ប្រទេសកូរ៉េខាងជើង ៖ ចិន និងរុស្ស៊ី កាលពីថ្ងៃទី១៦ធ្នូបានដាក់ជូនក្រុមប្រឹក្សាសន្តិសុខអ.ស.ប នូវគម្រោងដំណោះស្រាយមួយ ដែលស្នើឲ្យលុបចោលទណ្ឌកម្មមួយចំនួន ដែលដាក់លើកួរ៉េខាងជើង ក្នុងគោលបំណងកែលម្អលក្ខខណ្ឌរស់នៅ របស់ប្រជាជនស៊ីវិលនៃប្រទេសនេះ។
ម្យ៉ាងទៀតគម្រោងដំណោះស្រាយនោះបានសាទរចំពោះការបន្តចរចា រវាងសហរដ្ឋអាមេរិក និងកូរ៉េខាងជើង សំដៅបង្កើតទំនាក់ទំនងទ្វេភាគីថ្មីៗ បង្កើតជំនឿទុកចិត្តគ្នាទៅវិញទៅមកហើយរួមចំណែកដល់ការខិតខំប្រឹងប្រែង ដើម្បីសន្តិភាពដ៏ស្ថិតស្ថេរនៅឧបទ្វីបកូរ៉េ។
គម្រោងដំណោះស្រាយនេះនៅបានស្នើថាបណ្ដាទណ្ឌកម្មរបស់អ.ស.ប មិនអនុវត្តចំពោះបណ្ដាគម្រោងកិច្ចសហប្រតិបត្តិការខាងផ្លូវដែកនិងផ្លូវថ្នល់រវាងកូរ៉េទាំង២៕ (កែសម្រួលដោយ ៖ បុប្ផា)
ចែករំលែកព័តមាននេះ