រាជធានីភ្នំពេញ ៖ ដើម្បីជួយសង្គ្រោះគ្នានៅពេលកើតមានហេតុការណ៍ណាមួយចៃដន្យសម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា សម្តេចចង់ឲ្យមានសមយុទ្ធផ្នែកយោធា ជាមួយប្រទេសជិតខាង មានវៀតណាម ឡាវ និងថៃជាដើម ។
សម្តេចតេជោ បានថ្លែងក្នុងពិធីប្រគល់សញ្ញាបត្រដល់និស្សិតបញ្ចប់ការសិក្សានៅសាកលវិទ្យាល័យសុខាភិបាល នាព្រឹកថ្ងៃទី១៦ ខែធ្នូ នៅមជ្ឈមណ្ឌលសន្និបាតកោះពេជ្រ ថា សម្តេចចង់ឲ្យមានការធ្វើសមយុទ្ធរួមគ្នាជាមួយប្រទេសជិតខាង ព្រោះថា កន្លងមកកម្ពុជា និងប្រទេសមហាអំណាចដូចជា សហអាមេរិក ចិន ជាដើម ។
សម្តេចបានគូសបញ្ជាក់ថា ៖« យើងក៏ធ្លាប់ធ្វើសមយុទ្ធជាមួយអាមេរិក ជាមួយចិន ជាមួយប្រទេសមួយចំនួនអំពីការសង្គ្រោះ«…» យើងធ្វើជាមួយអាមេរិកច្រើនដងហើយ ។ ការចង់ឲ្យមានសមយុទ្ធជាប្រទេសជិតខាងនេះ ត្រូវបានសម្តេចតេជោ ហ៊ុនសែន អះអាងថា ដើម្បីមានភាពងាយស្រួលក្នុងការជួយសង្គ្រោះគ្នាទៅវិញទៅមក ។ ឧទាហរណ៍ ៖ ភ្លើងឆេះព្រៃ យើងត្រូវទប់ស្កាត់ ដូច្នេះត្រូវមានអន្តរាគមន៍ពីខាងប្រជិតខាងផង និងខាងប្រទេសយើងផង ដើម្បីស្រោចស្រង់សភាពការណ៍សិន ។
សម្តេចសង្កត់ធ្ងន់ថា ៖«អីញ្ចឹងខ្ញុំសូមបញ្ជាក់ថា គំនិតដែលខ្ញុំចង់ធ្វើ គឺយើងធ្វើសមយុទ្ធរួមគ្នាជាមួយប្រទេសជាប់ព្រំដែន ដោយយើងអាចឆ្លងទៅប្រទេសគេបានគេអាចឆ្លងមកប្រទេស យើងបាន ។ ដោយចាត់ទុកថា ជាកិច្ចសហប្រតិបត្តិការសង្គ្រោះគ្មាន ។ ពេលខ្លះអាចឈានដល់ធ្វើកិច្ចសហប្រតិបត្តិការជាគ្រប់ជាតិសាសចូលមកជួយផងដែរ» ។ ជាមួយគ្នានោះដែរ សម្តេចក៏បានអះអាថា ការធ្វើបែបនេះសុំកុំយល់ច្រឡំថា វៀតណាម ឬឡាវ ឬថៃ ឃ្លានពានចូលមកទឹកដីកម្ពុជាឲ្យដឹង គឺមិនពិតទេ គឺការសហការជាមួយគ្នា ដើម្បីសង្គ្រោះសភាពការណ៍តែប៉ុណ្ណោះ ។
សម្តេចបន្ថែមថា ជាដំបូងត្រូវធ្វើសមយុទ្ធជាមួយវៀតណាម ដែលនឹងចាប់ផ្តើមនៅប៉ុន្មានថ្ងៃខាងមុខនេះ ។ សម្តេចតេជោក៏បានលើកឡើងថា កន្លងមកមានប្រទេសមួយចំនួនដែលបានធ្វើសមយុទ្ធជាមួយគ្នា ហើយប្រទេសទាំងនេះបានធ្វើការសហការជួយគ្នាទៅវិញទៅមកផងដែ រ ៕
ចែករំលែកព័តមាននេះ