សាលតាំងបង្ហាញរថយន្តម៉ាក NISSAN ថ្មីនៅកម្ពុជា បើកសម្ពោធជាផ្លូវការ !
- ភ្នំពេញ
រាជធានីភ្នំពេញ ៖ ក្រុមហ៊ុន តាន់ ចុង ម៉ូធ័រ (ខេមបូឌា) ភីធីវ៉ាយ អិលធីឌី (TCMC)…
រាជធានីភ្នំពេញ ៖ ក្រុមហ៊ុន តាន់ ចុង ម៉ូធ័រ (ខេមបូឌា) ភីធីវ៉ាយ អិលធីឌី (TCMC)…
រាជធានីភ្នំពេញ ៖ ក្រុមហ៊ុន តាន់ ចុង ម៉ូធ័រ (ខេមបូឌា) ភីធីវ៉ាយ អិលធីឌី (TCMC) ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន តាន់ ចុង ម៉ូធ័រ ហូលឌីង ប៊ីអេចឌី (ម៉ាឡេស៊ី) និងជាក្រុមហ៊ុនទទួលស្គាល់សិទ្ធិនាំចូល និងចែកចាយផ្តាច់មុខស្របច្បាប់លើរថយន្តម៉ាក NISSAN តែមួយគត់នៅក្នុងប្រទេសកម្ពុជា បានបើកសម្ពោធជាផ្លូវការហើយនូវសាលតាំងបង្ហាញរថយន្តថ្មីម៉ាក NISSAN របស់ខ្លួនដែលមានទីតាំងនៅផ្លូវសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីថ្ងៃទី ១៩ខែធ្នូ ឆ្នាំ ២០១៩ ។
លោក ឧកញ៉ា Than Tai Hing ដែលជាប្រធានក្រុមប្រឹក្សាភិបាលក្រុមហ៊ុន តាន់ ចុង ម៉ូធ័រ ប្រចាំប្រទេសកម្ពុជា និងឡាវ បានមានប្រសាសន៍ថា ទស្សនៈ និងឆន្ទៈរបស់ ក្រុមហ៊ុន NISSAN គឺពឹងផ្អែកទៅលើយុត្តិសាស្ត្រផលិតរថយន្តដែលមានការរចនា និងច្នៃប្រឌិតថ្មី ហើយ បានអភិវឌ្ឍអាជីវកម្មរបស់ខ្លួនដោយមានការប្តេជ្ញាចិត្តខ្ពស់ក្នុងការផលិតរថយន្តស៊េរីថ្មីទំនើបដែលមានគុណភាពខ្ពស់ស្របតាមបច្ចេកវិទ្យាចុងក្រោយយបង្អស់ ដើម្បីផ្គត់ផ្គង់ដល់អតិថិជនដែលនិយមប្រើប្រាស់រថយន្តស៊េរីថ្មីបានទាន់តម្រូវការ គឺដើម្បីអោយអតិថិជនរបស់យើងទាំងអស់ទទួលបាននូវអារម្មណ៍រីករាយ ផាសុកភាព និងសុវត្ថភាព ក្នុងការបើកបរ មិនតែប៉ុណ្ណះក្រុមហ៊ុនយើងបានផ្តល់នូវបទទពិសោធន៍ និងសេវាកម្មដ៏មានទំនុកចិត្តដល់អតិថិជនតាំងពីនាទីដំបូង។
លោក ឧកញ៉ា បានបន្តទៀតថា ដោយសំឡឹងឃើញពីការកើនឡើងនៃអ្នកប្រើប្រាស់រថយន្តម៉ាក NISSAN និងដើម្បីឆ្លើយតបទៅនឹងតម្រូវការរបស់អតិថិជនអោយបានទាន់ពេលវេលា ក្រុមហ៊ុន តាន់ចុង មូធ័រ បាននិងកំពុងបន្តពង្រីក និងពង្រឹងនូវសេវាកម្មរបស់ខ្លួនដើម្បីធានាឱ្យបាននូវសេវាកម្មដែលមានគុណភាពខ្ពស់ មានភាពងាយស្រួល និងមានភាពជឿជាក់ដល់អតិថិជន លើសពីនេះទៅទៀតរថយន្តម៉ាក NISSAN គឺជាប្រេភេទរថយន្តដែលត្រូវបានទទួលស្គាល់ថា មានគុណភាពខ្ពស់ និងចំណាយសាំងតិចពីសំណាក់អ្នកប្រើប្រាស់គ្រប់ទិសទីទូទាំងសកលលោក ។
លោកស្រី Ayako Nakamura អគ្គនាយករងផ្នែកទីផ្សារឯករាជ្យ ប្រចាំអាស៊ី និងអូសេអានី បានលើកឡើងថា «តម្រូវការរបស់អតិថិជន គឺជាកត្តាចំបង និងចាំបាច់បំផុត ដែលយើងខ្ញុំត្រូវយកចិត្តទុកដាក់ និងបំពេញអោយបាន ខណៈពេលដែលយើងខ្ញុំផ្តោតសំខាន់ទៅលើការបំពេញ និងផ្តល់សេវាកម្ម ដែលល្អឥតខ្ចោះលំដាប់ពានរង្វាន់នៅក្នុងវិស័យឧស្សាហកម្មដែលឈានមុខគេ វាក៏ជាកត្តាសំខាន់ផងដែរ ដែលយើងខ្ញុំចាំបាច់ត្រូវយកចិត្តទុកដាក់ក្នុងការបង្កើតនូវបរិយាកាសដែលល្អ ប្រសើរទុកជាបទពិសោធន៍» ។
ឯកឧត្តម ពៅ ម៉ាលី រដ្ឋលេខាធិការនៃក្រសួងសាធារណការ និងដឹកជញ្ជូន បានមានប្រសាសន៍ថា៖ ការបើកសម្ពោធជាផ្លូវការនូវសាលតាំងបង្ហាញរថយន្តម៉ាក NISSAN ថ្មីនេះ គឺលោកពិតជាមានមោទនភាព និងរីករាយក្រៃលែងចំពោះការខិតខំប្រឹងប្រែងរបស់ក្រុមហ៊ុន NISSAN និងក្រុមហ៊ុន តាន់ ចុង ម៉ូធ័រ ខេមបូឌា ដែលបានសហការគ្នាយ៉ាងស្វិតស្វាញក្នុងការផលិត និងផ្គត់ផ្គង់រថយន្តទំនើបស៊េរីថ្មីតបនឹងតម្រូវការអតិថិជនក្នុងប្រទេសកម្ពុជាយើង ។
ឯកឧត្តមពិតជាស្ញប់ស្ញែង និងសូមកោតសរសើរចំពោះបច្ចេកវិទ្យាដ៏ថ្មីដែលបានបង្កើតឡើងសម្រាប់បំពាក់លើរថយន្ត NISSAN នាពេលបច្ចុប្បន្ន ហើយជឿជាក់ថា ប្រព័ន្ធបំលាស់ទីឆ្លាតវៃ (Intelligent Mobility) ដែលបានបំពាក់លើរថយន្ត NISSAN នឹងជួយបង្កើនសុត្ថិភាពដល់អ្នកបើកបរ ព្រមទាំងកាត់បន្ថយគ្រោះថ្នាក់ចរាចរណ៍ផងដែរ ។
ឯកឧត្តម ពៅ ម៉ាលី បានបន្ថែមទៀតថា ការបើកសម្ពោធជាផ្លូវការសាលតាំងបង្ហាញរថយន្តរបស់ ក្រុមហ៊ុន NISSAN ថ្មីមួយនេះ ត្រូវបានរៀបចំឡើងដោយយកចិត្តទុកដាក់ពីគណៈគ្រប់គ្រងជាន់ខ្ពស់របស់ក្រុមហ៊ុន តាន់ចុង ម៉ូធ័រ រួមទាំងអ្នកសារព័ត៌មានជាតិ និងទូរទស្សន៍ក្នុងស្រុកជាច្រើន ។
ភ្ញៀវកិត្តិយសដែលបានអញ្ជើញចូលរួមក្នុងកម្មវិធីបើកសម្ពោធសាលតាំងបង្ហាញរថយន្តរបស់រថយន្ត NISSAN ទាំងអស់បានសម្តែងនូវការចាប់អារម្មណ៍យ៉ាងខ្លាំងទៅលើការដាក់តាំងបង្ហាញរថយន្តមូដែលថ្មី ទំនើបទាំងអស់របស់ NISSAN ជាពិសេសពួកគាត់បានទទួលនូវអារម្មណ៍រីករាយ និងបទពិសោធន៍ថ្មី ប្លែកអស្ចារ្យជាមួយនឹងរចនាប័ទ្មរបស់ម៉ាកសំគាល់ NISSAN ដែលមានពណ៌ក្រហមលេចធ្លោ និងមានតែមួយគត់នៅក្នុងប្រទេសកម្ពុជា ។
សាលតាំងបង្ហាញថ្មីរបស់រថយន្ត NISSAN ដែលចាប់បើកដំណើរការនេះនឹងបង្កើនភាពងាយស្រួលដល់អតិថិជនក្នុងការស្វែងរកតបទៅនឹងតម្រូវការនៃកំណើនប្រជាជនដែលបានកើនឡើងនៅរាជធានីភ្នំពេញ លើសពីនេះអតិថិជននឹងទទួលបាននូវសេវាកម្មប្រឹក្សារថយន្តដែលនៅជិតលោកអ្នកបំផុត ។
អតិថិជនអាចទទួលបាននូវបទសោធន៍ដ៏ល្អ និងការស្វាគមន៍យ៉ាងកក់ក្ដៅក្នុងការអញ្ជើញចូល ទស្សនារាល់រថយន្ត NISSAN ម៉ូដែលថ្មីដែលកំពុងដាក់តាំងបង្ហាញក្នុងសាលតាំងបង្ហាញរថយន្តដែលប្រកបដោយផាសុកភាព ទំនើប ស៊ីវីល័យ និងបានជួបជាមួយបុគ្គលិកផ្តល់ប្រឹក្សារថយន្តដែលមានភាពរួសរាយរាក់ទាក់ ដើម្បីទទួលបាននូវការបើករថយន្ត NISSAN សាកល្បង មិនតែប៉ុណ្ណោះអតិថិជនអាចទទួលបាននូវអារម្មណ៍រីករាយស្រស់ថា្លជាមួយក្រុមគ្រួសារក្នុងសាលតាំងបង្ហាញរថយន្តដែលបំពាក់ដោយ Wi-Fi កន្លែងអង្គុយលេង កន្លែងក្មេងលេង និងចូលរួមទទួលទានកាហ្វេដ៏ឈ្ងុយឆ្ងាញ់ដោយឥតគិតថ្លៃ ។
សម្រាប់ព័ត៌មានបន្ថែមស្ដីពីម៉ូដែលរបស់រថយន្ត NISSAN ទាំងអស់នៅកម្ពុជាសូមចូលទៅកាន់វេបសាយរបស់រថយន្ត NISSAN កម្ពុជាតាមរយៈ ៖ www.nissan.com.kh ឬតាមដាននៅលើទំព័រ Facebook របស់រថយន្ត NISSAN កម្ពុជា តាមរយៈ https://www.facebook.com/CambodiaNissan/ ឬទំនាក់ទំនងទូរស័ព្ទលេខ៖ 023 993 338 ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ