ខេត្តកំពង់ឆ្នាំង ៖ កុមារ២នាក់បានលង់ទឹកស្លាប់ ខណៈដែលពួកគេបានចុះលេងទឹកស្រះមួយកន្លែងស្ថិតនៅក្នុងបរិវេណបន្ទាយទាហ៊ានកងវរៈសេនាតូចលេខ១ ស្ថិតក្នុងភូមិ ស្រែតាជៃ ឃុំអភិវឌ្ឍន៍ ស្រុកទឹកផុស ហេតុការណ៍នេះបានកើតឡើងនៅវេលាម៉ោង០៥និង១៥នាទីល្ងាច ថ្ងៃទី១៩…
ខេត្តកំពង់ឆ្នាំង ៖ កុមារ២នាក់បានលង់ទឹកស្លាប់ ខណៈដែលពួកគេបានចុះលេងទឹកស្រះមួយកន្លែងស្ថិតនៅក្នុងបរិវេណបន្ទាយទាហ៊ានកងវរៈសេនាតូចលេខ១ ស្ថិតក្នុងភូមិ ស្រែតាជៃ ឃុំអភិវឌ្ឍន៍ ស្រុកទឹកផុស ហេតុការណ៍នេះបានកើតឡើងនៅវេលាម៉ោង០៥និង១៥នាទីល្ងាច ថ្ងៃទី១៩ ខែធ្នូ ឆ្នាំ២០១៩ ។
កុមាររងគ្រោះទាំង២នាក់ម្នាក់មានឈ្មោះ សន ផាតម៉េងលៀង ភេទប្រុស អាយុ១០ឆ្នាំ និងទី២-ឈ្មោះ ឯម ម៉ារីយ៉ា ភេទស្រី អាយុ១២ឆ្នាំ កុមាររងគ្រោះទាំងពីរនាក់មានទីលំនៅក្នុងភូមិ-ឃុំកើតហេតុខាងលើ ដោយមុនពេលកើតហេតុពួកគេទាំងពីរនាក់បាននាំគ្នាទៅចុះលេងទឹកស្រះខាងលើ បន្ទាប់មកក៏បានលង់ស្លាប់ទាំងពីរនា ដែលមិនមានមនុស្សចាស់នៅក្បែរនោះអាចជួយសង្គ្រោះពួកគេបានទាន់ពេលវេលាឡើយ ។
សពកុមាររងគ្រោះទាំងពីរនាក់បន្ទាប់ពីសមត្ថកិច្ចជំនាញនៃអធិការដ្ឋាននគរបាលស្រុកទឹកផុសបានធ្វើកោសល្យវិច័យទៅតាមបច្ចេកទេសរួចមក សមត្ថកិច្ចបានកំណត់ថា ការស្លាប់របស់កុមារទាំងពីរនាក់ខាងលើនេះគឺពិតជាស្លាប់ដោយសារលង់ទឹកប្រាកដមែន និងបានប្រគល់ជូនទៅក្រុមគ្រួសារដើម្បីយកទៅចាត់ចែងធ្វើបុណ្យតាមប្រពៃណី ៕
កែសម្រួលដោយ ៖ សំណាង
ចែករំលែកព័តមាននេះ