ខេត្តស្វាយរៀង ៖ ឈ្មួញបាននាំជ្រូករស់ជិត១ពាន់ក្បាលតាមរថយន្តយីឌុបភ្លៅប្រាំ ឆ្លងដែនទៅប្រទេសវៀតណាមតាមច្រករបៀងភ្លឺប្រឡាយផាស្ថិតក្នុងភូមិកែវជះ ឃុំបន្ទាយក្រាំង ស្រុកកំពង់រោទ៍ ដោយគ្មានមន្ត្រីត្រួតពិនិត្យទេ ។ អ្វីដែលខុសប្រក្រតីនោះ គឺឈ្មួញកាន់ច្បាប់ដឹកជ្រូកពីប្រទេសថៃឆ្លងកាត់…
ខេត្តស្វាយរៀង ៖ ឈ្មួញបាននាំជ្រូករស់ជិត១ពាន់ក្បាលតាមរថយន្តយីឌុបភ្លៅប្រាំ ឆ្លងដែនទៅប្រទេសវៀតណាមតាមច្រករបៀងភ្លឺប្រឡាយផាស្ថិតក្នុងភូមិកែវជះ ឃុំបន្ទាយក្រាំង ស្រុកកំពង់រោទ៍ ដោយគ្មានមន្ត្រីត្រួតពិនិត្យទេ ។ អ្វីដែលខុសប្រក្រតីនោះ គឺឈ្មួញកាន់ច្បាប់ដឹកជ្រូកពីប្រទេសថៃឆ្លងកាត់ និងចេញតាមច្រកទ្វារទ្វេភាគីស្វាយអាង៉ោង ឃុំចាម ស្រុកកំពង់ត្របែក ខេត្តព្រៃវែង ។
គេសង្ស័យថា ទំនងឈ្មួញគេចពីមន្ត្រីពេទ្យសត្វ ទើបលួចចេញតាមច្រករបៀងនៅខេត្តស្វាយរៀងវិញ ។ ករណីឈ្មួញដឹកជ្រូកឆ្លងដែនទៅប្រទេសវៀតណាមនេះ កើតឡើងកាលពីវេលាម៉ោងប្រមាណ៨និង១០នាទីព្រឹកថ្ងៃទី១៧ ខែធ្នូ តាមរថយន្ត១គ្រឿងមានជ្រូកប្រមាណ៣០០ក្បាល ។
លុះដល់ម៉ោងប្រមាណ៣និង៥នាទីរសៀល រថយន្ត១គ្រឿងទៀតមានជ្រូកប្រមាណ២៥០ក្បាល និងវេលាម៉ោង៥និ១០នាទីល្ងាចរថយន្ត១គ្រឿងទៀតដឹកជ្រូកប្រមាណ២៥០ក្បាលដែរ កំពុងទម្លាក់ពីរថយន្តផ្ទេរសាងដាក់ត្រាក់ទ័រដឹកឆ្លងដែនទៅប្រទេសវៀតណាម តាមច្រករបៀងក្រោមការគ្រប់គ្រងរបស់ច្រករបៀងសំយ៉ោង ដែលសម្តេចក្រឡាមហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចេញសេចក្តីប្រកាសមិនអនុញ្ញាតឲ្យនាំផលិតផលសត្វនិងផលិតផលដែលមានដើមកំណើតពីសត្វចេញចូលតាមច្រករបៀងទូទាំងប្រទេស ។
ប៉ុន្តែ ឈ្មួញទំនងឃុបឃិតជាមួយសមត្ថកិច្ចតាមព្រំដែន លួចនាំជ្រូករស់ពីប្រទេសថៃឆ្លងដែនចេញទៅប្រទេសវៀតណាមតាមច្រករបៀងដោយគ្មានមន្ត្រីពេទ្យសត្វត្រួតពិនិត្យឡើយ ។បើតាមសមត្ថកិច្ចបង្ហើបឲ្យដឹងថា ជ្រូកជិត១ពាន់ក្បាលនេះជារបស់ក្រុមហ៊ុនអង្គរសុខសារិទ្ធមានជ័យ នាំចូលពីប្រទេសថៃ និងនាំ
ចេញទៅប្រទេសវៀតណាមតាមច្រកទ្វេភាគីស្វាយអាង៉ោង ឃុំចាម ស្រុកកំពង់ត្របែក ខេត្តព្រៃវែងដែលគេស្គាល់ថា ជាក្រុមហ៊ុនរបស់លោកឧកញ៉ា ជឹម សុខ ។ សមត្ថកិច្ចសង្ស័យថា ក្រុមហ៊ុននេះមិនចេញតាមច្រកស្វាយអាង៉ោងបែរជាគេចនាំចេញតាមច្រករបៀងក្នុងស្រុកកំពង់រោទ៍ ។
ទាក់ទិននឹងករណីខាងលើនេះ លោក ថាច់ រតនា ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត បានមានប្រសាសន៍តាមទូរស័ព្ទថា បញ្ហាឈ្មួញនាំជ្រូករស់ឆ្លងកាត់ហើយនាំចេញ ទៅក្រៅប្រទេស គឺត្រូវតែឆ្លងកាត់មន្ត្រីពេទ្យសត្វត្រួតពិនិត្យឯកសារនិងចំនួនជ្រូក ។ បើមានករណីឈ្មួញនាំជ្រូកឆ្លងដែនទៅប្រទេសវៀតណាមមែន លោកនឹងឱ្យលោក ឈិន សៅ មន្ត្រីនៅការិយាល័យផលិតកម្មនិងបសុព្យាបាលចុះទៅត្រួតពិនិត្យតាមនីតិវិធី ។
ទាក់ទិននឹងករណីនេះ លោក វាសនា តំណាងក្រុមហ៊ុនអង្គរសុខសារិទ្ធមានជ័យ បានបំភ្លឺនាព្រឹកថ្ងៃទី១៨ ខែធ្នូថា ដោយសារក្រុមហ៊ុនវៀតណាមនៅច្រកស្វាយអាង៉ោង ពិបាកក្នុងការដឹកជញ្ជូនជ្រូកចូលទៅវៀតណាម ទើបខាងវៀតណាមសំណូមពរសុំសាងជ្រូកនៅខេត្តស្វាយរៀងវិញ ។
ម្យ៉ាង ខាងលោកមិនបានធ្វើទំនាក់ទំនងទៅមន្ត្រីពេទ្យសត្វទេ ដោយផ្អែកថាជ្រូកទាំងនេះដឹកមកពីប្រទេសថៃគ្រាន់តែឆ្លងកាត់ទេ ។ ចំណែកលោក ឈិន សៅ មន្ត្រីការិយាល័យផលិតកម្មនិងបសុព្យាបាលនៃមន្ទីរកសិកម្ម រុក្ខាប្រមាញ់ និងនេសាទខេត្ត មានប្រសាសន៍ថា ដោយយប់មិនស្គាល់ភូមិសាស្ត្រ ពិបាកក្នុងការធ្វើដំណើរទម្រាំទៅដល់កន្លែងឈ្មួញសាងជ្រូកនោះ គឺឈ្មួញបានដឹកជ្រូកចូលទៅប្រទេសវៀតណាមអស់ទៅហើយ ដូច្នេះលោកមិនបានត្រួតពិនិត្យសត្វជ្រូកទាំងនោះទេ ។ ចំពោះមន្ត្រីនគរបាលនិងមន្ត្រីយោធាវរៈការ
ពារព្រំដែនច្រករបៀងសំយ៉ោង មិនអាចរកការបំភ្លឺបានទេ ៕
ចែករំលែកព័តមាននេះ