បុគ្គលមានចិត្តជាឥស្សរៈ មានន័យថាជាចិត្តនឹងមិនរេទៅតាមហេតុការណ៍ដែលបានកើតឡើង នេះហើយជាគុណភាពជីវិតសម្រាប់ការរស់នៅក្នុងសង្គម ។
អ្នកបួសដែលដល់នូវចិត្តជាឥស្សរៈ គឺជាចិត្តមិនញាប់ញ័រ ចិត្តមាំទាំ ដែលជាគុណភាពជីវិតដ៏ខ្ពង់ខ្ពស់ ជាជីវិតដ៏ឧត្តម ដូចដែលមាននៅក្នុងមង្គលសូត្រ៣៨ប្រការ តាមពុទ្ធវចនៈថា ចិត្តំ អសោកំ វិរជំ ខេមំ …ចិត្តបុគ្គលណា ដែលលោកធម៌ពាល់ត្រូវហើយមិនញាប់ញ័រ ជាចិត្តរឹងប៉ឹង មិនសោកសៅ មិនសៅហ្មង ជាចិត្តដែលស្អាតស្រស់ថ្លា ក្សេម រីករាយ យ៉ាងនេះចាត់ជាមង្គលដ៏ខ្ពស់ខ្ពស់ ជាគុណភាពជីវិតថ្នាក់កំពូល ពោលគឺព្រះនិព្វាន ។
ឪពុកម្ដាយដែលដល់នូវលំដាប់ចិត្តបែបនេះ នឹងបានជាទីពឹងក្នុងគ្រួសារ និងមនុស្សទូទៅយ៉ាងល្អប្រសើរ នេះហើយជាគុណភាពនៃជីវិតនៅក្នុងសង្គម ។ ដោយសាន សារិន
ចែករំលែកព័តមាននេះ