ខេត្តមណ្ឌលគិរី ៖ ម៉ូតូកែច្នៃចំនួន១០គ្រឿងដែលក្រុមជួញដូរឈើខុសច្បាប់ប្រើសម្រាប់ដឹកជញ្ជូនឈើចេញពីដែនជម្រកសត្វព្រៃកែវសីមា ត្រូវបានសមត្ថកិច្ចធ្វើការបង្ក្រាបកាលពីយប់ថ្ងៃទី៤ វិច្ឆិកា ឆ្នាំ២០១៩ នៅភូមិស្រែព្រះ ឃុំស្រែព្រះ ស្រុកកែវសីមា ។
តាមសេចក្ដីរាយការណ៍បានឲ្យដឹងថា សមត្ថកិច្ចនៅតែបន្តចាប់រថយន្តនិងម៉ូតូដឹកឈើខុសច្បាប់ដូចភ្លៀងរលឹម ខណៈដែលក្រុមឈ្មួញរកស៊ីឈើនៅតែមានសកម្មភាពជារៀងរាល់ថ្ងៃ។
ជាក់ស្ដែងកាលពីវេលាម៉ោង៩និង២០នាទីយប់ថ្ងៃទី៤ ធ្នូ ឆ្នាំ២០១៩ ក្រុមការងារលេខាធិកាដ្ឋានបានរុករកប្រទះឃើញម៉ូតូកែច្នៃចំនួន១០គ្រឿង ដឹកឈើប្រភេទលេខ១ ចំនួន៤០ដុំ ប្រភេទសុក្រំ នៅចំនុចUTM0704758-1349384 ។ វត្ថុតាងទាំងនេះត្រូវបានសមត្ថកិច្ចប្រគល់ជូនដែនជម្រកសត្វព្រៃសីមាចាត់ការតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ