រាជធានីភ្នំពេញ ៖ ការប្រកួតក្នុងវគ្គពាក់កណ្ដាលផ្ដាច់ព្រ័ត្ររបស់សង្វៀនទូរទស្សន៍អាស៊ី នៅក្នុងព្រឹត្តិការណ៍ «ជើងឯកអ្នកប្រយុទ្ធកំពូលថាមពលឆេមពាន» នឹងឈានមកដល់ហើយ ដោយកីឡាករថៃ២រូប ដែលមានពិន្ទុខ្ពស់ជាងគេក្នុងពូល នឹងតម្រូវឱ្យប្រកួតគ្នាយកតែម្នាក់ទៅវគ្គផ្ដាច់ព្រ័ត្រ ខណៈដែលកីឡាករខាងកម្ពុជា ក៏មាន២រូបដូចគ្នា ដែលមានពិន្ទុខ្ពស់ជាងគេក្នុងពូល ដើម្បីស្វែងរកម្នាក់ទៅដណ្ដើមខ្សែក្រវាត់ជាមួយថៃ នៅថ្ងៃអាទិត្យ ទី០៨ ខែធ្នូ នាម៉ោង៥និង៣០នាទីល្ងាចនេះ។
សមាសភាពខាងកម្ពុជា គឺកីឡាករ ឡុង សុភី ឬ នី សុភី ដែលជាកីឡាករល្បីឈ្មោះ និងកីឡាករឡើងកូដ គឺកីឡាករវង្ស វិឆ័យ គឺជាអ្នកប្រកួតគ្នា។ រវាងអ្នកទាំងពីរ អ្នកឈ្នះនឹងឡើងទៅប្រកួតជាមួយកីឡាករថៃ ដែលឈ្នះដូចគ្នា ហើយដណ្ដើមយកខ្សែក្រវាត់អន្តរជាតិ។
ដោយឡែកអ្នកចាញ់ការប្រកួត ត្រូវទៅប្រកួតយកលេខ៣ នៅវគ្គផ្ដាច់ព្រ័ត្រ។ ទឹកប្រាក់សម្រាប់ការប្រកួតលើកនេះ គឺលេខ១ ទទួលបាន៥ពាន់ដុល្លារ លេខ២ ទឹកប្រាក់៣ពាន់ដុល្លារ លេខ៣ទឹកប្រាក់១៥០០ និងលេខ៤ទឹកប្រាក់១០០០ដុល្លារ។ (កែសម្រួលដោយ ៖ បុប្ផា)
ចែករំលែកព័តមាននេះ