៤ ទម្លាប់ធ្វើការរបស់ អ៊ីឡុន ម៉ាស់ ដែលជួយឲ្យលោកជោគជ័យ
លោកមហាសេដ្ឋី អ៊ីឡុន ម៉ាស់ (Elon Musk) ដែលជានាយកប្រតិបត្តិរបស់ក្រុមហ៊ុន Telsa, SpaceX និង The…
លោកមហាសេដ្ឋី អ៊ីឡុន ម៉ាស់ (Elon Musk) ដែលជានាយកប្រតិបត្តិរបស់ក្រុមហ៊ុន Telsa, SpaceX និង The…
លោកមហាសេដ្ឋី អ៊ីឡុន ម៉ាស់ (Elon Musk) ដែលជានាយកប្រតិបត្តិរបស់ក្រុមហ៊ុន Telsa, SpaceX និង The Boring Company ជាអ្នកដឹកនាំដែលធ្លាប់គេងក្នុងរោងចក្ររបស់ខ្លួនដើម្បីធានាថាផលិតកម្មរថយន្តអគ្គិសនីរបស់លោកកើតមានឡើងដោយរលូន ។ ក្រៅពីការប្តេជ្ញាចង់មើលឃើញលទ្ធផលខ្ពស់ហើយ លោកម៉ាស់មានទម្លាប់ធ្វើការល្អៗជាច្រើនដែលជួយឲ្យលោកក្លាយជាមហាសេដ្ឋីស្តុកស្តម្ភដែលត្រូវបានចែករំលែកដូចខាងក្រោមនេះ៖
១. កុំប្រជុំច្រើនពេក
លោកម៉ាស់ជាអ្នកដឹកនាំមួយរូបដែលស្អប់ការប្រជុំយ៉ាងខ្លាំង។ លោកបានចែករំលែកមកថា ការប្រជុំច្រើនពេកអាចនាំបញ្ហាមកឲ្យក្រុមហ៊ុនទៅវិញ ដូច្នេះមនុស្សគួរតែដើរចេញពីកិច្ចប្រជុំធំៗប្រសិនបើពួកគេមិនមានអ្វីចូលរួមចំណែកទេ ។ លើសពីនេះទៅទៀត ប្រសិនបើមិនមានកិច្ចការសំខាន់ដែលត្រូវប្រញាប់ខ្លាំងទេនោះ ក្រុមហ៊ុនមិនគួរមានកិច្ចប្រជុំញឹកញាប់ឡើយ។
២. កុំប្រើពាក្យបច្ចេកទេសច្រើន
លោកម៉ាស់បានហាមមិនឲ្យបុគ្គលិកប្រើពាក្យកាត់ ឬពាក្យបច្ចេកទេសដើម្បីបកស្រាយពីវត្តុ កម្មវិធី Software ឬដំណើរការណាមួយក្នុងក្រុមហ៊ុន Telsa ទេ ។ មានន័យថា រាល់ពាក្យដែលទាមទារឲ្យអ្នកនិយាយបកស្រាយបន្ថែមគឺជាពាក្យដែលរាំងស្ទះការប្រាស្រ័យទាក់ទងគ្នា ។
៣. ទាក់ទងគ្នាដោយផ្ទាល់មិនយូរហូរហែច្រើន
បុគ្គលិកដែលធ្វើការឲ្យលោកម៉ាស់មិនចាំបាច់ត្រូវឆ្លងកាត់អ្នកគ្រប់គ្រងផ្ទាល់សិនទេទើបអាចផ្ញើបន្តព័ត៌មានសំខាន់ៗទៅផ្នែកដទៃនៃក្រុមហ៊ុន ។ លោកម៉ាស់តែងតែជំរុញឲ្យមនុស្សធ្វើការទាក់ទងគ្នាដោយផ្ទាល់វិញដើម្បីពន្លឿនការងារ ។
៤. គោរពតាម ឡូហ្សិច មិនមែនបទបញ្ជាទេ
ប្រើសតិសម្បជញ្ញៈជានិច្ចសម្រាប់រាល់ការសម្រេចចិត្ត ។ ប្រសិនបើក្នុងស្ថានការណាមួយដែលគោរពតាមបទបញ្ជាក្រុមហ៊ុនមិនសមហេតុសមផលនោះ បទបញ្ជាក្រុមហ៊ុនគួរតែមានការផ្លាស់ប្តូរ ៕ កែសម្រួលដោយ ៖ សុឃាក់
ចែករំលែកព័តមាននេះ