ខេត្តេពោធិ៍សាត់ ៖ ព្រះពុទ្ធបដិមាឆ្លាក់ជាប់ជញ្ជាំងថ្ម នៅតំបន់ជួរភ្នំក្រវាញកណ្តាល ស្ថិតក្នុងភូមិក្បាលដំរី ឃុំអន្សាចំបក់ ស្រុកក្រគរ ខេត្តពោធិ៍សាត់ គេទើបតែប្រទះឃើញកាលពីពេល ថ្មីកន្លងមកនេះ ។ អ្នកស្រុកនិយាយ តៗគ្នាថា ទីនោះជាទីសក្ការបូជានាសម័យចេនឡា ។
លោកអេង គន្ធា អគ្គនាយករងអគ្គិសនីកម្ពុជា និងជាប្រធានក្រុមការងារចុះជួយឃុំអន្សាចំបក់ ស្រុកក្រគរ បានស្នើឲ្យក្រុមជំនាញ ទៅពិនិត្យ និងសិក្សាផ្ទាល់ ដើម្បីដឹងឲ្យប្រាកដពីសម័យកាល និងកាលបរិច្ឆេទនៃវត្ថុបុរាណ ជាពិសេសផ្ទាំងថ្មជាច្រើនមើលមួយភ្លែត មានសណ្ឋានហាក់បីដូចជាសត្វ ឬរូបបដិមានានាជាច្រើន។
បើតាមAccount Facebook ឈ្មោះអេង គន្ធា (Eng Kunthea) បានសរសេររៀបរាប់ កាលពីថ្ងៃទី១៨ ខែធ្នូ ឆ្នាំ២០១៩ ថា «សូមអរគុណក្រុមរុករកនៅថ្ងៃនេះ បានប្រទះឃើញទីសក្ការបូជា “សម័យបុរេ ប្រវត្តិ និងសម័យអង្គរ” សូមឲ្យមហាកុសលនេះជួយបីបាច់រក្សាប្រជាជនខ្មែរទូទាំងប្រទេស ។រូបភាពពីឃុំអន្សាចំបក់ ស្រុកក្រគរ ពោធិ៍សាត់»។
ម្ចាស់Accountនោះ បានសរសេរបន្តថា «រូបទាំងបីនេះ មួយណាជា “សយនមុទ្រ ឬព្រះសម្មាសម្ពុទ្ធផ្ទំ” និង”និព្វានមុទ្រ ឬ ព្រះសម្មាសម្ពុទ្ធបរិនិព្វាន” ។ ទីកន្លែងនេះត្រូវបានបោះបង់រាប់ពាន់ឆ្នាំមកហើយ ទើបតែរកឃើញនៅថ្ងៃទី១៨ ខែវិច្ឆកាឆ្នាំ២០១៩ »។
ទីកន្លែងនោះមិនមាននរណាម្នាក់បានទៅដល់ជាច្រើនឆ្នាំមកហើយ នៅលើកំពូលជួរភ្នំក្រវាញកណ្តាល ស្ថិតក្នុងភូមិក្បាលដំរី ឃុំអន្សាចំបក់ ស្រុកក្រគរ ខេត្តពោធិ៍សាត់ ៕
ចែករំលែកព័តមាននេះ