិច្ចស្រុកអរញ្ញា ខេត្តស្រះកែវ ប្រទេសថៃផងដែរ ។
ដូចក្នុងចំណារខាងលើ កាលពីរសៀលថ្ងៃទី២០ ធ្នូ លោកឧត្តមសេនីយ៍ត្រីអុី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិអូរយ៉ាដាវនៃនាយកដ្ឋានច្រកទ្វារទី២ (ខេត្តរតនៈគិរី) ព្រំដែនខ្មែរ-វៀតណាមទៅជានាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតនៃនាយកដ្ឋានទី១ ព្រំដែនខ្មែរថៃ (ខេត្តបន្ទាយមានជ័យ)។
ដោយឡែក លោកវរសេនីយ៍ឯកខឹម ចិត្រា នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែតនៃនាយកដ្ឋានច្រកទ្វារទី១ ព្រំដែនខ្មែរថៃ និងត្រូវទៅទទួលភារកិច្ចជានាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិអូរយ៉ាដាវនៃនាយកដ្ឋានច្រកទ្វារទី២ ក្នុងខេត្តរតនៈគិរី ជំនួសលោកឧត្តមសេ
នីយ៍ត្រីអុី ចំរើន ។
ចែករំលែកព័តមាននេះ