រាជធានីភ្នំពេញ ៖ កម្មករសំណង់ជនជាតិចិនចំនួន៥០នាក់បានលើកគ្នាមកឈរត្រៀបត្រានៅខាងមុខស្ថានទូតចិន ដើម្បីសុំអោយជួយអន្តរាគមន៍ ក្រោយពីក្រុមហ៊ុនវារីអគ្គិសនីចិនទី៨មិនបានបើកប្រាក់ខែអោយពួកគាត់អស់រយៈពេល៥ទៅ៦ខែមកហើយ នៅពេលបានលុយពួកគាត់នឹងវិលត្រឡប់ទៅស្រុកកំណើតវិញផងដែរ។ ហេតុការណ៍ខាងលើនេះបានកើតឡើងកាលពីវេលាម៉ោង៩និង៤៥នាទីព្រឹក ថ្ងៃទី៤ ខែធ្នូ ឆ្នាំ២០១៩…
រាជធានីភ្នំពេញ ៖ កម្មករសំណង់ជនជាតិចិនចំនួន៥០នាក់បានលើកគ្នាមកឈរត្រៀបត្រានៅខាងមុខស្ថានទូតចិន ដើម្បីសុំអោយជួយអន្តរាគមន៍ ក្រោយពីក្រុមហ៊ុនវារីអគ្គិសនីចិនទី៨មិនបានបើកប្រាក់ខែអោយពួកគាត់អស់រយៈពេល៥ទៅ៦ខែមកហើយ នៅពេលបានលុយពួកគាត់នឹងវិលត្រឡប់ទៅស្រុកកំណើតវិញផងដែរ។
ហេតុការណ៍ខាងលើនេះបានកើតឡើងកាលពីវេលាម៉ោង៩និង៤៥នាទីព្រឹក ថ្ងៃទី៤ ខែធ្នូ ឆ្នាំ២០១៩ នៅខាងមុខស្ថានទូតចិន តាមបណ្តោយផ្លូវម៉ៅសេទុង ស្ថិតក្នុងសង្កាត់ទួលទំពូងទី២ ខណ្ឌចំការមន។
តាមប្រភពព័ត៌មានពីស្ត្រីអ្នកបកប្រែម្នាក់បានប្រាប់ឱ្យដឹងថា ក្នុងពេលនេះដែរ ក្រុមកម្មករសំណង់ជាជនជាតិចិនសរុបចំនួន៥០នាក់ សុទ្ធតែជាបុរសៗនោះបានលើកគ្នាមកកាន់ស្ថានទូតចិន ក្នុងគោលបំណងសុំអោយខាងស្ថានទូតជួយធ្វើអន្តរាគមន៍ចំពោះក្រុមហ៊ុនវារីអគ្គិសនីចិនទី៨ ដែលមានទីតាំងនៅម្តុំស្ថានីយរថភ្លើង ដោយក្រុមហ៊ុននេះមិនបានបើកប្រាក់ខែអោយពួកគាត់អស់រយៈពេល៥ទៅ៦ខែមកហើយនោះ។
តាមប្រភពដដែលបានបន្តថា ក្នុងការនាំគ្នាមករកសុំឱ្យជួយអន្តរាគមន៍ពីស្ថានទូតចិនរកដំណោះស្រាយរឿងខាងក្រុមហ៊ុនខកខានមិនបានបើកលុយអោយពួកគាត់នេះដែរ ពួកគាត់ក៏ចង់ធ្វើយ៉ាងណា ឱ្យក្រុមហ៊ុននេះបើកលុយទាល់តែបាន ដើម្បីពួកគាត់ទាំងអស់គ្នាបានលុយធ្វើដំណើរវិលត្រឡប់ទៅកាន់ប្រទេសកំណើតវិញផងដែរ។
តាមប្រភពព័ត៌មានបានឱ្យដឹងថា នៅពេលក្រុមកម្មករសំណង់ជាជនជាតិចិនទាំង៥០នាក់លើកគ្នាមកកាន់ខាងមុខស្ថានទូតចិនដើម្បីសុំឱ្យជួយអន្តរាគមន៍ជុំវិញករណីខាងលើនេះដែរ ក៏មានកម្លាំងសម្ថកិច្ចនគរបាលប៉ុស្តិ៍ទួលទំពូងទី២ និងនគរបាលខណ្ឌចំការមន ក៏បានចុះមកដល់ ព្រមទាំងធ្វើការសួរនាំ និងរៀបចំសណ្តាប់ធ្នាប់ផងដែរ។
ក្រោយពីក្រុមកម្មករសំណង់ជាជនជាតិទាំង៥០នាក់នាំគ្នាមកកាន់ខាងមុខស្ថានទូតចិន ដើម្បីសុំឱ្យជួយអន្តរាគមន៍រឿងក្រុមហ៊ុនវារីអគ្គិសនីចិនទី៨ មិនបើកលុយឱ្យអស់រយៈពេល៥ទៅ៦ខែមកហើយ ខាងស្ថានទូតក៏បានប្រាប់អោយពួកគាត់វិលត្រឡប់ទៅធ្វើការដោះស្រាយគ្នាជាមួយនឹងក្រុមហ៊ុនវិញផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ