ខេត្តព្រះសីហនុ ៖ នាព្រឹកថ្ងៃទី១៣ ខែធ្នូ ឆ្នាំ២០១៩នេះ នាវាទេសចរណ៍ខ្នាតយក្សមួយគ្រឿងបានចូលចតនៅកំពង់ផែរអន្តរជាតិក្រុងព្រះសីហនុដោយសុវត្ថិភាព ហើយបាននាំយកភ្ញៀវទេសចរចម្រុះជាតិសាសន៍ជិត២.០០០នាក់មកទស្សនានៅកម្ពុជារយៈពេលមួយថ្ងៃ។ យោងតាមប្រភពពីមន្ត្រីប៉ូលិសច្រកទ្វារអន្តរជាតិក្រុងព្រះសីហនុបានឲ្យដឹងថា នាវាទេសចរណ៍ខ្នាតយក្សមួយគ្រឿងខាងលើឈ្មោះ ព្រីនសេស…
ខេត្តព្រះសីហនុ ៖ នាព្រឹកថ្ងៃទី១៣ ខែធ្នូ ឆ្នាំ២០១៩នេះ នាវាទេសចរណ៍ខ្នាតយក្សមួយគ្រឿងបានចូលចតនៅកំពង់ផែរអន្តរជាតិក្រុងព្រះសីហនុដោយសុវត្ថិភាព ហើយបាននាំយកភ្ញៀវទេសចរចម្រុះជាតិសាសន៍ជិត២.០០០នាក់មកទស្សនានៅកម្ពុជារយៈពេលមួយថ្ងៃ។
យោងតាមប្រភពពីមន្ត្រីប៉ូលិសច្រកទ្វារអន្តរជាតិក្រុងព្រះសីហនុបានឲ្យដឹងថា នាវាទេសចរណ៍ខ្នាតយក្សមួយគ្រឿងខាងលើឈ្មោះ ព្រីនសេស មានបណ្ដោយ ២៦១,៦០ម៉ែត្រ និងទទឹង៣២,២០ម៉ែត្រ មានដឹកភ្ញៀវទេសចរចម្រុះជាតិសាសន៍សរុបចំនួន១៩៧៧នាក់ ក្នុងនោះស្ត្រីមានមានចំនួន១០៦៥នាក់ មានចំនួន២៦សញ្ជាតិ និងមាននាវិកសរុប៨៤៦នាក់ ។ នាវានេះនឹងត្រឡប់ទៅប្រទេសថៃវិញនៅវេលាម៉ោង៤រសៀលក្នុងថ្ងៃដដែល។
សូមបញ្ជាក់ផងដែរថា នៅក្នុងខែវិច្ឆិកានិងខែធ្នូនេះ មាននាវាទេសចរណ៍មិនក្រោម ៥គ្រឿងនោះទេដែលបាននាំយកភ្ញៀវទេសចរចម្រុះជាតិសាសន៍ជិតមួយម៉ឺននាក់មកទស្សនាកម្ពុជា ៕ (កែសម្រួលដោយ ៖ ធីតា)
ចែករំលែកព័តមាននេះ