រាជធានីភ្នំពេញ ៖ លោកឧបនាយករដ្ឋមន្ត្រីប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិបានថ្លែងថា ជាកិច្ចកត់សម្គាល់ក្នុងកិច្ចសហការរយៈពេល១០កន្លងមកនេះ មានវិស័យជាច្រើនត្រូវបានធ្វើកិច្ចសហប្រតិបត្តិការ ។
លោកឧបនាយករដ្ឋមន្ត្រីបន្តដូចជា វិស័យកិច្ចសហប្រតិបត្តិការវិស័យហេដ្ឋារចនាសម្ព័ន្ធ វិស័យគ្រប់គ្រងទឹក អប់រំ សុខាភិបាល រហូតដល់ការផ្តល់អំណាចជូនស្ត្រី និងគំនិតផ្តួចផ្តើមផ្នែកបរិស្ថាន ។ លោកឧបនាយករដ្ឋមន្ត្រីបន្តថា ក្នុងរយៈពេល១០ឆ្នាំរហូតមកដល់ពេលនេះគំនិតផ្តួចផ្តើមនេះបានវិវត្តន៍ ដើម្បីឆ្លុះបញ្ចាំងតថភាពពិតទាំងក្នុងតំបន់ និងពិភពលោក ។ កាលពីឆ្នាំទៅមានសរសរស្តមចំនួន៦ ត្រូវបានដាក់ចេញដូចជា កសិកម្ម សន្តិសុខស្បៀង ការតភ្ជាប់ការសិក្សាធិការ អប់រំ សន្តិសុខ សុខាភិបាល មកជាកម្មវិធីទឹកស្បៀងអាហារ សន្តិសុខស្បៀងអាហារ និងការអភិវឌ្ឍធនធានមនុស្ស ។
លោកឧបនាករដ្ឋមន្ត្រីក្នុងពិធីនេះដែលរៀបចំឡើងនៅទីស្តីការក្រសួងការបរទេសនារសៀល ថ្ងៃទី២០ ខែធ្នូនេះ ដោយមានការអញ្ជើញចូលរួមពីមន្ត្រីរាជការវាគ្មិនសំខាន់ៗចូលរួមបកស្រាយផងដែរ ។
សូមបញ្ជាក់ថា ក្រសួងការបរទេសបានរៀបចំខួប១០នៃវេទិកាស្តីពីសមិទ្ធផល និងទិសដៅនាពេលអនាគតនៃកិច្ចសហប្រតិបត្តិការគំនិតផ្តួចផ្តើមទន្លេមេគង្គក្រោម ដោយមានតំណាងស្ថានទូតអាមេរិក និងមន្ត្រីការបរទេសនៃបណ្តាប្រទេសនានាចូលរួមផងដែរ ។ ការរៀបចំវេទិកាសាធារណៈស្តីពីសមិទ្ធផល និងទិសដៅនាពេលអនាគតនៃកិច្ចសហប្រតិបត្តិការគំនិតផ្តួចផ្តើមមេគង្គក្រោម ៕ កែសម្រួលដោយ ៖ សុឃាក់
ចែករំលែកព័តមាននេះ