ខេត្តកំពង់ឆ្នាំង ៖ ព្រះវិហារបុរាណវត្តកំពង់ព្រះ ស្ថិតនៅក្នុងភូមិកំពង់ព្រះ ឃុំឆ្នុកទ្រូ ស្រុកបរិបូរណ៌ ដែលជាព្រះវិហារ ដែលមានវ័យចំណាស់ជាងគេ ពេលនេះ ត្រូវបានជួសជុលកែលំអឡើងវិញរួចរាល់ជាស្ថាពរហើយ…
ខេត្តកំពង់ឆ្នាំង ៖ ព្រះវិហារបុរាណវត្តកំពង់ព្រះ ស្ថិតនៅក្នុងភូមិកំពង់ព្រះ ឃុំឆ្នុកទ្រូ ស្រុកបរិបូរណ៌ ដែលជាព្រះវិហារ ដែលមានវ័យចំណាស់ជាងគេ ពេលនេះ ត្រូវបានជួសជុលកែលំអឡើងវិញរួចរាល់ជាស្ថាពរហើយ ដោយក្រុមជំនាញរបស់ក្រសួងវប្បធម៌និងវិចិត្រសិល្បៈ ក្រោមការឧបត្ថម្ភថវិការបស់លោកជំទាវ ឧកញ៉ា សៀង ចាន់ហេង ។
ក្រោយពីការជួសជុលបានល្អស្អាត និងមានសភាពរឹងមាំឡើងវិញ ព្រះសង្ឃ និងពុទ្ធបរិស័ទចំណុះជើងវត្ត មានសេចក្តីរីករាយត្រេកអរគ្រប់ៗគ្នាសង្ឃឹមថានឹងបានចូលគោរពបូជា ថ្វាយបង្គំព្រះក្នុងព្រះវិហារ បានវិញហើយ បន្ទាប់ពីត្រូវអាកខាន មួយរយៈធំដោយសារតែព្រះវិហាមានសភាពទ្រុឌទ្រោមខ្លាំងពេក ។
ព្រះគ្រូចៅអធិការវត្តកំពង់ព្រះ ព្រះនាម អ៊ុំ សុគន្ឋ បានមានថេរដីកាថា កាលពីពេលកន្លងទៅ លោកជំទាវឧកញ៉ា សៀង ចាន់ហេង បានសុំកសាងព្រះវិហារថ្មី នៅលើទីទួលពិស្រីជ័យសូរង្ស កំពង់ព្រះ ក្នុង វត្តកំពង់ព្រះនេះ ប៉ុន្តែត្រូវបានក្រសួងវប្បធម៌និងវិចិត្រសិល្បៈ ធ្វើការជំទាស់ ។ដោយការសុំកសាងព្រះវិហារថ្មីមិនបាន លោកជំទាវឧកញ៉ា សៀង ចាន់ហេង ក៏បានសុំធ្វើការជួសជុលព្រះវិហារចាស់ដែលជាព្រះវិហាបុរាណ វ័យចំណាស់រាប់រយឆ្នាំនោះឡើងវិញ ។
ប៉ុន្តែការជួសជុល ត្រូវទាមទារអ្នកមានជំនាញច្បាស់លាស់ ព្រោះខ្លាចបាត់បង់នូវលំនាំដើមនៃព្រះវិហារបុរាណ ហេតុនេះហើយ ទើបក្រសួងវប្បធម៌និងវិចិត្រសិល្បៈ បានដាក់ក្រុមជំនាញរបស់ក្រសួង វប្បធម៌វិចិត្រសិល្បៈ មកធ្វើការជួសជុលព្រះវិហារនោះឡើងវិញ ក្រោមការឧបត្ថថវិការផ្ទាល់ របស់លោកជំទាវឧកញ៉ា សៀង ចាន់ហេង ។
ព័ត៌មានពិស្តារនឹងមានផ្សាយជូនបន្តនៅកាសែតកោះសន្តិភាព ។
ចែករំលែកព័តមាននេះ