ដោយយោងទៅតាម CDC បានឲ្យដឹងថា ការដែលមនុស្សយើងគេងមិនបានគ្រប់គ្រាន់ វាពិតជាដើមហេតុមួយនាំឲ្យកើតបញ្ហានៃសុខភាពច្រើនណាស់។ តើជឿឬអត់ដែលគេនិយាយថា ការគេងគឺជារឿងដ៏សំខាន់មួយសម្រាប់ជួយឲ្យមានសុខភាព និងអាចមានជីវិតច្រើនជាងការញ៉ាំអាហារ? សម្រាប់មនុស្សដែលអត់ឃ្លានរហូតដល់បាត់បង់ជីវិតមានរយៈពេល ១៤ថ្ងៃ ខណៈពេលដែលអាចបាត់បង់ជីវិតដោយសារការគេងមិនគ្រប់គ្រាន់តែ ១០ថ្ងៃប៉ុណ្ណោះ។
ចំពោះចំនួនពិតប្រាកដនៃការគេងវិញនោះ គឺអាស្រ័យទៅតាមមនុស្សម្នាក់ ហើយក៏អាចប្រែប្រួលទៅតាមអាយុផងដែរ។ សម្រាប់ក្មេងទើបចូលសាលារៀនអាចត្រូវការគេងប្រហែល ១០ម៉ោងក្នុងមួយថ្ងៃ យុវវ័យ ៩ម៉ផង និងមនុស្សធំប្រហែល ៧ ទៅ៨ម៉ោង។
តាមការស្រាវជ្រាវបានឲ្យដឹងថា មនុស្សធំមានប្រមាណ ៣០ភាគរយដែលគេងបាន ៦ម៉ោងចុះក្រោម និងសិស្សសាលាវិទ្យាល័យមាន ៣០ភាគរយដែលគេងបានត្រឹមតែ ៨ម៉ោងក្នុងមួយយប់។
ទោះបីជាយ៉ាងណាក៏ដោយ បើសិនជាអ្នកគេងមិនបានគ្រប់គ្រាន់ទេ អ្នកនឹងប្រឈមមុខខ្ពស់នឹងបញ្ហាសុខភាពដូចខាងក្រោមនេះ៖
១-ខួរក្បាលគ្មានពេលក្នុងការសាកថ្មដើម្បីធ្វើការសម្រាប់ថ្ងៃស្អែកទៀត
២- ប៉ះពាល់ដល់អារម្មណ៍ដូចជា ឆាប់ខឹង ឆេវឆាវ បាក់ទឹកចិត្ត មិនយកចិត្តទុកដាក់ និងធ្វើអ្វីៗដែលប៉ះពាល់ដល់សុខភាពបន្ថែម
៣- ប៉ះពាល់ដល់សុខភាពរាងកាយដូចជា ជំងឺបេះដូង លើសសម្ពាធឈាម បញ្ហាតម្រងនោម ដាច់សរសៃឈាមខួរក្បាល និងទឹកនោមផ្អែម
៤- ផលិតផលការងារនៅកន្លែងធ្វើការមានការថយចុះយ៉ាងខ្លាំង
៥- អតុល្យភាពអ័រម៉ូន ដែលអាចធ្វើឲ្យញ៉ាំកាន់តែច្រើន និងធាត់ជ្រុល (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ