តាមប្រភពព័ត៌មាន Soccer Laduma បានឱ្យដឹងថា កូនប្រុសរបស់កីឡាករ Cristiano Ronaldo ហាក់ដូចជាដើរតាមគន្លងឪពុកដ៏ល្បីល្បាញរបស់គាត់ ហើយឥឡូវនេះគាត់បានឈ្នះការប្រកួតយុវជនជាមួយក្រុម U9…
តាមប្រភពព័ត៌មាន Soccer Laduma បានឱ្យដឹងថា កូនប្រុសរបស់កីឡាករ Cristiano Ronaldo ហាក់ដូចជាដើរតាមគន្លងឪពុកដ៏ល្បីល្បាញរបស់គាត់ ហើយឥឡូវនេះគាត់បានឈ្នះការប្រកួតយុវជនជាមួយក្រុម U9 របស់ក្រុម Juventus ហើយត្រូវបានគេដាក់ឈ្មោះថាជាខ្សែប្រយុទ្ធឆ្នើមបំផុត។
កូនប្រុសរបស់ Ronaldo ឈ្មោះ Cristiano Jr បានជាប់នៅលើទំព័រកាសែតកាលពីដើមឆ្នាំ ក្រោយពីស៊ុតគ្រាប់បាល់បានយ៉ាងល្អ។ នៅចុងខែតុលា គាត់រកបានគ្រាប់បាល់ចំនួន៥៨គ្រាប់ និង ទាត់ Assist បាន១៨ ក្នុងការប្រកួតត្រឹមតែ២៨ដងនៅក្នុងរដូវកាលនេះ ។
ឥឡូវនេះ គាត់បានធ្វើឱ្យកាន់តែល្បីជាមួយនឹងការឈ្នះពាន Cavour Trophy ក្រោយពីផ្ចាញ់ក្លិប Chieri ក្នុងលទ្ធផល ៣-២ នៅវគ្គផ្តាច់ព្រ័ត្រ ។ កូនប្រុសច្បងរបស់ Ronaldo រូបនេះ បានរកគ្រាប់បាល់៣គ្រាប់ជាប់ៗគ្នា ហើយត្រូវបានគេឱ្យជាប់ជាកីឡាករខ្សែប្រយុទ្ធឆ្នើមជាងគេ ។
ដោយសារតែឃើញកូនបានលទ្ធផលល្អបែបនេះ Ronaldo បានបង្ហោះរូបភាពរបស់ Cristiano Jr និងពានរង្វាន់ខ្សែប្រយុទ្ធឆ្នើមបំផុតនៅលើ Instagram ដោយមានសរសេរភ្ជាប់ជាមួយថា៖«ខ្ញុំជាឪពុកដែលមានមោទនភាព»៕
ប្រភព ៖ soccerladuma , កែសម្រួលដោយ ៖ សំណាង
ចែករំលែកព័តមាននេះ