មិនមែនតិចឯណា ខ្សែ.ក ខ្សែដៃ ចិញ្ចៀន១ថង់វិះនឹងក្លាយជារបស់ជននេះ
- កណ្តាល
ខេត្តកណ្តាល ៖ នៅថ្ងៃទី១៧ ខែធ្នូ ឆ្នាំ២០១៩ លោក គឹម រ័ត្នណារិន ចៅក្រមសើបសួរសាលាដំបូងខេត្តកណ្តាលបានសម្រេចចេញដីការឃុំខ្លួនចោរលួចខ្សែ.ក ខ្សែដៃ…
ខេត្តកណ្តាល ៖ នៅថ្ងៃទី១៧ ខែធ្នូ ឆ្នាំ២០១៩ លោក គឹម រ័ត្នណារិន ចៅក្រមសើបសួរសាលាដំបូងខេត្តកណ្តាលបានសម្រេចចេញដីការឃុំខ្លួនចោរលួចខ្សែ.ក ខ្សែដៃ…
ខេត្តកណ្តាល ៖ នៅថ្ងៃទី១៧ ខែធ្នូ ឆ្នាំ២០១៩ លោក គឹម រ័ត្នណារិន ចៅក្រមសើបសួរសាលាដំបូងខេត្តកណ្តាលបានសម្រេចចេញដីការឃុំខ្លួនចោរលួចខ្សែ.ក ខ្សែដៃ ចិញ្ចៀននៅក្នុងផ្សារតាខ្មៅដាក់ពន្ធនាគារបណ្តោះអាសន្នពីបទ«លួច»តាមមាត្រា៣៥៣ និង៣៥៦ នៃក្រមព្រហ្មទណ្ឌ ដោយបានប្រព្រឹត្តនៅចំណុចផ្សារតាខ្មៅចាស់ ភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល កាលពីថ្ងៃ១៦ ខែធ្នូ ឆ្នាំ២០១៩ វេលាម៉ោង០១និង៣០នាទី ។
ជនរងគ្រោះឈ្មោះ គ្រី តុលា ភេទប្រុស អាយុ៣៩ឆ្នាំ មុខរបរលក់ដូរ មានទីលំនៅភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល ជនសង្ស័យឈ្មោះ លុច ឈីត ហៅណាវី ភេទប្រុស អាយុ២៤ឆ្នាំ ជនជាតិខ្មែរឥស្លាម មុខរបររើសអេតចាយ មានទីលំនៅមិនពិតប្រាកដ ។
តាមប្រភពពីនគរបាលក្រុងតាខ្មៅបានឱ្យដឹងថា មុនពេលពេលកើតហេតុជនរងគ្រោះបានរៀបចំទុកដាក់គ្រឿងអលង្កាចេញពីទូដាក់តាំងយកមកដាក់ចូលថង់ដើម្បីយកទៅទុកនៅផ្ទះវិញ ដោយទុកនៅលើកៅអីសិនតែក៏ភ្លេចយកទៅ ។ លុះមកដល់វេលាកើតហេតុខាងលើក៏ស្រាប់តែជនសង្ស័យខាងលើបានធ្វើសកម្មភាពលួចយកទៅបាត់ ។
ក្រោយកើតហេតុជនរងគ្រោះបានដើរកឃើញជនសង្ស័យខាងលើហើយចាប់ខ្លួនយកទៅប្រគល់ជូនសមត្ថកិច្ច ។ តាមចម្លើយសារភាពរបស់ជនសង្ស័យបានប្រាប់ថា ខ្លួនពិតជាបានធ្វើសកម្មភាពលួចសម្ភាររបស់ជនរងគ្រោះខាងលើប្រាកដមែន ចំណែកថ្នាំញៀនវិញខ្លួនបានទិញដើម្បីទុកជក់ ៕
កែសម្រួលដោយ ៖ សំណាង
ចែករំលែកព័តមាននេះ