មុខរបរត្បាញកន្ទេលក្រហមកំពុងតែបាត់បង់បណ្តើៗហើយ
- ភ្នំពេញ
រាជធានីភ្នំពេញ ៖ ប្រជាពលរដ្ឋរស់នៅភូមិព្រែកតាគង់ ឃុំព្រែកតាមាក់ ស្រុកខ្សាច់កណ្តាល ភូមិចុងព្រែក ឃុំរកាកោង ស្រុកមុខកំពូល ខេត្តកណ្តាល និងអ្នកភូមិទី៤…
រាជធានីភ្នំពេញ ៖ ប្រជាពលរដ្ឋរស់នៅភូមិព្រែកតាគង់ ឃុំព្រែកតាមាក់ ស្រុកខ្សាច់កណ្តាល ភូមិចុងព្រែក ឃុំរកាកោង ស្រុកមុខកំពូល ខេត្តកណ្តាល និងអ្នកភូមិទី៤…
រាជធានីភ្នំពេញ ៖ ប្រជាពលរដ្ឋរស់នៅភូមិព្រែកតាគង់ ឃុំព្រែកតាមាក់ ស្រុកខ្សាច់កណ្តាល ភូមិចុងព្រែក ឃុំរកាកោង ស្រុកមុខកំពូល ខេត្តកណ្តាល និងអ្នកភូមិទី៤ ឃុំកងតាណឹង ស្រុកកងមាស ខេត្តកំពង់ចាម ដែលពីដើមឡើយ នាំគ្នាត្បាញកន្ទេលក្រហមលក់ចែកចាយតាមបណ្តាខេត្តនានា និងនាំចេញទៅលក់នៅប្រទេសថៃ ពេលនេះគេមើលឃើញនៅសល់តិចតួចដែលនៅបន្តត្បាញកន្ទេលក្រហម ហើយភាពច្រើនជាមនុស្សចំណាស់ប៉ុណ្ណោះ ។
អ្នកស្រីសុខ នាង ស្ថិតក្នុងអាយុ៦០ឆ្នាំ រស់នៅភូមិទី៤ ឃុំកងតាណឹង ស្រុកកងមាស ខេត្តកំពង់ចាម ដែលកំពុងតែត្បាញកន្ទេលក្រហមបានរៀបរាប់ឲ្យដឹងថា ៖ បច្ចុប្បន្ននៅឃុំកងតាណឹងមិនសូវមានអ្នកត្បាញកន្ទេលក្រហមដូចពីមុននោះទេ ។ គាត់និយាយបន្ថែមទៀតថា ក្រោយមានបង្កើតរោងចក្រយុវជន យុវនារីគេនាំគ្នាទៅធ្វើការរោងចក្រស្ទើអស់ពីភូមិទៅហើយ ។ សល់តែចាស់ៗនាំគ្នាត្បាញកន្ទេលកក់សម្រាប់ទុកប្រើប្រាក់ក្នុងផ្ទះ ។ ទោះជាយ៉ាងណា នៅពេលបច្ចុប្បន្ននេះមានគ្រួសារតិចតួចប៉ុណ្ណោះ ដែលនៅបន្តរក្សាកេរិ៍ដូនតាមួយនេះ ។
ដោយឡែក អ្នកស្រីប៉ាន់ លឹមហួន អាយុ៦៤ឆ្នាំ រស់នៅភូមិព្រែកតាគង់ ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល បាននិយាយថា កាលដើមឡើយនៅក្នុងព្រែកតាមាកនេះសំបូរអ្នកប្រកបមុខរបរត្បាញកន្ទេលក្រហមតាមផ្ទះមិនក្រោមពី២០០គ្រួសារនោះទេ ។ តែពេលនេះពួកគេបានបោះបង់ចោលជាបណ្តើៗ ហើយ ទីមួយ ដោយសារវត្ថុធាតុដើមដូចជា កក់ ក្រចៅឡើងថ្លៃពេក ហើយតម្លៃកន្ទេលលក់បានថោក ។
គាត់និយាយទៀតថា ម្យ៉ាងវិញទៀតយុវជនយុវនារីគេនាំគ្នាទៅធ្វើការរោងចក្រអស់ ហើយឲ្យពួកគេមកអង្គុយត្បាញពួកគេមិនអាចធ្វើបានឡើយ ។ នៅសល់ចាស់ៗចេះតែនាំត្បាញទៅកុំបាត់បង់មុខរបរមួយនេះ ដែលបន្សល់ទុកពីដូនតាមក ។ ចំនួនអ្នកត្បាញកន្ទេលក្រហមនេះពីមួយឆ្នាំទៅមួយឆ្នាំមានការថយចុះជាបន្តបន្ទាប់ ។
អ្នកត្បាញកន្ទេលក្រហម សូមអំពាវនាវផងដែរដល់ប្រជាពលរដ្ឋខ្មែរ សូមជួយគាំទ្រទិញផលិតផលកន្ទេលក្រហមរបស់ពួកគាត់ផង ម្យ៉ាងដើម្បីជួយរក្សាស្នាដៃ និងមរតកតាំងពីដូនតា និងម្យ៉ាងទៀតជួយលើកស្ទួយជីវភាពប្រជាពលរដ្ឋនៅតាមជនបទឲ្យមានការងារធ្វើ និងមានជីវភាពធូរធាមួយកម្រិតថែមទៀតផងដែរ ។ កន្ទេលក្រហមជាកន្ទេលដែលទទួលទានដំណេកទៅមានភាពត្រជាក់ខ្នង មិនក្តៅដូចកន្ទេលនីឡុងទេ និងមានពណ៌ស្រស់ស្អាត ៕ កែសម្រួលដោយ ៖ សុឃាក់
ចែករំលែកព័តមាននេះ