Arsene Wenger បោះពាក្យទៅអនាគតគ្រូបង្វឹក Arsenal ថានៅស្ទើរ
តាមប្រភពព័ត៌មាន Soccer Laduma បានឱ្យដឹងថា អតីតអ្នកចាត់ការក្រុម Arsenal លោក Arsene Wenger បានចែករំលែកគំនិតរបស់គាត់អំពីលទ្ធភាពរបស់…
តាមប្រភពព័ត៌មាន Soccer Laduma បានឱ្យដឹងថា អតីតអ្នកចាត់ការក្រុម Arsenal លោក Arsene Wenger បានចែករំលែកគំនិតរបស់គាត់អំពីលទ្ធភាពរបស់…
តាមប្រភពព័ត៌មាន Soccer Laduma បានឱ្យដឹងថា អតីតអ្នកចាត់ការក្រុម Arsenal លោក Arsene Wenger បានចែករំលែកគំនិតរបស់គាត់អំពីលទ្ធភាពរបស់ Mikel Arteta ក្លាយជាគ្រូបង្វឹកថ្មីរបស់ក្រុមកាំភ្លើងធំ។
យោងតាមរបាយការណ៍នៅក្នុងប្រទេសអង់គ្លេស លោក Arteta នឹងត្រូវប្រកាសជាអ្នកចាត់ការថ្មីរបស់ក្រុមកាំភ្លើងធំ Arsenal មុនពេលការប្រកួតនៅក្របខណ្ឌ Premier League របស់ក្លិបទល់នឹងក្រុម Everton នៅចុងសប្តាហ៍នេះ។
លោក Wenger បាននាំ Arteta មកលេងនៅ Arsenal ក្នុងឆ្នាំ២០១១ ហើយខ្សែបម្រើរូបនេះបានបន្តបង្ហាញខ្លួនជាង ១០០ដងក្នុងរយៈពេល ៥ ឆ្នាំជាមួយក្លិប មុនពេលគាត់ប្រកាសចូលនិវត្តន៍ពីអាជីពកីឡាករបាល់ទាត់។
ទោះបីជាលោក Arteta មិនមានបទពិសោធជាអ្នកគ្រប់គ្រងក៏ដោយ លោក Wenger មានប្រសាសន៍ថា គាត់នឹងគាំទ្រអតីតកីឡាករជនជាតិអេស្បាញរូបនេះ ប្រសិនបើគាត់ចូលកាន់តំណែងនៅ Arsenal ។
លោកបាននិយាយថា៖ «ខ្ញុំជាអ្នកគាំទ្រក្រុម Arsenal ហើយខ្ញុំគាំទ្រអ្នកចាត់ការដែលទទួលបន្ទុក។ ប្រសិនបើ Arteta ចូលកាន់តំណែង ខ្ញុំនឹងគាំទ្ររូបគេ។ ពិតណាស់ Arsenal កំពុងឆ្លងកាត់ដំណាក់កាលដ៏លំបាកមួយ ហើយខ្ញុំក៏មិនចង់ធ្វើអត្ថាធិប្បាយច្រើនពេកដែរ។ ខ្ញុំគ្រាន់តែមិនសូវសប្បាយចិត្ត ដូចទៅនឹងអ្នកគាំទ្រឯទៀតដែរ»។
លោកបានបន្តថា៖ «ខ្ញុំជឿជាក់ថា Mikel Arteta ពិតជាមានអនាគតដ៏អស្ចារ្យ។ គាត់បានរៀនសូត្រច្រើននៅក្នុងតំណែងដំបូងក្នុងនាមជាជំនួយការគ្រូបង្វឹក ប៉ុន្តែបន្ទាប់ពីនោះគាត់នឹងត្រូវដោះស្រាយជាមួយនឹងការពិត ដែលគាត់ត្រូវកាន់តំណែងជាគ្រូបង្វឹកពេញលក្ខណៈម្នាក់» ៕
ចែករំលែកព័តមាននេះ