មង្គលសូត្រទី១កុំសេពគប់នឹងបុគ្គលពាល
នៅក្នុងមង្គលសូត្រទី១ ព្រះសម្មាសម្ពុទ្ធ បានបង្រៀនថា អសេវនា ច ពាលានំ កិរិយាមិនសេពគប់នូវបុគ្គលពាលទាំងឡាយជាមង្គលដ៏ឧត្តម ។ បុគ្គលពាលមាន៣ជំពូកគឺ ៖…
នៅក្នុងមង្គលសូត្រទី១ ព្រះសម្មាសម្ពុទ្ធ បានបង្រៀនថា អសេវនា ច ពាលានំ កិរិយាមិនសេពគប់នូវបុគ្គលពាលទាំងឡាយជាមង្គលដ៏ឧត្តម ។ បុគ្គលពាលមាន៣ជំពូកគឺ ៖…
នៅក្នុងមង្គលសូត្រទី១ ព្រះសម្មាសម្ពុទ្ធ បានបង្រៀនថា អសេវនា ច ពាលានំ កិរិយាមិនសេពគប់នូវបុគ្គលពាលទាំងឡាយជាមង្គលដ៏ឧត្តម ។ បុគ្គលពាលមាន៣ជំពូកគឺ ៖
១- បុគ្គលល្ងង់ខ្លៅ គ្មានគំនិត ប្រាជ្ញា ហើយមិនគិតកសាងសមត្ថភាពនិងគំនិតប្រាជ្ញា ជាបុគ្គលរីករាយក្នុងភាពលង់ខ្លៅ មិនស្តាប់ដំបូន្មានលោកអ្នកប្រាជ្ញ ឬចាស់ព្រឹទ្ធាចារ្យ ចាត់ទុកជាបុគ្គលពាលជំពូកមូយ ដោយ ហេតុធ្វើខ្លួនឱ្យជាបុគ្គលមិនមានប្រយោជន៍ ឬធ្វើខ្លួនឱ្យបាត់បង់ឱកាសក្នុងការសាងគុណតម្លៃក្នុងពេលដែលខ្លួនមានឱកាសកើតជាមនុស្ស ។
២- បុគ្គលស្វែងរកសេចក្តីសុខ ឬប្រយោជន៍ខ្លួនឯងដោយការធ្វើឱ្យខូចប្រយោជន៍អ្នកដទៃ ខូចសេចក្តីសុខអ្នកដទៃ ឬស្វែងរកសេចក្តីសុខឱ្យខ្លួនឯងដោយការបៀតបៀតសេចក្តីសុខអ្នកដទៃ ។
៣- បុគ្គលធ្វើឱ្យខូចប្រយោជន៍អ្នកដទៃផង ខ្លួនឯងផង ។
ព្រះពុទ្ធបង្រៀនថា ដើម្បីញ៉ាំងជីវលោកឱ្យបានប្រសើរ បុគ្គលគ្រប់រូបត្រូវតែមានទំនាក់ទំនងល្អជាមួយមនុស្សផងគ្នា ប៉ុន្តែការសេពគប់ត្រូវតែធ្វើឡើងដោយបញ្ញា ត្បិតថា បើសេពគប់ជាមួយមនុស្សប្រភេទណា យើងនឹងក្លាយជាមនុស្សប្រភេទនោះដែរមិនខាន ។ បុគ្គលពាលទាំង៣ជំពូកនេះ ជាប្រភេទមនុស្សគួរឱ្យខ្លាចជាងអ្វីៗទាំងអស់ ហើយមិនគប្បីសេពគប់ជាដាច់ខាត ព្រោះការសេពគប់ជាមួយបុគ្គលប្រភេទនេះ ក្រៅពីធ្វើឱ្យយើងវិនាសប្រយោជន៍ អសោចកេរ្តិ៍ឈ្មោះ អស់ទ្រព្យសម្បត្តិ ខាតពេលវេលា ខូចគំនិតប្រាជ្ញាទៅ ថែមទាំងនាំឱ្យយើងក្លាយជាបុគ្គលពាលជាមួយគេផងទៀត ។
ព្រះពុទ្ធបានបង្រៀនថា បើទោះជាក្នុងលោកនេះមានតែមនុស្សពីរនាក់ គឺម្នាក់ជារូបអ្នក ហើយម្នាក់ទៀតជាបុគ្គលពាល ក៏មិនគប្បីទៅសេពគប់ជាមួយបុគ្គលនោះឱ្យសោះ គឺត្រូវនៅតែម្នាក់ឯងដោយរឹងមាំចុះ ។ ការចេះប្រុងប្រយ័ត្ន ហើយចៀសវាងបាននូវការសេពគប់បុគ្គលពាលយ៉ាងណានេះហើយ ជាមង្គលដ៏ឧត្តម ។ ដោយសាន សារិន
ចែករំលែកព័តមាននេះ