ខេត្តឧត្តរមានជ័យ ៖ ឈ្មួញរកស៊ីដឹកជញ្ជូនឈើគ្រប់ប្រភេទដោយខុសច្បាប់ និងល្បីឈ្មោះម្នាក់នៅស្រុកចុងកាល់បានលាក់ទុកគំនរឈើប្រណីតក្នុងចំការចេកត្រូវបានលោកព្រះរាជអាជ្ញាអមសាលាដំបូងខេត្តឧត្តរមានជ័យដឹកនាំកម្លាំងប៉ូលិស ប៉េអឹម ស្រុកចុងកាល់ធ្វើការបង្ក្រាបរឹបអូសបានគំនរឈើចំនួន៤កន្លែងមិនក្រោម៤០ម៉ែត្រគូប កាលពីរសៀលថ្ងៃទី២៧ ឧសភា ២០១៤ ស្ថិតក្នុងឃុំចុងកាល់ ស្រុកចុងកាល់ ។
ប្រជាពលរដ្ឋដែលរស់នៅក្នុងស្រុកចុងកាល់បានឱ្យដឹងថា មេឈ្មួញរកស៊ីឈើគ្រប់ប្រភេទដ៏ល្បីឈ្មោះម្នាក់នេះឈ្មោះឡៃ វ៉ា ភេទប្រុស អាយុប្រហែល៣៥ទៅ៣៦ឆ្នាំ បានដឹកជញ្ជូនឈើលេខ២បង្កើតជាដេប៉ូលក់ និងដឹកឈើប្រណីតជាច្រើនម៉ែត្រគូបដោយខុសច្បាប់ លាក់ទុកគំនរឈើនៅតាមដីឡូក្នុងចំការចេកគ្មានញញើតស្ថាប័នណាទេ ថែមទាំងមានចរិតក្អេងក្អាង និងប្រើពាក្យសម្តីមិនសមរម្យដាក់ស្ថាប័នតូចតាចទៀតផង នេះប្រហែលជាមានអ្នកធំ ឬអ្នកមានអំណាចនៅពីក្រោយខ្នងហើយ។
បច្ចុប្បន្នគំនរឈើទាំងនោះត្រូវមន្ត្រីជំនាញរដ្ឋបាលព្រៃឈើបញ្ជូនយកទៅរក្សាទុកនៅខណ្ឌរដ្ឋបាលព្រៃឈើខេត្តឧត្តរមានជ័យទុកជាសម្បត្តិរដ្ឋ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ