ផ្លូវដើរទៅរកភាពជោគជ័យតម្រូវឲ្យមនុស្សបោះបង់ភាពភ័យខ្លាចក្នុងការបរាជ័យ និងភាពខ្ជិលច្រអូស ជឿជាក់លើខ្លួនឯង រក្សាការយកចិត្តទុកដាក់ និងមិនរង់ចាំឱកាស ។ តែមានពេលខ្លះការធ្វើដូច្នេះគឺមិនងាយដូចការគិតទេ ។ ផ្ទុយមកវិញ មនុស្សអាចធ្លាក់ចូលក្នុងអន្ទាក់មួយចំនួនដែលរារាំងមិនឲ្យពួកគេទៅដល់គោលដៅផងដែរ ។ ជាក់ស្តែងអន្ទាក់មួយក្នុងចំណោមអន្ទាក់ជាច្រើន គឺទស្សនៈ ។ ដូច្នេះបើអ្នកចង់ជោគជ័យទាំងក្នុងការរកលុយ និងការងារនោះ អ្នកត្រូវតែជៀសវាងការគិតដូចខាងក្រោមនេះ៖
១. ការមិនអាចមើលឃើញភាពជោគជ័យរបស់ខ្លួនឯង៖
សុភមង្គលស្មើនឹងការពិតជាក់ស្តែងដកនឹងការរំពឹងទុករបស់មនុស្ស ។ មនុស្សម្នាក់កាន់តែមានសុភមង្គលពេលដែលការពិតជាក់ស្តែងល្អប្រសើរជាងការរំពឹងទុករបស់ពួកគេ ។ តែវាមិនមែនមានន័យថាអ្នកត្រូវតែបន្ទាបស្តង់ដារ ឬការរំពឹងទុករបស់ខ្លួនដើម្បីមានសុភមង្គលទេ ។ ផ្ទុយមកវិញ អ្នកត្រូវរកវិធីដើម្បីធ្វើឲ្យតថភាពរបស់អ្នកកាន់តែល្អប្រសើរជាងមុន ។ អ្នកត្រូវពិនិត្យមើលម្តងទៀតថាជីវិតរបស់អ្នកពិតជាមិនល្អដូចអ្នកគិតមែនឬ? ឬមួយវាគ្រាន់តែជាសម្ពាធពីកត្តាផ្សេងៗ? បើអ្នកពិតជាមិនពេញចិត្តនឹងជីវិតបច្ចុប្បន្នអ្នកមែននោះ អ្នកអាចធ្វើការផ្លាស់ប្តូរបាន តែអ្នកត្រូវចងចាំថាវាអាចនឹងល្អជាងការគិតរបស់អ្នក ។
២. ការមិនចំណាយពេលគ្រប់គ្រាន់ដើម្បីយល់ឲ្យច្បាស់ពីបញ្ហា៖
មនុស្សជាច្រើនដឹងថាជីវិតរបស់ពួកគេមានបញ្ហាច្រើនដែលត្រូវដោះស្រាយទើបអាចសម្រេចគោលដៅរបស់ខ្លួន តែពួកគេតែងតែព្យាយាមគេចវេស ឬពន្យាពេលក្នុងការចេញសកម្មភាពដើម្បីរកដំណោះស្រាយ ។ មូលហេតុមួយដែលតែងតែបង្កឲ្យមានលទ្ធផលនេះ គឺមនុស្សមិនចំណាយពេលគ្រប់គ្រាន់ក្នុងការគិតឲ្យយល់ច្បាស់ពីបញ្ហាដែលខ្លួនមាន ។
៣. ប្រើនិយមន័យភាពជោគជ័យរបស់អ្នកដទៃ៖
វាកើតមានឡើងពេលដែលអ្នកស្តាប់អ្នកដទៃ តែមិនស្តាប់ខ្លួនឯង ។ មិនយូរប៉ុន្មាន អ្នកនឹងចាប់ផ្តើមចម្លងនិយមន័យនៃភាពជោគជ័យពីអ្នកដទៃដែរ និងយកវាជាគោលដៅមួយរបស់ខ្លួនផ្ទាល់ ។ ប៉ុន្តែអ្នកអាចនឹងមិនមានចិត្តប្តេជ្ញាគ្រប់គ្រាន់ឡើយព្រោះអ្នកមិនជឿជាក់ទាំងស្រុងថាវានឹងធ្វើឲ្យអ្នកមានសុភមង្គលនៅថ្ងៃមុខ ៕ កែសម្រួលដោយ ៖ សុឃាក់
ចែករំលែកព័តមាននេះ