បើកភ្លើងខៀវ ការវះកាត់ដូរក្រលៀន និងសរីរាង្គស្របច្បាប់
- ភ្នំពេញ
រាជធានីភ្នំពេញ ៖ សម្ដេចតេជោនាយករដ្ឋមន្ត្រី ហ៊ុន សែន នាព្រឹកថ្ងៃទី១៦ ខែធ្នូ ឆ្នាំ២០១៩ បានប្រកាសឲ្យដឹងថា ការវះកាត់ដូរក្រលៀន…
រាជធានីភ្នំពេញ ៖ សម្ដេចតេជោនាយករដ្ឋមន្ត្រី ហ៊ុន សែន នាព្រឹកថ្ងៃទី១៦ ខែធ្នូ ឆ្នាំ២០១៩ បានប្រកាសឲ្យដឹងថា ការវះកាត់ដូរក្រលៀន…
រាជធានីភ្នំពេញ ៖ សម្ដេចតេជោនាយករដ្ឋមន្ត្រី ហ៊ុន សែន នាព្រឹកថ្ងៃទី១៦ ខែធ្នូ ឆ្នាំ២០១៩ បានប្រកាសឲ្យដឹងថា ការវះកាត់ដូរក្រលៀន និងសរីរាង្គមួយចំនួនរបស់មនុស្ស អាចធ្វើបានដោយសុវត្ថិភាពនៅមន្ទីរពេទ្យយោធា ឬហៅថាមន្ទីរពេទ្យព្រះកេតុមាលា នៅរាជធានីភ្នំពេញ ដោយមិនចាំបាច់ចំណាយថវិកាច្រើនចេញទៅព្យាបាលនៅក្រៅប្រទេសឡើយ ។
ការប្រកាសឲ្យដឹងបែបនេះ គឺក្នុងឱកាសដែលសម្ដេចតេជោ ហ៊ុន សែន អញ្ជើញជាអធិបតីភាពក្នុងពិធីប្រគល់សញ្ញាបត្រដល់និស្សិតពេទ្យចំនួន២.៥៨៨នាក់ នៅមជ្ឈមណ្ឌលសន្និបាតនិងពិព័រណ៍កោះពេជ្រ បន្ទាប់ពីពួកគេបានបញ្ចប់ការសិក្សាប្រកបដោយជោគជ័យ ។ សម្ដេចតេជោ ហ៊ុន សែន បានបញ្ជាក់យ៉ាងដូច្នេះថា «ខ្ញុំសូមយកឱកាសនេះ ដើម្បីចែករំលែកនិងជម្រាបជូនប្រជាពលរដ្ឋកម្ពុជារបស់យើងឲ្យបានជ្រាបថា ការដូរក្រលៀនឬសរីរាង្គមួយចំនួន គឺធ្វើបាននៅក្នុងប្រទេសកម្ពុជារបស់យើងដោយសុវត្ថិភាព គឺនៅក្នុងមន្ទីរពេទ្យកងទ័ព(មន្ទីរពេទ្យព្រះកេតុមាលា) របស់យើងតែម្ដង» ។
សម្តេចតេជោនាយករដ្ឋមន្ត្រី ក៏បានលើកទឹកចិត្តដល់បងប្អូនដែលកំពុងជួបបញ្ហាដូរក្រលៀន កុំអស់សង្ឃឹមឲ្យសោះ ទោះបីគ្មានប្រាក់គឺឲ្យតែមានសាច់ញាតិបងប្អូនកូនចៅ ឬគ្រួសារអ្នកជំងឺមានក្រលៀនប្រភេទដូចគ្នា គឺអាចមកពិភាក្សាព្យាបាល និងដោះដូរនៅមន្ទីរពេទ្យព្រះកេតុមាលាបាន ដែលមានគុណភាពល្អដូចមន្ទី ពេទ្យនៅក្រៅប្រទេសដែរ ។លើសពីនេះទៀត សម្តេចតេជោ ហ៊ុន សែន បានជំរុញដល់ការអភិវឌ្ឍវិស័យសុខាភិបាលឲ្យកាន់តែមានគុណភាព ប្រសិទ្ធភាពខ្ពស់ ជាមួយបច្ចេកវិទ្យាទំនើបថ្មីៗ ដើម្បីឲ្យស័ក្តិសមជាកន្លែងព្យាបាលរបស់ជាតិ ក្នុងការបម្រើសេវាសុខភាពជូនដល់ប្រជាពលរដ្ឋខ្មែរ ។
បច្ចុប្បន្ន អ្នកជំងឺដែលស្វែងរកការដូរក្រលៀនបានវេចលុយយ៉ាងតិច៥ម៉ឺនដុល្លារ ទៅរកសេវាដូរក្រលៀននៅប្រទេសឥណ្ឌាដែលមានតម្លៃថោក ។ កាលពីប៉ុន្មានឆ្នាំមុននៅមន្ទីរពេទ្យព្រះកេតុមាលា ក៏មានការដូរសរីរាង្គនេះដែរ តែពេលនោះមានការលួចលាក់ទើបត្រូវបានហាមឃាត់ មិនឱ្យមានការធ្វើអាជីវកម្មដូរសរីរាង្គតទៅទៀតនោះ ៕
ចែករំលែកព័តមាននេះ