អ្នកជំនួញមកពីខេត្តបាត់ដំបង គឺអ្នកស្រី ហួម ធីតា បានរំភើបចិត្តស្រក់ទឹកភ្នែក បន្ទាប់ពីឮឈ្មោះទទួលបានរង្វាន់រថយន្តតម្លៃជាង៥ម៉ឺនដុល្លារ ពីក្រុមហ៊ុន ដាណាទ្រី ខេមបូឌា ត្រេនឌីង…
អ្នកជំនួញមកពីខេត្តបាត់ដំបង គឺអ្នកស្រី ហួម ធីតា បានរំភើបចិត្តស្រក់ទឹកភ្នែក បន្ទាប់ពីឮឈ្មោះទទួលបានរង្វាន់រថយន្តតម្លៃជាង៥ម៉ឺនដុល្លារ ពីក្រុមហ៊ុន ដាណាទ្រី ខេមបូឌា ត្រេនឌីង ខូអិលធីឌី ក្នុងនាមជាអ្នកលក់ឆ្នើម ដឹកនាំបានល្អ និងមានយុទ្ធសាស្ត្រជោគជ័យក្នុងការគ្រប់គ្រងទីផ្សារ។
កម្មវិធីប្រគល់រថយន្តនេះ ធ្វើឡើងនៅ The Premier Center Sen Sok កាលពីថ្ងៃទី១៦ ខែធ្នូ ឆ្នាំ២០១៩។ កម្មវិធីនេះ មានការចូលរួមជាគណៈអធិបតី ពីលោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យនៃក្រសួងសុខាភិបាល ព្រមទាំងម្ចាស់ដេប៉ូ តំណាងចែកចាយនៃផលិតផល NNP ប្រមាណជាង ៣ពាន់នាក់។
បើតាមលោកស្រី ទ្រី ដាណា ដែលជាអគ្គនាយិកាក្រុមហ៊ុន ដាណា ទ្រី ខេមបូឌា ត្រេនឌីង ខូអិលធីឌី បានបញ្ជាក់ថា ការរៀបចំប្រគល់ពានរង្វាន់ ព្រមទាំងផ្ដល់ជូនជាកាដូរថយន្ត ម៉ូតូ ទូរស័ព្ទ ជាច្រើននេះ គឺក្នុងគោលបំណងលើកទឹកចិត្តឱ្យនារីទាំងអស់ ចេះចាប់ផ្ដើមរកស៊ីដោយខ្លួនឯង ដើម្បីទទួលបានចំណូលបន្ថែមសម្រាប់គ្រួសារ។
ចំពោះរថយន្ត Ford Ranger Wildtrak ឆ្នាំ ២០២០ ដែលមានតម្លៃជាង ៥ម៉ឺនដុល្លារ ផ្ដល់ជូនទៅកាន់អ្នកស្រី ហួម ធីតា គឺមិនមានការចាប់ឆ្នោតអ្វីឡើយ ប៉ុន្តែឆ្លងកាត់ការវាយតម្លៃយ៉ាងសុក្រឹតបំផុត។ ក្នុងនោះដែរ ចំណុចសំខាន់ដែលត្រូវវាយតម្លៃរួមមាន ការកុម្ម៉ង់ទិញប្រចាំខែចាប់ពីខែសីហាមក យុទ្ធសាស្ត្រធ្វើទីផ្សារ ការដឹកនាំក្រុម និងការបូសផេកប្រចាំខែ។ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ