ខេត្តរតនគិរី ៖ សេចក្តីរាយការណ៍ឱ្យដឹងថា រថយន្តវេអងចំនួន៤គ្រឿងមានដឹកឈើពេញៗ ធ្វើដំណើរចេញពីស្រុកវើនសៃ ឆ្ពោះចូលមកក្រុងបានលុង ហើយត្រូវបានកម្លាំងប៉ុស្តិ៍រដ្ឋបាលឃុំអូរជុំ សហការជាមួយកម្លាំងអធិការដ្ឋានស្រុកអូរជុំ ឃាត់នាំទៅសាកសួរ ធ្វើឡើងនៅវេលាម៉ោង០៨យប់ថ្ងៃទី៦…
ខេត្តរតនគិរី ៖ សេចក្តីរាយការណ៍ឱ្យដឹងថា រថយន្តវេអងចំនួន៤គ្រឿងមានដឹកឈើពេញៗ ធ្វើដំណើរចេញពីស្រុកវើនសៃ ឆ្ពោះចូលមកក្រុងបានលុង ហើយត្រូវបានកម្លាំងប៉ុស្តិ៍រដ្ឋបាលឃុំអូរជុំ សហការជាមួយកម្លាំងអធិការដ្ឋានស្រុកអូរជុំ ឃាត់នាំទៅសាកសួរ ធ្វើឡើងនៅវេលាម៉ោង០៨យប់ថ្ងៃទី៦ ធ្នូ ត្រង់ចំណុចសាលាឆទាន ស្ថិតក្នុងភូមិថារ៉ងជង ឃុំអូរជុំ ស្រុកអូរជុំ ខេត្តរតនគិរី។
បើតាមប្រភពពីលោក ខាត់ សុផល នាយប៉ុស្តិ៍នគរបាលរដ្ឋបាលឃុំអូរជុំបានឱ្យដឹងថា ក្នុងពេលកម្លាំងរបស់លោក បានឃាត់រថយន្តដឹកឈើខាងលើនោះភ្លាម ព្រោះមានការសង្ស័យសួរ ខណៈអ្នកបើកបរប្រាប់ថា ជារថយន្តដឹកដំឡូងមីទេនោះ ។ លោកបន្តថា លុះពេលធ្វើការត្រួតពិនិត្យទៅ ក៏ឃើញផ្ទុកសុទ្ធតែឈើប្រណីតពេញរថយន្តតែម្តង ។
ប្រភពបន្តថា ប៉ុន្តែការឃាត់រថយន្តខាងលើនោះ សង្កេតឃើញបានត្រឹយមតែជាង២ម៉ោងប៉ុណ្ណោះ ក៏មានឈ្មោះផល ផៃ ជិះរថយន្តមកដល់ហើយអះអាងថា ខ្លួនជាមេការធំ នាំឈើមួយ ។ ហើយរថយន្តដឹកឈើរបស់ខ្លួន មានច្បាប់ត្រឹមត្រូវប៉ុន្តែមិនទាន់បានPCនៅឡើយ ។ លុះដល់ម៉ោង១យប់រំលងអាធ្រាត្រទើបឈ្មោះ ផល ផៃ នេះបានយកPC មកបង្ហាញសមត្ថកិច្ចហើយក៏នាំរថយន្តទាំងនោះបើកចេញទៅបាត់ស្រម៉ោលតែម្តង ។
តាមប្រភពពីសមត្ថកិច្ចជំនាញបានបង្ហើបថា រាល់ពេលដែលលោក ផល ផៃ នាំរថយន្តដឹក ឈើទាំងនេះចេញពីគោលដៅផ្សេងៗមិនដែលឃើញមានpc(លិខិតអនុញ្ញាតដឹកជញ្ជូន) នោះមកបង្ហាញសមត្ថកិច្ចឡើយ លុះដល់ពេលសមត្ថកិច្ចឃាត់សួរនាំទើបរយ់ការយកpcយកបង្ហាញ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ