មន្ទីរប្រឆាំងគ្រឿងញៀ.នបូកសរុបលទ្ធផលចាប់ពីខែមករា ដល់ខែវិច្ឆិកា ឆ្នាំ២០១៩
- ភ្នំពេញ
រាជធានីភ្នំពេញ ៖ សេចក្តីរាយការណ៍បានឲ្យដឹងថា កាលពីព្រឹកថ្ងៃទី៩ ខែធ្នូ ឆ្នាំ២០១៩ នាយឧត្តមសេនីយ៍ ម៉ក់ ជីតូ អគ្គស្នងការរង…
រាជធានីភ្នំពេញ ៖ សេចក្តីរាយការណ៍បានឲ្យដឹងថា កាលពីព្រឹកថ្ងៃទី៩ ខែធ្នូ ឆ្នាំ២០១៩ នាយឧត្តមសេនីយ៍ ម៉ក់ ជីតូ អគ្គស្នងការរង ទទួលផែនប្រឆាំងបទល្មើសគ្រឿងញៀន បានដឹកនាំអង្គប្រជុំ បូកសរុបលទ្ធផលប្រចាំខែវិច្ឆិកា ឆ្នាំ២០១៩ និង លើកទិសដៅការងារបន្តទៀត អញ្ជើញចូលរូមគឺឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន នាយករងមន្ទីរ និង នាយការិយាល័យចំណុះសរុបចំនួន៤១ រូប ។ កិច្ចប្រជុំនេះបាន វាយតម្លៃអំពីសភាពការណ៍បទល្មើសគ្រឿងញៀន នៅតាមបណ្តាប្រទេសក្នុងតំបន់ និងនៅកម្ពុជា ។
លទ្ធផលនៃកិច្ចប្រតិបត្តិការបង្ក្រាបបទល្មើសគ្រឿងញៀនប្រចាំខែវិច្ឆិកា ឆ្នាំ២០១៩ កន្លងមកនេះ បង្ក្រាបបានចំនួន៧៣៥ ករណី ឃាត់មនុស្ស១.៤៦៥ នាក់ ស្ត្រី១០៥នាក់ ក្នុងនោះ ៖ ករណីជួញដូរគ្រឿងញៀនចំនួន៤២៩ករណី ឃាត់ខ្លួន៨២៨នាក់ ស្រី៧២នាក់ ករណីប្រើប្រាស់គ្រឿងញៀន៣០៥ករណី ឃាត់ខ្លួន៦៣៦នាក់ ស្រី៣២ នាក់, ករណីផលិត និងកែច្នៃគ្រឿងញៀន១ករណី ឃាត់ខ្លួន១ នាក់ ឃាត់ខ្លួនជនបរទេស ២០នាក់ ស្រី១នាក់ (ជនជាតិវៀតណាម១៣នាក់ ចិន៤នាក់ ស្រី១នាក់ នីហ្សេរីយ៉ា១នាក់ ម៉ាឡេស៊ី១នាក់ និងឥណ្ឌូណេស៊ី១នាក់ ។
វត្ថុតាងចាប់យក ៖ សារធាតុញៀនសរុប ៤០គីឡូ ៥១១.៨៥ ក្រាម ក្នុងនោះមាន ៖ មេតំហ្វេតាមីន ICE ១០គីឡូ ៤៣២.៣២ក្រាម WY ២៧.៦៧៨ ក្រាម Ketamine ១គីឡូ ២៨៣.៣០ក្រាម MDMA ១គីឡូ ១៨៨.១៨ក្រាម អនុវត្ដតាមដីកាចំនួន២៤ដីកា ចាប់ខ្លួនមនុស្ស២១ នាក់ ។
លទ្ធផលបូកសរុបបង្ក្រាបបទល្មើស របស់មន្ទីរប្រឆាំងគ្រឿងញៀន ចាប់ពីថ្ងៃទី១ ខែមករា ដល់ថ្ងៃទី៨ ខែធ្នូ ២០១៩ បង្ក្រាបបានចំនួន១៦៨៨ករណី ឃាត់ខ្លួនជនសង្ស័យ២៧០៨ នាក់ ស្រី២២៤នាក់ ករណីជួញដូរ រក្សាទុក កែច្នៃ និងសម្រួល៨០២ករណី ឃាត់ខ្លួនជនសង្ស័យបាន១១៨៩នាក់ ស្រី១៣៦នាក់ ករណីប្រើប្រាស់គ្រឿងញៀន៨៦៦ករណី ឃាត់ខ្លួនជនសង្ស័យបានចំនួន១.៥១៩នាក់ ស្រី៨៨នាក់ ចាប់យកសារធាតុញៀនគ្រប់ប្រភេទ ទម្ងន់៤៥៣គីឡូ ១៣៣ក្រាម ។
លទ្ធផលអនុវត្តន៍ច្បាប់ចាប់ពីថ្ងៃទី១ ខែមករា ដល់ថ្ងៃទី៨ ខែធ្នូ ២០១៩ បង្ក្រាបបានចំនួន៩ ០៥៥ ករណី ឃាត់ខ្លួនជនសង្ស័យបានចំនួន១៨.៩៦៥នាក់ ស្រី១២៦០នាក់ មានជនបរទេស៣៨១នាក់ ស្រី៦៣នាក់ និងមាន១២សញ្ជាតិ ជួញដូរ រក្សាទុក កែច្នៃ ចាត់ចែង និងដាំដុះ៥៣៨០ករណី ឃាត់ខ្លួនជនសង្ស័យ១០.២៨៧នាក់ ស្រី៨៤១នាក់ ករណីប្រើប្រាស់គ្រឿងញៀន៣៦៧៥ករណី ឃាត់៨៦៧៨នាក់ ស្រី៤១៩នាក់ ចាប់យកសារធាតុញៀនគ្រប់ប្រភេទ ទម្ងន់ ៦៧៦គីឡូ ៧៧០.២៦ក្រាម និងកញ្ឆាក្រៀម ៩៩គីឡូ ៩៧០.៩៩ ក្រាម កញ្ឆាស្រស់ ៨៦ ៤១៦ ដើម អនុវត្ដន៍តាមដីកាបានចំនួន ២៩៥ ដីកា ចាប់ខ្លួនជនសង្ស័យបានចំនួន២៩០នាក់ ស្រី១០នាក់ ។
បញ្ហាប្រឈមនានា ក្នុងពេលចុះតស៊ូករណី និងកិច្ចប្រតិបត្តការបង្ក្រាបបទល្មើស ។ ក្នុងនោះនាយឧត្តមសេនីយ៍ ម៉ក់ ជីតូ និង លោកឧត្តមសេនីយ៍ឯក ឡឹក វណ្ណៈ បានលើកឡើង និង សង្កត់ធ្ងន់ថា នៅពេលចុះប្រតិបត្តការ ត្រូវប្រកាន់ភ្ជាប់វិន័យកងកម្លាំងនគរបាលជាតិ ក្រមសីលធម៌ នឹងអនុវត្តន៍តាមនីតិវិធីឲ្យបានខ្ជាប់ខ្ជួន ៕ (កែសម្រួលដោយ ៖ ធីតា)
ចែករំលែកព័តមាននេះ