ខេត្តមណ្ឌលគិរី ៖ ក្បាលដីចំនួន៥៨២ក្បាលដី លើទំហំផ្ទៃដីសរុប៣១៥ហិកតា ត្រូវបានមន្ទីររៀបចំដែនដីនគរូបនីយកម្មសំណង់ និងសុរិយោដីខេត្តមណ្ឌលគិរីរៀបចំពិធីប្រជុំបិទផ្សាយទិន្នន័យជាសាធារណៈនូវឯកសារនៃការវិនិច្ឆ័យការចុះបញ្ជីដីធ្លីនៅភូមិជ្រៃសែន សង្កាត់មនោរម្យ ក្រុងសែនមនោរម្យ នាព្រឹកថ្ងៃទី១៦ ខែធ្នូ…
ខេត្តមណ្ឌលគិរី ៖ ក្បាលដីចំនួន៥៨២ក្បាលដី លើទំហំផ្ទៃដីសរុប៣១៥ហិកតា ត្រូវបានមន្ទីររៀបចំដែនដីនគរូបនីយកម្មសំណង់ និងសុរិយោដីខេត្តមណ្ឌលគិរីរៀបចំពិធីប្រជុំបិទផ្សាយទិន្នន័យជាសាធារណៈនូវឯកសារនៃការវិនិច្ឆ័យការចុះបញ្ជីដីធ្លីនៅភូមិជ្រៃសែន សង្កាត់មនោរម្យ ក្រុងសែនមនោរម្យ នាព្រឹកថ្ងៃទី១៦ ខែធ្នូ ឆ្នាំ២០១៩ ។
លោក ម៉ៅ ចំរើន ប្រធានមន្ទីររៀបចំដែនដី បានឱ្យដឹងថា សម្រាប់ប្រជាពលរដ្ឋក្នុងភូមិជ្រៃសែន ដែលមន្ទីរបិទផ្សាយជូនដល់ប្រជាពលរដ្ឋពិនិត្យផ្ទៀងផ្ទាត់ទិន្នន័យនាពេលនេះ មានក្បាលដីសរុបចំនួន៥៨២ក្បាលដី ដែលមានទំហំផ្ទៃដីសរុប៣១៥ហិកតា ស្មើនឹង២៩១គ្រួសារ។
លោកប្រធានមន្ទីររៀបចំដែនដីបន្ថែមថា ចំពោះការបិទផ្សាយជាសាធារណៈនូវឯកសារនៃការវិនិច្ឆ័យដែលមានរយៈពេល១៥ថ្ងៃ គិតចាប់ពីថ្ងៃទី១៦ ខែធ្នូ ដល់ថ្ងៃទី៣០ ខែធ្នូ ឆ្នាំ២០១៩ គឺរាប់បញ្ចូលទាំងថ្ងៃឈប់សម្រាក ដើម្បីឲ្យអ្នកកាន់កាប់ដី និងអង្គភាពពាក់ព័ន្ធទាំងអស់ ត្រួតពិនិត្យទិន្នន័យ ដើម្បីបញ្ជាក់ថា ទិន្នន័យដីក្បាលដីនេះ ពិតជាត្រឹមត្រូវ ឬអត់ ប្រសិនបើមានកំហុសឆ្គង ដោយប្រការណាមួយ ម្ចាស់ដី ត្រូវធ្វើការស្នើសុំកែតម្រូវ ក្នុងរយៈពេល១៥ថ្ងៃនេះ។ លោកបន្ថែមថា ក្រោយរយៈពេល១៥ថ្ងៃនេះ ក្រុមការងារ និងអាជ្ញាធរ នឹងធ្វើការបូកសរុបរបាយការណ៍បញ្ជូនទៅប្រធានគណៈកម្មាធិការដ្ឋបាល ដើម្បីស្នើសុំចេញវិញ្ញាបនបត្រសម្គាល់អចលនាវត្ថុ ជូនប្រជាពលរដ្ឋ អ្នកកាន់កាប់ណាដែលបានបំពេញគ្រប់លក្ខ
ខ័ណ្ឌច្បាប់។
លោក ញ៉ន សិទ្ធ អភិបាលរងខេត្ត បានបញ្ជាក់ថា ដើម្បីពង្រឹងសុវត្ថិភាព នៃការកាន់កាប់ប្រើប្រាស់ដីធ្លីសមស្រប ទប់ស្កាត់ការកាប់ដីរដ្ឋខុសច្បាប់ និងកាត់បន្ថយទំនាស់ តាមយុទ្ធសាស្ត្រចតុកោណរបស់រាជរដ្ឋាភិបាលកម្ពុជា បានអនុវត្តការចុះបញ្ជីដីធ្លីមានលក្ខណៈជាប្រព័ន្ធ ដែលជាកម្មវិធីមួយមានការរួមចំណែកកាត់បន្ថយភាពក្រីក្រ និងកំពុងអនុវត្តនូវផែនការសំខាន់ៗ នៃគោលនយោបាយដីធ្លី ក្នុងការកែទម្រង់រដ្ឋបាលដីធ្លី។
លោក អភិបាលរងខេត្តបន្ថែមថា ចំពោះការបិទផ្សាយជាសាធារណៈនាពេលនេះ ក៏សូមឱ្យបងប្អូនប្រជាពលរដ្ឋដែលជាម្ចាស់កាន់កាប់ដីធ្លីទាំងអស់ ដែលមានដីនៅក្នុងភូមិជ្រៃសែន សង្កាត់មនោរម្យនេះ ត្រូវទៅផ្ទៀងផ្ទាត់ទិន្នន័យ ក្បាលដី ពិតជាត្រឹមត្រូវឬអត់ ។ ប្រសិនបើមានកំហុសឆ្គងដោយប្រការណាមួយ ដូចជាខុសឈ្មោះ ថ្ងៃខែឆ្នាំកំណើត អាយុ ភេទ ទំហំ រូបរាងដី ទីតាំងក្បាលដី និងប្រភេទទ្រព្យជាដើមនោះ ម្ចាស់ដីត្រូវធ្វើការស្នើសុំកែតម្រូវឡើងវិញ៕ (កែសម្រួលដោយ ៖ ធីតា)
ចែករំលែកព័តមាននេះ