ឆ្នាំនេះសាខាពន្ធដាខេត្តព្រះសីហនុ ប្រមូលពន្ធលើយានយន្តកើនជាងឆ្នាំមុន
- ព្រះសីហនុ
ខេត្តព្រះសីហនុ៖ លោក សន ស៊ីផល ប្រធានសាខាពន្ធដារខេត្តព្រះសីហនុ បានឱ្យដឹងកាល ពីព្រឹកថ្ងៃទី ១៧ ខែធ្នូ ឆ្នាំ…
ខេត្តព្រះសីហនុ៖ លោក សន ស៊ីផល ប្រធានសាខាពន្ធដារខេត្តព្រះសីហនុ បានឱ្យដឹងកាល ពីព្រឹកថ្ងៃទី ១៧ ខែធ្នូ ឆ្នាំ…
ខេត្តព្រះសីហនុ៖ លោក សន ស៊ីផល ប្រធានសាខាពន្ធដារខេត្តព្រះសីហនុ បានឱ្យដឹងកាល ពីព្រឹកថ្ងៃទី ១៧ ខែធ្នូ ឆ្នាំ ២០១៩នេះមកថា ការប្រមូលពន្ធលើមធ្យោបាយដឹកជញ្ជូនគ្រប់ ប្រភេទប្រចាំឆ្នាំ ២០១៩ គឺចាប់ពីខែមិថុនា រហូតដល់ថ្ងៃទី ៣០ ខែវិច្ឆិកា ឆ្នាំ២០១៩ សាខាពន្ធ ដារខេត្ត ព្រះសីហនុ បានប្រមូលពន្ធលើមធ្យោបាយដឹកជញ្ជូនបានចំនួន ១៣.០៦៩ គ្រឿង និងប្រាក់ពន្ធចំនួន ៧.០៦៩.៥៣០.០០០ រៀល ។
លោកបន្តថា បើប្រៀបធៀបរយៈពេលដូចគ្នា នៅក្នុងឆ្នាំ ២០១៨ កន្លងមក យើងឃើញថា នៅ ឆ្នាំ ២០១៩ មានការកើនឡើងចំនួនរថយន្ត ១.២៥៨ គ្រឿង ស្មើនឹង ១០.៦៥ ភាគរយ និងប្រាក់ ពន្ធកើនឡើង ១.៤០២.៣៩០.០០០ រៀល ស្មើ ២៤.៧៤ ភាគរយ ។
លោកប្រធានសាខាពន្ធដាខេត្តព្រះសីហនុ បានបន្តឱ្យដឹងទៀតថា ចាប់ពីខែមករា ឆ្នាំ ២០២០ ខាងមុខ មន្ត្រីសាខាពន្ធដានឹងសហការជាមួយសមត្ថកិច្ចពាក់ព័ន្ធចុះត្រួតពិនិត្យលើមធ្យោ បាយដឹកជញ្ជូនគ្រប់ប្រភេទដែលធ្វើចរាចរណ៍ក្នុងខេត្តព្រះសីហនុ ដើម្បីប្រមូលថវិកាជាតិ ។ កន្លងមកក្នុងឆ្នាំ ២០១៨ ក្រោយពេលបិទបញ្ចប់ការបង់ពន្ធលើមធ្យាបាយដឹកជញ្ជូនរួចមក មន្ត្រីសាខាពន្ធដា បានសហការជាមួយសមត្ថកិច្ចចុះត្រួតពិនិត្យរកឃើញយានយន្តគ្រប់ ប្រភេទបានជាង ២០០ គ្រឿង មិនបានចូលមកបង់ពន្ធដោយស្មគ្រ័ចិត្ត និងបានធ្វើការផាក ពិន័យបានចំនួនជាង ១០០ លានរៀល ។
លោកសង្ឃឹមថា នៅក្រោយបញ្ចប់ការបង់ពន្ធមធ្យោបាយដឹកជញ្ជូនប្រចាំឆ្នាំ ២០១៩ នេះយើង ចុះត្រួតពិនិត្យនឹងអាចរកឃើញរថយន្តតិចតួច ដែលមិនបានចូលមកបង់ពន្ធតាមសេចក្តី ប្រកាសរបស់អគ្គនាយកដ្ឋានពន្ធដា ។
លោក សន ស៊ីផល បន្តថា ដោយសារបច្ចុប្បន្នប្រជាពលរដ្ឋមានការយល់ដឹងកាន់តែច្រើន អំពីកាត្តព្វកិច្ចបង់ពន្ធគ្រប់ប្រភេទពួកគាត់បាននាំគ្នាចូលមកបង់ពន្ធនៅតាមសាខាពន្ធដា
និងតាមធនាគារដែលបានធ្វើកិច្ចសហប្រតិបត្តិការជាមួយអគ្គនាយកដ្ឋានពន្ធដា ។
លោកបន្តថា សាខាពន្ធដាខេត្តព្រះសីហនុ បានធ្វើការផ្សព្វផ្សាយយ៉ាងទូលំទូលាយ និងបើក សិក្ខាសាលាផ្សព្វផ្សាយដល់ប្រជាពលរដ្ឋ អាជីវករ ពាណិជ្ជករ និងអ្នកវិនិយោគគិន ស្តីពី កាត្តព្វកិច្ចបង់ពន្ធ ពួកគាត់មានការយល់ដឹងកាន់តែច្បាស់ចូលមកបង់ពន្ធដោយការស្ម័គ្រចិត្ត មានការកើនឡើងជារៀងរាល់ឆ្នាំ ។ គួររំឭកថា ឆ្នាំ ២០១៨ សាខាពន្ធដាខេត្តព្រះសីហនុ ប្រមូលពន្ធលើមធ្យោបាយដឹកជញ្ជូន គ្រប់ប្រភេទបានចំនួន ១១.៨១១ គ្រឿង និងប្រាក់ពន្ធ ចំនួន ៥.៦៦៧.១៥០.០០០ រៀល ៕
ចែករំលែកព័តមាននេះ