ខេត្តត្បូងឃ្មុំ ៖ សេចក្តីរាយការណ៍បឋមឱ្យដឹងថា បុរសម្នាក់រងគ្រោះដោយឆ្លងជំងឺឆ្កែឆ្កួត រហូតធ្វើទុក្ខខ្លាំងស្រែកព្រុសដូចឆ្កែ ត្រូវបានប្រពន្ធបញ្ជាក់នៅព្រឹកថ្ងៃទី១៩ ធ្នូ នេះថា ប្តីគាត់មានអាការៈបានធូរស្រាលបន្តិចហើយ ក្រោយពីបានបញ្ជូនមកសង្គ្រោះនៅមន្ទីរពេទ្យកាលពីយប់ថ្ងៃទី១៨ ធ្នូ ២០១៩ ។ សូមរំលឹក
ថា ៖ សង្ស័យឆ្លងជំងឺឆ្កែឆ្កួត ក្រោយឆ្កែខាំនិងហូបសាច់ឆ្កែ
បើតាមលោកវេជ្ជបណ្ឌិតកែវ វណ្ណៈ ប្រធានមន្ទីរសុខាភិបាលខេត្តត្បូងឃ្មុំមានប្រសាសន៍ឱ្យដឹងដែរថា ក្រោយពីទទួលបានព័ត៌មាននេះ លោកមានក្តីអាណិតអាសូរដល់បុរសរងគ្រោះ ក៏បានចាត់ឱ្យមន្ត្រីក្រោមឱវាទយករថយន្តទៅដឹកបុរសឈ្មោះយាន យុន មកកាន់មន្ទីរពេទ្យ ប៉ុន្តែតាមការពិនិត្យមើលជាក់ស្ដែងអាការៈរបស់បុរសរងគ្រោះនេះមានលក្ខណៈធ្ងន់ធ្ងរ ត្រូវទាមទារបញ្ជូនទៅសង្គ្រោះបន្តនៅរាជធានី
ភ្នំពេញ ។
សូមបញ្ជាក់ថា បុរសរងគ្រោះជាជាងដែកម្នាក់ ឈ្មោះយាន យុន អាយុ៣៧ឆ្នាំ រស់នៅភូមិទួលកណ្ដុរត្បូង ឃុំជីគរ ស្រុកត្បូងឃ្មុំ ត្រូវបានឆ្កែខាំចំជើង បណ្ដាលឱ្យឆ្លងមេរោគជំងឺឆ្កួត ហើយធ្វើទុក្ខរហូតដល់ព្រុសសំឡេងដូចឆ្កែ ក្នុងគ្រាដែលចេញទៅស៊ីឈ្នួលគេនៅខេត្តមណ្ឌលគិរី ។
បើតាមស្ត្រីជាប្រពន្ធឈ្មោះលាត ហឿន អាយុ៣៥ឆ្នាំ បានឱ្យដឹងដែរថា ប្រហែលជានៅថ្ងៃទី១២ ធ្នូ២០១៩ ឆ្កែម្ចាស់ផ្ទះជួលបានខាំត្រូវជើងប្ដីរបស់គាត់ បណ្ដាលឲ្យរយះសាច់ចេញឈាម ប៉ុន្តែប្ដីរបស់គាត់មិនបានគិតពីបញ្ហាគ្រោះថ្នាក់នោះទេ ដោយនឹកស្មានថាមិនអី។ ក្រោយមកទៀត នៅថ្ងៃទី១៥ ធ្នូ មានកម្មជួបជុំគ្នាជាច្រើននាក់ផឹកស៊ី ហើយប្ដីគាត់បានផឹកប៊ីយែអស់១ទៅ២ កំប៉ុង នឹងក្លែមសាច់ឆ្កែ ក៏ស្រាប់តែ របួសស្នាមដោយឆ្កែខាំធ្វើទុក្ខខ្លាំង រហូតដល់សំឡេងស្រែកចេញមកដូចជាឆ្កែព្រុស ហើយត្រូវបានគេចាប់ចងប្ដីគាត់ជាប់ ខ្លាចគ្រោះថ្នាក់ខាំគេខាំឯង ។
ព័ត៌មានពិស្តារនឹងមានផ្សាុយជូនបន្តលើកាសែតកោះសន្តិភាព ។
ចែករំលែកព័តមាននេះ