រាជធានីភ្នំពេញ ៖ មន្ត្រីសហព័ន្ធស្រូវអង្ករកម្ពុជាបានអះអាង នៅថ្ងៃទី១៩ ខែធ្នូនេះថា អង្ករក្រអូបកម្ពុជានៅតែមានទីផ្សារល្អសម្រាប់នាំចេញទៅកាន់ទីផ្សារធំៗក្នុងតំបន់ និងពិភពលោក កើនឡើងប្រមាណ៣៤%ក្នុងឆ្នាំ២០១៩ បើធៀបនឹងឆ្នាំ២០១៨កន្លងទៅ ។…
រាជធានីភ្នំពេញ ៖ មន្ត្រីសហព័ន្ធស្រូវអង្ករកម្ពុជាបានអះអាង នៅថ្ងៃទី១៩ ខែធ្នូនេះថា អង្ករក្រអូបកម្ពុជានៅតែមានទីផ្សារល្អសម្រាប់នាំចេញទៅកាន់ទីផ្សារធំៗក្នុងតំបន់ និងពិភពលោក កើនឡើងប្រមាណ៣៤%ក្នុងឆ្នាំ២០១៩ បើធៀបនឹងឆ្នាំ២០១៨កន្លងទៅ ។
លោកឧកញ៉ា សុន សារ៉នប្រធានសហព័ន្ធស្រូវអង្ករកម្ពុជាបានថ្លែងថាអង្ករដែលយើងបង្កើតឡើងថ្មីការនាំចេញមានការកើនឡើង៣ម៉ឺនតោន បើប្រៀបធៀបនៅប្រទេសជិតខាង(ថៃ.រៀតណាម) ចំពោះអង្ករក្រអូបតែចំពោះអង្ករសវិញមិនសូវមានទីផ្សារនៅអឺរ៉ុបទេ ។
លោកឧកញ៉ា សុន សារ៉ន បានបញ្ជាក់ថា គិតត្រឹមខែវិច្ឆិកា ឆ្នាំ២០១៩ កម្ពុជាបាននាំអង្ករទៅអឺរ៉ុបមានចំនួនជាង១៨ម៉ឺនតោនក្នុងនោះស្ទើរតែ៩៨% ជាអង្ករក្រអូបតែម្តង ។ លោកឧកញ៉ា សុន សារ៉ន បានថ្លែងថា អង្ករក្រអូបខ្មែរនៅតែមានទីផ្សារល្អក្នុងការនាំចេញទៅទីផ្សារក្នុងអាស៊ាន និងពិភពលោក ។ ព្រោះតែអង្ករសខ្មែរមិនអាចប្រកួតនឹងអង្ករនៃប្រទេសជិតខាងដូចជា (វៀតណាម និងថៃ) ទេ ។
លោកឧកញ៉ា សុន សារ៉ន បញ្ជាក់ថា ការនាំអង្ករទៅចិនក្នុងឆ្នាំ២០១៩ មានចំនួន២៣ម៉ឺនតោន ទៅ២៤ម៉ឺនតោនកើនឡើង៣៤%គិតត្រឹមតខែវិច្ឆិកា ២០១៩ធៀបនឹងរយៈពេលដូចគ្នាក្នុងឆ្នាំ២០១៨ ។ ប្រភេទអង្ករនាំទៅចិនជាអង្ករក្រអូប ហើយប្រទេសកម្ពុជា គឺជាប្រទេសធំទី៤ ក្នុងចំណោមប្រទេសទាំង១២នាំអង្ករទៅចិនក្នុងឆ្នាំ២០១៩ ។
លោក ផៃ ស៊ីផានប្រធានអង្គភាពអ្នកនាំពាក្យរាជរដ្ឋាភិបាលថ្លែងថា នៅក្នុងសន្និសីទសារព័ត៌មាន ព្រឹកថ្ងៃទី១៩ ខែធ្នូ នៅទីស្តីការគណៈរដ្ឋមន្ត្រីថា ការអញ្ជើញមន្ត្រីជំនាញស្រូវអង្ករមកពន្យល់ពីវិធានការរក្សាតម្លៃឲ្យបានសមរម្យក្នុងរដូវប្រមូលផលស្រូវនេះមានគោលបំណងបង្ហាញពីការខិតខំប្រឹងប្រែងរបស់រាជរដ្ឋាភិបាលក្នុងកិច្ចចូលរួមសម្រួលស្ថិរភាពតម្លៃស្រូវ ។
លោកបន្តថា រាជរដ្ឋាភិបាលបានយកចិត្តទុកដាក់ខ្ពស់ក្នុងការជួយអន្តរាគមន៍ដោយបានបញ្ចេញថវិកាបន្ថែមចំនួន៥០លានដុល្លារអាមេរិកក្នុងគោលដៅ ដើម្បីរក្សាស្ថិរភាពថ្លៃ និងប្រមូលទិញស្រូវកសិករស្តុកទុកកិនកែច្នៃ និងនាំចេញ ។ គួរបញ្ជាក់ថា ប្រទេសកម្ពុជាមានរោងម៉ាស៊ីកិនស្រូវចំនួន៣៤ នៅទូទាំងប្រទេស គិតត្រឹមថ្ងៃទី១៩ ខែធ្នូនេះ ៕ កែសម្រួលដោយ ៖ សុឃាក់
ចែករំលែកព័តមាននេះ