ត្រៀមរួចរាល់ក្នុងឱកាសបុណ្យសមុទ្រលើកទី២ ជុំទី៨ នៅខេត្តកំពត
- កំពត
ខេត្តកំពត ៖ លោក ថោង ខុន រដ្ឋមន្ត្រីក្រសួងទេសចរណ៍ និងលោកជា តាយ អភិបាលខេត្តកំពត ព្រមទាំងថ្នាក់ដឹកនាំ…
ខេត្តកំពត ៖ លោក ថោង ខុន រដ្ឋមន្ត្រីក្រសួងទេសចរណ៍ និងលោកជា តាយ អភិបាលខេត្តកំពត ព្រមទាំងថ្នាក់ដឹកនាំ និងមន្ត្រីរាជការ នាល្ងាចថ្ងៃទី១៩ ខែធ្នូនេះ បានអញ្ជើញប្រារព្ធពិធីក្រុងពាលីសុំសេចក្ដីសុខចម្រើនក្នុងពេលប្រារព្ធពីធីបុណ្យទន្លេលើកទី៨ ជុំទី២ នៅខេត្តកំពត ។
សូមជម្រាបថា នៅថ្ងៃទី២០ ទៅដល់ថ្ងៃទី២២ ខែធ្នូនេះ ពិធីបុណ្យសមុទ្រលើកទី៨ ជុំទី២ នៅខេត្តកំពតនឹងឈានចូលមកដល់ហើយ ។ ក្រោមប្រធានបទ «ទីក្រុងស្អាត ឆ្នេរល្អ ទេសចរណ៍រុងរឿង» លោករដ្ឋមន្ត្រីក៏បានបង្ហាញនូវក្តីរំពឹងទុកថា ភ្ញៀវទេសចរដែលនឹងមកចូលរួមលេង កម្សាន្តក្នុងពិធីបុណ្យសមុទ្រនៅខេត្តកំពតខាងមុខនេះនឹងមានចំនួនច្រើនកុះករជាងឆ្នាំកន្លងទៅ ខណៈប្រទេសជាតិកំពុងមានសុខសន្តិភាព ស្ថិរភាពនយោបាយ និងការអភិវឌ្ឍលើគ្រប់វិស័យ ខណៈប្រជាពលរដ្ឋក៏កាន់តែមានភាពជីវភាពធូរធារ និងចង់ចេញដើរកម្សាន្តកាន់តែច្រើនឡើងៗ ។
លោកថោង ខុន ក៏បានអំពាវនាវឲ្យភ្ញៀវទេសចរណ៍ជាតិ និងអន្តរជាតិមកលេងបុណ្យសមុទ្រឲ្យបានច្រើន ព្រោះហេដ្ឋារចនាសម្ព័ន្ធនៅក្នុងខេត្តនេះ សម្រេចបានប្រមាណជាង១០០% ហើយក្នុងនោះមាន ដូចជា កិច្ចការតុបតែងលម្អតាមទីសាធារណៈ សួនច្បារ ការជួសជុលផ្លូវថ្នល់បានល្អ ការបំពាក់ និងបន្ថែមភ្លើងបំភ្លឺក្នុងទីក្រុង ការរៀបចំវិថីម្ហូបអាហារ (Food Street) សម្រាប់ទទួលភ្ញៀវទេសចរ ការរៀបចំគោលដៅទេសចរណ៍ នានាជុំវិញខេត្តក៏បានរៀបចំអស់ផងដែរ ។
ដោយក្ដីនឹករឭកចំពោះប្រជាជនសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក៏នឹងអញ្ជើញជាអធិបតីភាពក្នុងពិធិបើកផ្លូវការនៃព្រឹត្តិការណ៍ទេសចរណ៍ដ៏ធំប្រចាំឆ្នាំនេះផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ