ក្រោយលើកពាន Ballon d’Or ទី៦ Messi ប្រកាសថាជិតចូលនិវត្តន៍
តាមប្រភពព័ត៌មាន Soccer Laduma បានឱ្យដឹងថា បន្ទាប់ពីបានយកពានបាល់មាសលើកទី៦ ឈ្នះគូប្រជែងសិបឆ្នាំ Cristiano Ronaldo មក ជើងខ្លាំង…
តាមប្រភពព័ត៌មាន Soccer Laduma បានឱ្យដឹងថា បន្ទាប់ពីបានយកពានបាល់មាសលើកទី៦ ឈ្នះគូប្រជែងសិបឆ្នាំ Cristiano Ronaldo មក ជើងខ្លាំង…
តាមប្រភពព័ត៌មាន Soccer Laduma បានឱ្យដឹងថា បន្ទាប់ពីបានយកពានបាល់មាសលើកទី៦ ឈ្នះគូប្រជែងសិបឆ្នាំ Cristiano Ronaldo មក ជើងខ្លាំង Lionel Messi បាននិយាយពីគម្រោងចូលនិវត្តន៍ ។
កាលពីរាត្រីថ្ងៃចន្ទបុរសជនជាតិអាហ្សង់ទីនវ័យ៣២ឆ្នាំរូបនេះទទួលបានពានរង្វាន់ Ballon d’Or ទី៦ ខណៈដែល Virgil van Dijk កីឡាកររបស់ Liverpool ឈរនៅលំដាប់ទី២ និង Cristiano Ronaldo របស់ Juventus ឈរនៅលំដាប់ទី៣ ។
ថ្លែងបន្ទាប់ពីទទួលពាន Ballon d’Or កីឡាករអាហ្សង់ទីនបានសារភាពថា គាត់មានអារម្មណ៍ថាការចូលនិវត្តន៍នៅមិនឆ្ងាយទេ ទោះបីជាពេលនេះគាត់នៅមានកម្លាំងរឹងមាំក៏ដោយ។ គាត់បានប្រាប់ប្រព័ន្ធផ្សព្វផ្សាយថា៖«ខ្ញុំដឹងថាខ្ញុំពេលនេះចាស់ប៉ុណ្ណាហើយ ។ ខ្ញុំរីករាយនឹងពេលវេលាទាំងនេះខ្លាំងណាស់ ពីព្រោះខ្ញុំដឹងថាការចូលនិវត្ដជិតដល់ពេលហើយ»។
Messi បានបន្តថា៖«ខ្ញុំសង្ឃឹមថា ព្រះជាម្ចាស់សព្វព្រះហឫទ័យឱ្យ ខ្ញុំនៅតែអាចបន្តលេងច្រើនឆ្នាំទៅមុខទៀត។ ឥឡូវនេះខ្ញុំមានអាយុ ៣២ឆ្នាំ ត្រៀមចូល ៣៣ឆ្នាំ នៅចុងរដូវកាលនេះ។ ដូចខ្ញុំនិយាយអ៊ីចឹង គ្រប់យ៉ាងគឺអាស្រ័យទៅលើកម្លាំងរាងកាយរបស់ខ្ញុំ។ ឥឡូវនេះខ្ញុំមានអារម្មណ៍ល្អខ្លាំង ទាំងផ្លូវកាយនិងផ្លូវចិត្ត។ ខ្ញុំសង្ឃឹមថា ខ្ញុំអាចបន្តទៅមុខទៀតបានយូរបន្តិច»។
គួរបញ្ជាក់ផងដែរថា Messi ដែលមិនបានឡើងប្រកួត៥ដងនៅក្នុងរដូវកាលនេះ ដោយសារតែរងរបួស បានរកគ្រាប់បាល់ចំនួន១១គ្រាប់ និង ជួយទាត់ Assist បាន ៨ដង ក្នុងការប្រកួត១៤ដង សម្រាប់ Barcelona ៕
ប្រភព ៖ soccerladuma , កែសម្រួលដោយ ៖ សំណាង
ចែករំលែកព័តមាននេះ