ប្រទេសអូស្ត្រាលី ៖ ពពកផ្សែងពុលដោយសារភ្លើងឆេះព្រៃ កាលពីថ្ងៃទី៨ ខែធ្នូ ឆ្នាំ២០១៩ បានហុយទៅដល់រដ្ឋធានីអូស្ត្រាលីក្រុងកង់បេរ៉ា ។
ភាគខាងកើតអូស្ត្រាលីជួបប្រទះចាប់តាំងពី៣ខែមកហើយនឹងភ្លើងឆេះព្រៃយ៉ាងបំផ្លិច បំផ្លាញ ដែលជាផលវិបាកនៃគ្រោះរាំងស្ងួតអូសបន្លាយពេលយូរនិងការកើនកំដៅបរិយាកាស ។
ពេលភ្ញាក់ពីដំណេកនាវេលាព្រឹកព្រលឹម ប្រជាជនក្រុងកង់បេរ៉ាជួបប្រទះនឹងអ័ព្ឋផ្សែងពុល ទាក់ទិននឹងភ្លើងឆេះព្រៃ គ្របដណ្ដប់លើរដ្ឋធានី ។ ក្រុងស៊ីដនីទើបជួបប្រទះបាតុភូតបែបនោះ រយៈពេលដល់ច្រើនសប្ដាហ៍ ។
អាជ្ញាធរគូសបញ្ជាក់ថាលក្ខខណ្ឌឧតុនិយមអនុគ្រោះអាចនាំទៅដល់ការគ្រប់គ្រងបានភ្លើងឆេះព្រៃតាមកន្លែងផ្សេងៗ មុនពេលប្រកាសពីខ្យល់ខ្លាំងនិងសីតុណ្ហភាពខ្ពស់សម្រាប់ថ្ងៃទី១០ ធ្នូ ។ ភ្លើងឆេះព្រៃនៅអូស្រាលីបានបំផ្លាញរួច ហើយផ្ទះជាង៧០០ខ្នង ហើយមនុស្ស៦នាក់បានត្រូវបាត់បង់ជីវិត ៕ (កែសម្រួលដោយ ៖ បុប្ផា)
ចែករំលែកព័តមាននេះ