តាមប្រភពព័ត៌មាន Soccer Laduma បានឱ្យដឹងថា ក្រុមបិសាចក្រហម Manchester United កន្លងមកបានចំណាយប្រាក់ជាង ១៥០លានអឺរ៉ូរួចទៅហើយសម្រាប់ការចុះកុងត្រាថ្មីនៅរដូវកាលនេះ ប៉ុន្តែគ្រោងនឹងទិញយកកីឡាករ Mesut Ozil ជំនាន់ថ្មី (ជាងារ) ដែលមានតម្លៃ១០០លានអឺរ៉ូ។
ក្រុមបិសាចក្រហមបានដើរតាមពីក្រោយគូប្រជែងរបស់ក្រុម Manchester City និង Liverpool ដែលបានកាន់កាប់លីកពីររដូវកាលកន្លងមក ។ United បានបញ្ចប់ក្នុងចំណាត់ថ្នាក់ទី៦ ក្នុងឆ្នាំ ២០១៨/១៩ ហើយបានព្យាយាមទៅមុខយឺតៗតាមដំណើរ។
អ្នកចាត់ការទូទៅលោក Ole Gunnar Solskjaer បានបង្ហើបប្រាប់ពីសកម្មភាពផ្ទេរបន្ថែមទៀតនៅខែមករាខាងមុខ ដោយនិយាយថាក្រុមរបស់លោកចាំបាច់ត្រូវបន្ថែមកីឡាករពីរបីនាក់ទៀត។ លោកបាននិយាយបន្ទាប់ពីទទួលជ័យជម្នះ ៤-០ លើក្រុម AZ Alkmaar ក្នុងការប្រកួតដណ្តើមពាន UEFA Europa League នៅរាត្រីថ្ងៃព្រហស្បតិ៍នេះ ដោយលោកបាននិយាយថា៖ “យើងកំពុងព្យាយាមពង្រឹង នៅច្រើនចំណុចនៃក្រុមរបស់យើង។ យើងគង់តែទៅមុខទេ តែយើងត្រូវការកីឡាករ២ទៅ៣នាក់ ដើម្បីឱ្យមានចំនួនគ្រប់គ្រាន់។”
Kai Havertz កីឡាករវ័យក្មេងរបស់ក្លិប Bayer Leverkusen ត្រូវបានគេរាយការណ៍ថា ជាកីឡាករម្នាក់ក្នុងចំណោមកីឡាករដែល គ្រូបង្វឹក លោក Solskjaer ចង់ទិញយកមកលេង។ យុវជនអាយុ ២០ ឆ្នាំមានយុទ្ធនាការដ៏រំភើប ២០១៨/១៩ ដោយរកបាន ២០គ្រាប់និងជួយទាត់ Assist បាន៧ដង សម្រាប់ការឡើងប្រកួត៤២លើក។
ការលេងបានយ៉ាងល្អនេះ ត្រូវបានក្លិបធំៗជាច្រើននៅអឺរ៉ុប ដូចជា Bayern Munich, FC Barcelona, Real Madrid, Liverpool និង City។ ទោះយ៉ាងណាបើយោងទៅតាម Sport Bild បានអោយដឹងថា United កំពុងខិតខំដណ្តើមកីឡាករនេះ ដែលសព្វថ្ងៃមានតម្លៃខ្លូនស្មើនឹង ១០០លានអឺរ៉ូ៕
ចែករំលែកព័តមាននេះ