រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាវេលាម៉ោង២និង២៧នាទីរសៀលថ្ងៃទី៥ ធ្នូ ឆ្នាំ២០១៩ មានករណីអគ្គិភ័យកំពុងឆាបឆេះផ្ទះល្វែងជាន់ទី១ ព្រមទាំងមានផ្សែងហុយទ្រលោមបង្កការភ្ញាក់ផ្អើលយ៉ាងខ្លាំង ។ ហេតុការណ៍ខាងលើនេះបានកើតឡើងនៅចំណុចផ្ទះល្វែងជាន់ទី១…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាវេលាម៉ោង២និង២៧នាទីរសៀលថ្ងៃទី៥ ធ្នូ ឆ្នាំ២០១៩ មានករណីអគ្គិភ័យកំពុងឆាបឆេះផ្ទះល្វែងជាន់ទី១ ព្រមទាំងមានផ្សែងហុយទ្រលោមបង្កការភ្ញាក់ផ្អើលយ៉ាងខ្លាំង ។
ហេតុការណ៍ខាងលើនេះបានកើតឡើងនៅចំណុចផ្ទះល្វែងជាន់ទី១ ផ្ទះលេខ១០CE ខាងកើតផ្សារនាគមាស ផ្លូវ៣១៦ ក្រុម៣២ សង្កាត់ផ្សារដើមគ ខណ្ឌទួលគោក ។
តាមសេចក្តីរាយការណ៍បានបន្តថា ផ្ទះកើតហេតុខាងលើត្រូវបានម្ចាស់ចាក់សោទុកចោល ស្រាប់តែកើតមានអគ្គិភ័យឆាបឆេះតែម្តង ។ ខណៈពេលនេះដោយសារតែផ្ទះកើតហេតុខាងលើជាប់សោ ទើបធ្វើសមត្ថកិច្ចមិនអាចចូលទៅខាងក្នុងដើម្បីធ្វើការពន្លត់បាននោះទេ និងកំពុងហៅរថយន្តពន្លត់អគ្គិភ័យមកជួយអន្តរាគមន៍ផងដែរ ។
តាមសេចក្តីរាយការណ៍បានបន្តទៀតថា ពាក់ព័ន្ធនឹងករណីខាងលើនេះ មូលហេតុគឺបណ្តាលមកទុស្សេខ្សែភ្លើងនៅបន្ទប់អាសនៈក្នុងផ្ទះជាន់ទី១នោះ ហើយភ្លើងបានឆាបឆេះបណ្តាលឱ្យរងការខូចខាតរបស់របរមួយចំនួនដូចជា សាឡុង តុ ទូផងដែរ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព៕ (កែសម្រួលដោយ ៖ ធីតា)
ចែករំលែកព័តមាននេះ