ខេត្តព្រៃវែង ៖ រថយន្តដឹកស៊ីទែនមួយគ្រឿងដែលនៅក្នុងស៊ីតែនមានផ្ទុកទៅដោយកាកអំពៅដែលគេទើបចម្រាញ់រួច បានក្រឡាប់ផ្ងាជើងឡើងលើ។ហេតុការណ៍នេះកើតឡើងនៅវេលាម៉ោង៨និង៥៥នាទី ព្រឹក ថ្ងៃទី២៧ ឧសភា ២០១៤ នៅចំណុចផ្លូវកែងតាមផ្លូវជាតិលេខ១១ ស្ថិតនៅក្នុងភូមិពាមកោះ ឃុំពាមរ៍ក ស្រុកពាមរ៍ក ខេត្តព្រៃវែង។ ក្នុងហេតុការណ៍នេះមិនបណ្តាល
ខេត្តព្រៃវែង ៖ រថយន្តដឹកស៊ីទែនមួយគ្រឿងដែលនៅក្នុងស៊ីតែនមានផ្ទុកទៅដោយកាកអំពៅដែលគេទើបចម្រាញ់រួច បានក្រឡាប់ផ្ងាជើងឡើងលើ។ហេតុការណ៍នេះកើតឡើងនៅវេលាម៉ោង៨និង៥៥នាទី ព្រឹក ថ្ងៃទី២៧ ឧសភា ២០១៤ នៅចំណុចផ្លូវកែងតាមផ្លូវជាតិលេខ១១ ស្ថិតនៅក្នុងភូមិពាមកោះ ឃុំពាមរ៍ក ស្រុកពាមរ៍ក ខេត្តព្រៃវែង។ ក្នុងហេតុការណ៍នេះមិនបណ្តាលឱ្យមនុស្សមានគ្រោះថ្នាក់ទេ ប៉ុន្តែស្ករអំពៅដែលគេចម្រាញ់យកជាតិស្ករ អស់២ភាគបីហើយបានហូរពាសពេញផ្លូវអស់ចំនួន៤០ភាគរយ ។
តាមការសន្និដ្ឋានរបស់សមត្ថកិច្ចឱ្យដឹងថា ហេតុការណ៍នេះកើតឡើងដោយសារតែរថយន្តបើកលឿនពេកដល់ផ្លូវកែងយកចង្កូតមិទាន់ទើបបណ្តាលឱ្យក្រឡាប់យ៉ាងដូច្នេះ។ ក្រោយពេលកើតហេតុ តៃកុងរថយន្តបានរត់គេចខ្លួនបាត់ស្រមោល។សមត្ថកិច្ចបន្តទៀតថា រថយន្តដែលដឹកស៊ីទែន ពាក់ស្លាកលេខភ្នំពេញ 3B-4399 ជារបស់ក្រុមហ៊ុនលីយ៉ុងផាត់ដឹកចេញពីខេត្តក្រចេះកាត់ខេត្តព្រៃវែង តាមផ្លូវជាតិលេខ១១ ឆ្ពោះទៅកាន់ទីក្រុងភ្នំពេញ តែមកដល់កន្លែងកើតហេតុក៏បានក្រឡាប់តែម្តង។
ចុងក្រោយសមត្ថកិច្ចបានតែធ្វើកំណត់ហេតុ ចំណែកខាងក្រុមហ៊ុនបានឱ្យតំណាងយករថយន្តស្ទូចមកស្ទូចរថយន្តខាងលើយកទៅជួសជុល។ ប្រជាពលរដ្ឋព្រួយបារម្ភពីកាកកសំណល់ដែលហូរចេញពីសាទែន ពាសពេញថ្នល់លើកៅស៊ូ មានពណ៌ខ្មៅ ធុុំក្លិនដូចទឹកស៊ីអីុវ អាចនិងប៉ះពាល់ដល់សុខភាព មនុស្សសត្វ ព្រោះពុំមានមន្រ្តីណាចុះពិនិត្យកាកសំណល់នេះឡើយ។
ចែករំលែកព័តមាននេះ