ព្រឿង សុជាតិ ប៉ះ កូយ ឡាយ ដណ្តើមជើងឯក
- ភ្នំពេញ
រាជធានីភ្នំពេញ ៖ ការប្រកួតជ្រើសរើសជើងឯក TV5 Knock out Series by K-Cement រដូវកាលទី៦…
រាជធានីភ្នំពេញ ៖ ការប្រកួតជ្រើសរើសជើងឯក TV5 Knock out Series by K-Cement
រដូវកាលទី៦ ក្នុងប្រភេទទម្ងន់៦០គីឡូក្រាម នៅ ថ្ងៃទី៧ ខែធ្នូ ឆ្នាំ២០១៩ កីឡាករ ព្រឿង សុជាតិ នឹងប៉ះជាមួយកីឡាករ កូយ ឡាយ ដើម្បីស្វែង រកម្នាក់ឲ្យគ្រងតំណែងជាម្ចាស់ជើងឯកជំនាន់ទី៦ ។ ឯកីឡាករ២រូបទៀតគឺ សូត្រ ខេវិន និង ទូច ដេវីដ ប្រជែងគ្នាយកលេខ៣ ខណៈដែលកីឡាករ២រូបទៀតគឺ កីឡាករកម្ពុជា អ៊ុច ធារិទ្ធិ និងកីឡាករថៃ ជ្រើនឡាប ស៊ីតវីរៈឆាត នឹងប៉ះគ្នាក្នុងជំនួបមិត្តភាពអន្តរជាតិ ។
ការប្រកួតដែលធ្វើឡើងនៅសង្វៀនស្ថានីយ ទូរទស្សន៍ប៉ុស្តិ៍លេខ៥ នៅព្រែកកំពឹស រំពឹងថា នឹងទទួលបានការចាប់អារម្មណ៍យ៉ាងខ្លាំងពីសំ ណាក់អ្នកគាំទ្រ ជាពិសេសខណៈដែលការប្រកួត
នៅថ្ងៃសៅរ៍នោះ គឺជាការប្រកួតស៊ីសាច់ហុត ឈាមរវាងកីឡាករ ព្រឿង សុជាតិ និង កុយ ឡាយ ដែលពិតជាមិនត្រូវការចាញ់ដើម្បីក្ដោបក្ដាប់តំណែងម្ចាស់ជើងឯក ។
គួរបញ្ជាក់ថា ការរកឃើញចាញ់ឈ្នះ ហើយ មានមុខប៉ះគ្នានៅសង្វៀនស្ថានីយទូរទស្សន៍ប៉ុស្តិ៍លេខ៥ ក្នុងវគ្គផ្ដាច់ព្រ័ត្រនេះ ព្រឿង សុជាតិ បានប្រើរយៈពេលប្រកួតតែ២ទឹកប៉ុណ្ណោះវាយ សូត្រ ខេវិន ឲ្យបរាជ័យ ។ ឯ សូត្រ ខេវិន ដែលក្នុងពេលនេះសល់ត្រឹមឱកាសដណ្ដើមយកលេខ៣ ក៏បញ្ចេញសមត្ថភាពបានខ្លាំងមិនធម្មតាដែរ ប៉ុន្តែមកពី ព្រឿង សុជាតិ ក៏ខ្លាំងមិនធម្មតា ហើយ វាយត្រូវគោលដៅច្រើនជាង ទើបគេមិនមានសំ ណាងដណ្ដើមបានកៅអី២នាក់ ហើយឡើងទៅវគ្គដណ្ដើមជើងឯកនេះ ។
ក្នុងវគ្គផ្ដាច់ព្រ័ត្រនេះដែរ កូយ ឡាយ ក៏ប្រឹងអស់សមត្ថភាពក្នុងការប្រកួតយ៉ាងលំបាកពេញ៣ទឹក ដើម្បវាយ ទូច ដេវីត ឲ្យបរាជ័យ ។ ទូច ដេវីត ដែលក្នុងពេលនេះសល់ត្រឹមឱកាសដណ្ដើមយកលេខ៣ បញ្ចេញសមត្ថភាពបានខ្លាំងមិនធម្មតា ប៉ុន្តែមកពី កូយ ឡាយ ក៏ខ្លាំងមិនធម្មតាដែរ ហើយវាយត្រូវគោលដៅច្រើនជាង ទើបគេមិនមានសំណាងដណ្ដើមបានកៅអី២នាក់ ហើយឡើងទៅវគ្គដណ្ដើមជើងឯកនេះ។
កីឡាករ ព្រឿង សុជាតិ និង កូយ ឡាយ សុទ្ធតែបង្ហាញអារម្មណ៍លោតកញ្ជ្រោលសប្បាយបន្ទាប់ពីត្រូវបានគណៈកម្មការប្រកាសថាឈ្នះ ។ ព្រឿង សុជាតិ ដែលជាអ្នកជំនាន់ក្រោយ ធ្លាប់បាន បង្ហើបថា ខ្លួនអត់មានរំពឹងសូម្បីតែបន្តិចនៅពេល ដឹងថាឈ្មោះរបស់ខ្លួនត្រូវឡើងប៉ះប្រកួតជាមួយ សូត្រ ខេវិន ដែលជាកីឡាករខ្លាំងម្នាក់ ហើយក៏ជាកីឡាករដែលមានសមត្ថភាពខ្ពស់ដែរនោះ។
បើទោះជាមុនឡើងសង្វៀន រូបគេបានហ្វឹកហាត់ដិតដល់ និងបានចាក់មើលវីដេអូឡើងប្រកួតកន្លងមករបស់កីឡាករជាគូប្រកួត ដើម្បីស្វែងរកចំណុចខ្លាំង និងចំណុចខ្សោយរបស់រៀមច្បងរូបនេះច្រើន តែក៏នៅអត់សង្ឃឹមសម្រាប់ការផ្ដួលរៀមច្បងរូបនេះ ។ ការលើកឡើងនេះ ក៏មិនខុសគ្នាពីកីឡាករ កូយ ឡាយ ដែរ ។
លោក សេង កដិកា អ្នករៀបចំការប្រកួត បានថ្លែងថា ការប្រកួតរដូវកាលនេះនឹងកាន់តែល្អមើលហើយ ដោយសារជាវគ្គចុងក្រោយ។ សមាសភាពនៅក្នុងរដូវកាលទី៦នេះ ស្ថិតក្នុងប្រភេទទម្ងន់៦០គីឡូក្រាម ដែលជាប្រភេទស្រាល ដូច្នេះសម្រាប់កីឡាករគឺមិនខុសពីបណ្ដុះ កីឡាករក្មេងៗ ដើម្បីត្រៀមទុកទៅកាន់ព្រឹត្តិការណ៍ស៊ីហ្គេមដែលកម្ពុជាធ្វើជាម្ចាស់ផ្ទះនៅឆ្នាំ២០២៣នោះទេ ។ លោកប្រកាសថា បើកីឡាករដែលមានមុខប្រកួតក្នុងរដូវកាលទី៦ទាំងអស់ប្រឹងប្រែង ហើយតស៑ូប្រកួតដោយកុំប្រហែស គឺរង្វង់៣ទៅ៤ឆ្នាំទៀត ពួកគេនឹងក្លាយជាកីឡាករល្បីៗជំនួសអ្នកចាស់ ដែលល្បីនៅក្នុងពេលនេះ ។
លោកសម្រេចចិត្តជ្រើសរើសការប្រកួតក្នុងប្រភេទទម្ងន់៦០គីឡូក្រាម ដែលលោកយល់ថា គឺជាការបណ្ដុះធនធានកីឡាករក្មេងៗស្នងតំណែង ។ លោកអះអាងថា សម្រាប់គូប្រកួតក្នុងសប្ដាហ៍នេះនឹងកាន់តែល្អភ្នែក មិនថាគូដណ្ដើមខ្សែ ក្រវាត់ គូដណ្ដើមចំណាត់ថ្នាក់លេខ៣ ឬគូអន្តរជាតិឡើយ ៕ (កែសម្រួលដោយ ៖ បុប្ផា)
ចែករំលែកព័តមាននេះ