ខេត្តព្រះសីហនុ ៖ ដំណើរការនៃការដ្ឋានកសាងផ្លូវ៣៤ខ្សែ នៅក្នុងខេត្តព្រះសីហនុ បាននឹងកំពុងដំណើរការយ៉ាងមមារញឹកឥតឈប់ឈរ ដើម្បីឆ្លើយតបតាមសេចក្ដីត្រូវការរបស់ប្រជាពលរដ្ឋក្នុងខេត្ត ។ ជាក់ស្ដែង នៅថ្ងៃទី២០ ធ្នូ…
ខេត្តព្រះសីហនុ ៖ ដំណើរការនៃការដ្ឋានកសាងផ្លូវ៣៤ខ្សែ នៅក្នុងខេត្តព្រះសីហនុ បាននឹងកំពុងដំណើរការយ៉ាងមមារញឹកឥតឈប់ឈរ ដើម្បីឆ្លើយតបតាមសេចក្ដីត្រូវការរបស់ប្រជាពលរដ្ឋក្នុងខេត្ត ។ ជាក់ស្ដែង នៅថ្ងៃទី២០ ធ្នូ សកម្មភាពដំណេីរការកសាងផ្លូវដែលក្រុមការងារកងវិស្វកម្ម កំពុងបន្តដំណេីរការស្ថាបនា នៅឯចំណុចវិថីឯករាជ្យ ម្តុំរង្វង់មូលត្រីដាវ រហូតដល់មុខវិមានឯករាជ្យ ក្រុងព្រះសីហនុ ឃេីញថា ការឈូសឆាយបេីកប្លង់ប្រព័ន្ធ ក្នុងដំណាក់កាលទី១ ត្រូវបានបញ្ចប់ ។ ហេីយពេលនេះបាននិងបន្តនៅដំណាក់កាលទី២ទៀត ។ ដូច្នេះ ក្រុមការងារបានស្នើសុំការសហការនិងអធ្យាស្រ័យពីបងប្អូនប្រជាពលរដ្ឋ ក្នុងករណីមានផលប៉ះពាល់ ដែលកើតមានឡើងអំឡុងពេលធ្វើផ្លូវនេះ ។
ចំពោះដំណាក់កាលទី២នេះ ក្រុមការងារកងវិស្វកម្មបានអោយដឹងថា បានប្រមាណជាង៤០%ទៅ៥០% ហេីយ ប៉ុន្តែប្រសិនបើមិនមានការរាំងស្ទះដោយកត្តាអ្វីនោះ ក្រុមការងារនឹងបន្តធ្វេី ដេីម្បីបញ្ចប់នៅជំហាននៃដំណាក់កាលទី២នេះក្នុងពេលដ៏ឆាប់ៗខាងមុខនេះ ។
ក្រុមការងារកងវិស្វកម្មបានបន្តទៀតថា ក្នុងដំណើរការស្ថាបនាផ្លូវក្នុងក្រុងនេះ ដោយសារមានចរាចរណ៍ មមារញឹក និងកកស្ទះខ្លាំងពេក ធ្វើឱ្យក្រុមជំនាញត្រូវប្រើពេលយូរ ។ ហើយក្នុងនោះ លោកក៏សុំអធ្យា ស្រ័យដល់បងប្អូនអ្នកដំណើរ សូមកុំប្រជ្រៀតនឹងគ្រឿងចក្រដែលកំពុងធ្វើការ ។
ទោះពេលនេះ ផ្លូវធ្វេីដំណេីរទូទាំងក្រុងមានលក្ខណៈស្ទះចង្អៀតក៏ដោយ ក៏យើងបារម្ភខ្លាចជួបគ្រោះថ្នាក់ ដោយប្រការណាមួយ ហេីយក្រុមការងារកងវិស្វកម្ម ក៏កំពុងខិតខំប្រឹងប្រែងធ្វើទាំងយប់ទាំងថ្ងៃ និងប្តូវេនគ្នាធ្វើមិនចង់ពន្យារ ពេលឡើយ ។
ចែករំលែកព័តមាននេះ