ខេត្តបន្ទាយមានជ័យ ៖ ដីស្ថានីយ៍ស្តារព្រៃឈើតាបែនពីរ ស្រុកស្វាយចេក ត្រូវបានប្រជាពលរដ្ឋ២ក្រុមទំនាស់ដណ្តើមដីគ្នាដែលមានផ្ទៃដីទំហំ១៧០០ហិកតា ត្រូវបានប្រជុំរកដំណោះស្រាយនៅរសៀលថ្ងៃទី០៩ ខែធ្នូ ឆ្នាំ២០១៩ នៅសាលប្រជុំសាលាខេត្តបន្ទាយមានជ័យ ។…
ខេត្តបន្ទាយមានជ័យ ៖ ដីស្ថានីយ៍ស្តារព្រៃឈើតាបែនពីរ ស្រុកស្វាយចេក ត្រូវបានប្រជាពលរដ្ឋ២ក្រុមទំនាស់ដណ្តើមដីគ្នាដែលមានផ្ទៃដីទំហំ១៧០០ហិកតា ត្រូវបានប្រជុំរកដំណោះស្រាយនៅរសៀលថ្ងៃទី០៩ ខែធ្នូ ឆ្នាំ២០១៩ នៅសាលប្រជុំសាលាខេត្តបន្ទាយមានជ័យ ។
លោក លី សារី អភិបាលរងខេត្តបន្ទាយមានជ័យបានមានប្រសាសន៍ថា កិច្ចប្រជុំក្រុមការងារដោះស្រាយដីធ្លីស្ថិតនៅក្នុងស្ថានីយ៍ស្តារព្រៃឈើតាបែនពីរ ក្នុងស្រុកស្វាយចេក ដែលមានប្រជាពលរដ្ឋ២ក្រុមប្រមាណ១៥០០គ្រួសារទំនាស់គ្នាដណ្តើមដីស្ថានីយ៍ស្តារព្រៃឈើដែលមានផ្ទៃដីទំហំ១៧០០ហិកតាដែលកំពុងអាស្រ័យផល ។
លោកបានបញ្ជាក់ថា ក្រោយទំនាស់ដីធ្លីដែលអូសបន្លាយជាច្រើនឆ្នាំមកហើយដោះស្រាយមិនទាន់ចេញទើបបង្កើតក្រុមការងារសម្រាប់ពិនិត្យវាយតម្លៃ និងលើកសំណើរដោះស្រាយលើសំណើររបស់ប្រជាពលរដ្ឋចំនួន១៥០០គ្រួសារដើម្បីឱ្យមន្ត្រីគណៈកម្មាធិការដោះស្រាយទំនាស់ដីធ្លីចុះពិនិត្យឱ្យបានច្បាស់លាស់ ។
លោក ឡៅ សុខារម្ម អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទបានមានប្រសាសន៍ថា ក្រោយកិច្ចប្រជុំបង្កើតក្រុមការងារហើយមន្ត្រីគណៈកម្មាធិការត្រូវចុះសិក្សាឱ្យបានច្បាស់លាស់ ដើម្បីការដោះស្រាយទទួលបានភាពយុត្តិធម៌ដីទំនាស់គឺជាដីស្ថានីយ៍ស្តារព្រៃឈើតាបែនពីរ ស្រុកស្វាយចេក ។
លោកបានណែនាំដល់ក្រុមការងារត្រូវចុះស្រាវជ្រាវសិក្សាឱ្យបានជាក់លាក់ទៅលើប្រជាពលរដ្ឋដែលរស់នៅជាក់ស្តែង និងមានប័ណ្ណកម្មសិទ្ធិ ហើយកំពុងអាស្រ័យផលជាក់ស្តែង ហើយប្រជាពលរដ្ឋដែលកំពុងទទួលការបំផុសក្រុមល្មើសច្បាប់ហើយនាំគ្នាមករំលោភយកដីដែលគ្មានលិខិតស្នាមត្រូវធ្វើលិខិតឱ្យច្បាស់លាស់ហើយត្រូវរកដំណោះស្រាយ ៕
កែសម្រួលដោយ ៖ សំណាង
ចែករំលែកព័តមាននេះ