ប្រទេសចិន-អាស៊ាន ៖ យោងតាមការវាយតម្លៃមួយចំនួនថា ប្រទេសថៃនឹងបាត់បង់ប្រាក់រហូតដល់១៨៧ពាន់លានបាត នៃចំណែកទីផ្សាររបស់ខ្លួនរហូតដល់ឆ្នាំ២០២២ លើទីផ្សារកម្ពុជា ឡាវ មីយ៉ាន់ម៉ានិងវៀតណាមដែលកំពុងជោរជន់ដោយផលិតផលរបស់ចិនជំនួសវិញ។ យោងតាមនាយកនៃមជ្ឈមណ្ឌលសិក្សាស្ដីពីពាណិជ្ជកម្មអន្តរជាតិ នៃសាកលវិទ្យាល័យសភាពាណិជ្ជកម្មថៃ…
ប្រទេសចិន-អាស៊ាន ៖ យោងតាមការវាយតម្លៃមួយចំនួនថា ប្រទេសថៃនឹងបាត់បង់ប្រាក់រហូតដល់១៨៧ពាន់លានបាត នៃចំណែកទីផ្សាររបស់ខ្លួនរហូតដល់ឆ្នាំ២០២២ លើទីផ្សារកម្ពុជា ឡាវ មីយ៉ាន់ម៉ានិងវៀតណាមដែលកំពុងជោរជន់ដោយផលិតផលរបស់ចិនជំនួសវិញ។
យោងតាមនាយកនៃមជ្ឈមណ្ឌលសិក្សាស្ដីពីពាណិជ្ជកម្មអន្តរជាតិ នៃសាកលវិទ្យាល័យសភាពាណិជ្ជកម្មថៃ លោកអាអាតពីសាន់វ៉ានិកថា ការសិក្សាមួយបានលាតត្រដាងថា ចិនបានដើរតួនាទីសំខាន់ក្នុងពាណិជ្ជកម្មនិងការនាំចេញមកកាន់ប្រទេសទាំងនោះ ក្នុងរយៈពេល១៥ឆ្នាំចុងក្រោយនេះ។ ចិនបានចាក់គ្រឹះមាំក្នុងទីផ្សាររបស់អាស៊ាន រយៈពេលជាង១ទសវត្សមកហើយគឺមុននិងក្រោយការចូលជាធរមាននៃសហគមសេដ្ឋកិច្ចអាស៊ាននាឆ្នាំ២០១៥។ ការវាយលុករបស់ចិនលើការនាំចូលរបស់បណ្ដាប្រទេសអាស៊ាន មកពីបណ្ដាផលិតផលចិនមានតម្លៃមិនសូវថ្លៃ។
ការសិក្សានោះផ្ដោតលើផលប៉ះពាល់នៃបណ្ដាផលិតផលចិន ក្នុងប្រទេស៤របស់អាស៊ានគឹកម្ពុជា ឡាវ មីយ៉ាន់ម៉ានិងវៀតណាម លើពាណិជ្ជកម្មនិងការវិនិយោគនៅថៃនិងនៅអាស៊ី។
ទន្ទឹមនឹងនេះដែរអាស៊ានបាននាំចេញទៅកាន់ប្រទេសចិន បណ្ដាទំនិញមានតម្លៃ១៩៤,៥៣ពាន់លានដុល្លារ ដែលមានការកើនឡើង៤,១ដង តែការនាំចូលរបស់ពួកគេវិញ បានកើនដល់ទៅ៧,៥ដងមានទឹកប្រាក់២៧៧ពាន់លានដុល្លារ។ កាលពីឆ្នាំទៅមិញប្រទេសអាស៊ានទាំង៤នោះក៏បានជ្រើសរើសការនាំចូលថែមទៀតពីចិន។ ទស្សនវិស័យក៏រិតតែគួរឲ្យបារម្ភពិសេសពេលភាពជាដៃគូសេដ្ឋកិច្ចជាសាកលរបស់តំបន់នឹងចូលជាធរមាន។ កិច្ចព្រមព្រៀងពាណិជ្ជកម្មនេះមានន័យថា ចិនត្រូវដើរតូនាទីកាន់តែសំខាន់ថែមទៀត ហើយក៏ត្រូវមានការហូរចូលទំនិញតម្លៃថោកមកពីចិន ពិសេសមកក្នុងប្រទេសអាស៊ាន៤។
រយៈ៣ឆ្នាំខាងមុខនេះតម្លៃនៃការនាំចេញរបស់ថៃដែលរងការប៉ះពាល់ ដោយការនាំចេញរបស់ចិនមកកាន់ប្រទេសអាស៊ាន៤ នឹងឡើងដល់១៨៧,៧៩ពាន់លានបាត។ចំណែកការវិនិយោគដោយផ្ទាល់របស់ចិនក្នុងប្រទេសទាំង៤នេះ នឹងត្រូវបង្កើនរយៈពេល៣ឆ្នាំខាងមុខនេះ បន្ទាប់ពីមានការកើនដល់១២៤%កាលពីឆ្នាំទៅមិញ ពិសេសនៅកម្ពុជា ឡាវនិងវៀតណាម៕ (កែសម្រួលដោយ ៖ បុប្ផា)
ចែករំលែកព័តមាននេះ