ប្រទេសចិន ៖ ប្រធានាធិបតីចិនលោកស៊ីជីនពីង បានទៅដល់ម៉ាកាវកាលពីថ្ងៃទី១៨ធ្នូ ដើម្បីចូលរួម នាថ្ងៃទី២០ធ្នូក្នុងពិធីនានាប្រារព្ធខួបលើកទៅ២០ នៃការប្រគល់ដែនដីអតីតអាណានិគមព័រទុយហ្គាល់នោះទៅឲ្យចិនវិញ។ វិធានការសន្តិសុខត្រូវបានពង្រឹងយ៉ាងខ្លាំងក្នុងអតីតដែនដីអាណានិគមព័រទុយហ្គាល់នេះ សម្រាប់ទស្សនកិច្ចរបស់លោកស៊ីជីនពីង ដែលបានសរសើរតាំងពីលោកមកដល់ទីនោះ…
ប្រទេសចិន ៖ ប្រធានាធិបតីចិនលោកស៊ីជីនពីង បានទៅដល់ម៉ាកាវកាលពីថ្ងៃទី១៨ធ្នូ ដើម្បីចូលរួម នាថ្ងៃទី២០ធ្នូក្នុងពិធីនានាប្រារព្ធខួបលើកទៅ២០ នៃការប្រគល់ដែនដីអតីតអាណានិគមព័រទុយហ្គាល់នោះទៅឲ្យចិនវិញ។
វិធានការសន្តិសុខត្រូវបានពង្រឹងយ៉ាងខ្លាំងក្នុងអតីតដែនដីអាណានិគមព័រទុយហ្គាល់នេះ សម្រាប់ទស្សនកិច្ចរបស់លោកស៊ីជីនពីង ដែលបានសរសើរតាំងពីលោកមកដល់ទីនោះ ចំពោះជោគជ័យខាងសេដ្ឋកិច្ចរបស់ដែនដីកាស៊ីណូដ៏ធំនៃពិភពលោកនោះ។
នៅព្រលានយន្តហោះលោកស៊ីថ្លែងថា ប្រជាជនចិននិងរដ្ឋាភិបាលកណ្ដាលមានមោទនភាពចំពោះបណ្ដាសមិទ្ធផលនិងការរីកចម្រើននានា ដែលម៉ាកាវសម្រេចបានរយៈពេល២០ឆ្នាំចុងក្រោយនេះ ក្រោយពីដែនដីនោះវិលត្រឡប់មកនៅជាមួយមាតុភូមិវិញ។ នៅព្រលានយន្តហោះលោកស៊ីជីនពីង ត្រូវបានទទួលយ៉ាងកក់ក្ដៅបំបំផុត ជាពិសេសពីសំណាក់ក្រុមសិស្សសាលាដែលគ្រវីទង់ជាតិចិននិងម៉ាកាវ។
នៅឃ្លាតពីគ្នាត្រឹមតែ៣០គីឡូម៉ែត្រប៉ុណ្ណោះដែនដីម៉ាកាវនិងហុងកុង ជាដែនដី២ដែលប្រគល់មកឲ្យចិនវិញចន្លោះពេលគ្នាតែ២ឆ្នាំ កាលពីចុងទសវត្សឆ្នាំ១៩៩៩០ បានគ្រប់គ្រងដោយ ខ្លួនឯង តាមគោលការណ៍ប្រទេសមួយប្រព័ន្ធ២។ ប៉ុន្តែដែនដីទាំង២នោះ ហាក់មានស្ថានភាពខុសគ្នា ដោយម៉ាកាវដើរតាមយុទ្ធសាស្ត្ររបស់ចិន ចំណែកហុងកុងវិញចាប់តាំងពី៦ខែមកហើយមានបាតុកម្មស្និទ្ធប្រជាធិបតេយ្យ ដ៏ពុះកញ្ជ្រោលពុំធ្លាប់មានពីមុនមក។
នាថ្ងៃទី២០ធ្នូលោកស៊ីជីនពីងនឹងដឹកនាំពិធីចូលកាន់តំណែងនៃប្រមុខប្រតិបត្តិថ្មីរបស់ម៉ាកាវលោកហូឡាតសេង៕ (កែសម្រួលដោយ ៖ បុប្ផា)
ចែករំលែកព័តមាននេះ