អតីតជើងខ្លាំង Barcelona ថា Liverpool ឥឡូវគួរឱ្យញញើត
តាមប្រភពព័ត៌មាន Soccer Laduma បានឱ្យដឹងថា អតីតខ្សែបម្រើរបស់ក្លិបអ្នកមានបុណ្យ Xavi Hernandez ជឿជាក់ថា ម្ចាស់ជើងឯកអឺរ៉ុប Liverpool…
តាមប្រភពព័ត៌មាន Soccer Laduma បានឱ្យដឹងថា អតីតខ្សែបម្រើរបស់ក្លិបអ្នកមានបុណ្យ Xavi Hernandez ជឿជាក់ថា ម្ចាស់ជើងឯកអឺរ៉ុប Liverpool…
តាមប្រភពព័ត៌មាន Soccer Laduma បានឱ្យដឹងថា អតីតខ្សែបម្រើរបស់ក្លិបអ្នកមានបុណ្យ Xavi Hernandez ជឿជាក់ថា ម្ចាស់ជើងឯកអឺរ៉ុប Liverpool គឺក្បែរនឹងល្អឥតខ្ចោះ ។
ក្រុមហង្សក្រហម Liverpool របស់លោក Jurgen Klopp បច្ចុប្បន្ន កំពុងអង្គុយយ៉ាងស្អាតនៅលើកំពូលតារាងនៃក្របខ័ណ្ឌ Premier League ដែលមាន ១០ពិន្ទុ ផុតពីក្រុមអង្គុយនៅលំដាប់ទីពីរ Leicester City។ ស្ទីលលេងយ៉ាងរហ័សរហួនរបស់ក្លិបហង្សក្រហម ក្រោមការដឹកនាំរបស់គ្រូបង្វឹកអាល្លឺម៉ង់ បានទទួលការកោតសរសើរជាច្រើន ហើយ Xavi ក៏ទទួលស្គាល់ថាខ្លាំងដែរ។
Xavi បានប្រាប់ទៅកាន់សារព័ត៌មាន FIFA.com ថា៖«អ្វីដែលលេចធ្លោសម្រាប់ខ្ញុំជាមួយ Klopp និង Liverpool គឺភាពរឹងមាំរបស់ពួកគេ។ ភាពរឹងមាំទាំងខ្សែប្រយុទ្ធនិងខ្សែការពារ គឺជាអ្វីដែលធ្វើឱ្យក្លិបនេះឡើងមកដល់កម្រិតនេះ»។
អតីតកីឡាកររបស់ក្លិបអ្នកមានបុណ្យរូបនេះថា៖ «ការលេងនៅផ្នែកការពារនិងផ្នែកប្រយុទ្ធ គឺពិតជាឥតខ្ចោះមែនទែន។ ពោលគឺទាំងរបៀបពួកគេការពារ របៀបបញ្ចូលបាល់មកក្រោយ របៀបសម្រុក ជំហានកីឡាករលេង និង អ្វីដែលសំខាន់គឺរបៀបដែល លោក Klopp បង្វឹកពួកគេ»។
ចុងក្រោយ Xavi ថា៖«ពួកគេជាក្រុមដែលពិបាកក្នុងការយកឈ្នះ។ ពួកគេគឺពិតជាខ្លាំង។ ពួកគេឈ្នះការប្រកួតជាច្រើន ហើយក៏ប្រឹងហ្វឹកហាត់ខ្លាំងណាស់ដែរទៅលើតាក់ទិចនៃការលេង។ ពួកគេមានភាពលេចធ្លោនៅផ្នែកជាច្រើននៃការប្រកួត» ៕
ចែករំលែកព័តមាននេះ