នៅក្នុងមង្គលសូត្រទី៦ព្រះភគវាត្រាស់សម្តែងថា អត្តសម្មាបណីធិ ច កិរិយាតម្កល់ខ្លួនទុកដោយប្រពៃជាមង្គលដ៏ឧត្តម ។
តម្កល់ខ្លួនមានន័យថា ការធ្វើខ្លួនឱ្យបានត្រឹមត្រូវនៅក្នុងសេចក្តីល្អ ។ ប្រការនេះ បានដល់កិរិយាចេះពិចារ ណាឱ្យយល់ច្បាស់លាស់ថា អំពើល្អពិតជាផ្តល់ផលល្អ ឯអំពើអាក្រក់ពិតជាផ្តល់ផលអាក្រក់ ហើយក៏កើតមានសទ្ធាជឿកម្មផលយ៉ាងមុតមាំ ព្រមទាំងញ៉ាំងខ្លួនឱ្យព្យាយាម ធ្វើតែអំពើល្អ មានធ្វើទាននិងរក្សាសីលជាដើម ។
កិរិយាយល់ច្បាស់អំពីវិបាកនៃកម្ម ហើយប្រញាប់តម្កល់ខ្លួនក្នុងទានសីល ភាវនា សមាធិ ឱ្យនៅតែក្នុងសេចក្តីព្យាយាម មិនខ្ជិលច្រអូស តាំងខ្លួនឱ្យនៅក្នុងសតិ ឱ្យនៅឆ្ងាយពីការធ្វេសប្រហែស ឬមិនយកខ្លូនទៅជាប់ពាក់ព័ន្ធនឹងអំពើអាក្រក់ណាមួយ យ៉ាងនេះជាមង្គលដ៏ឧត្តម ។ ដោយសាន សារិន
ចែករំលែកព័តមាននេះ